Exodus 21:8 - সান্তালী বাইবেল

⁸ Kisạ̃ṛtae uniye bebạsutae khan, one uni hataoe lạgitʼe niṭlede, enḍekhan uni kuṛi do dam sodkate chaḍaokʼ reakʼ hoke emaea; eṭakʼ jạtrenko ṭhen ạkhrińe reakʼ ektiạri do bạnukʼtaea, uni tulucʼ bepạtiạre kạmi akatʼte.

Exodus 21:8 Referans Kwoze

Bikʼcạrko 14:3

Uniren eṅgat apatkin menkeda, “Aboren peṛako se aboren jạtrenko talare cetʼ jãhãn kuṛi do bạnukʼkoa, ar baplakʼ lạgitʼ begor khatna akan Philisṭiko ṭhenem calakʼkana?” Menkhan Samson do apattetʼe metadea, “Baṅa baba, iń lạgitʼ do unige ạguiye ben. Iń do uniregeń kusi akana.”

Bikʼcạrko 9:19

Menkhan teheń Jerubakʼal ar uni gharońjrenko lạgitʼ pạtiạr ar bhageakʼ reakʼpe kạmi akatʼ khan Abimelek do aperen rạskạwạnicʼe hoyokʼma ar ape hõ uniren rạskạwanko baṛe hoyokʼpe!

Dosar Biboron 20:7

Bapla bondobos tayom jãhãe bae bapla akan khan uni hõ oṛakʼteye ruạṛ calakʼma; ar baṅkhan lạṛhạireye gocʼlen khan eṭakʼ hoṛ do uni maejiue baplayea.’

Exodus 8:29

Moseye menkeda, “Am ṭhen khon ruạṛkatege Isor ṭhen liń nehõrokʼa jemon gapage maharaj ar uniren kạmiyạko ar uniren hoṛko cetan khon noko kãṛã loṭocʼko calao cabakʼa. Menkhan Probhu Isor ńutumte janwar dãṛẽ samaṅokʼakʼ lạgitʼ senokʼ do maharaj jemon aloe eṛele.”

Genesis 28:8

Nonkate Esaue bujhạukeda, acʼ baba Isahak do Kananren maejiuko cetanre bae kusiya.

Jobakʼ 6:15

Menkhan ińren gateko cetanre do ohoń bhorsa daṛelena; onko do nonkan ạtukʼ dakʼ lekanako one okte oktere bondokʼ kan arhõ okte oktere do gaḍa perecʼ cape rakabokʼ kan.

1 Samuel 18:8

Niạ sereń ańjomkate Sạul do ạḍiye edreyena. Uni do bekusiteye menkeda, “Dạud reaṅ onko do ojute ojutko meneda menkhan iń reaṅ do hajarke hajar. Niạ tayom Dạud do rajosṭi ńam chaḍa ar cetʼ sarecʼ tahẽyentaea?”

1 Samuel 8:6

“Ar ale calaole lạgitʼ mitʼṭen raj ojokʼ bahalem,” Menkhan Samuel do hoṛkoakʼ niạ katha do bhage bae metatʼa. Ona iạte uni do Probhu Isor ṭhen koejoṅe ehopʼena.

Exodus 21:7

“Jãhãege acʼren hoponera golamini lekateye ạkhrińle khan, enḍekhan uni kuṛi do golamkoko oḍok calakʼ leka do bae oḍok calakʼa.

Exodus 21:9

Menkhan kisạ̃ṛ do acʼren hopon lạgitʼ kusite uniye idiakade khan tobe do acʼren hoponera leka joto ạidạri emae hoyokʼtaea.

Jeheskel 15:8

Disạm do ujạṛakʼ iń hoeocoya, ente onko do bin pạtiạranko hoyakana. Iń Probhu Isorge noa katha doń menetʼkana.”