Exodus 21:6 - সান্তালী বাইবেল

⁶ enḍekhan uniren kisạ̃ṛ do Isor ṭhene ạguyea. Ar ona tayom do duạr se duạr ganade ṭhen idikate sạlạkte luture pạṭi bhugạgtaea. Onate uni do goṭa jion acʼren kisạ̃ṛ ṭhen golam akane tahena.

Exodus 21:6 Referans Kwoze

Dosar Biboron 15:17

enḍekhan uni do sạlạkte luturpe pạṭi tabtaea; ar onate uni do goṭa jion aperen golam akane tahena. Ar aperen kạ̃ṛmĩ cetanrehõpe onkaea.

Levitikus 25:40

Eṭakʼ jạtren kạmiyạko sãote metakʼme, eṭakʼ jạtren hoṛko sãote cetʼlekape beohar uni sãote hõ onkage beoharpe. Onate uni do hulạsokʼ bochor hạbicʼe kạmiya.

1 Samuel 28:2

Dạude menkeda, “Bhagegea, amem ńela iń amren guti do cetʼ iń ceka daṛeakʼa mente.” Akise menkeda, “Bhagegea. Iń do jiwetʼ bhor ińren rurukhiyạyicʼ menteń dohomea.”

Sephaniạ 3:3

Uniren rajren kạmiyạko do hạnḍrạukʼkan dhạcri kul leka ar disạm cakʼlaoko do ńindạren hunḍạr leka kanako; one setakʼ lạgitʼ cetʼge bako sarecʼ dohokakʼ kan.

1 Rapajko 12:7

Onkoko roṛ ruạṛadea, “Teheń noko hoṛko tulucʼ bhagem beoharte onkom kusi ocoko ar onkoakʼ nehõr joṅakʼem ańjomtako enḍekhan onko do jiwetʼ bhor am ṭhen gutiko khaṭaokʼa.”

1 Samuel 27:12

menkhan Akis do Dạude pạtiạuaekan tahẽkana are hudisetʼ tahẽkana Dạud do niạko kạmi iạte acʼ jạtren Israel hoṛko ṭhen hirkhạwạnicʼe hoyokʼa ar onate jaejug ińren golam akane tahena.

1 Samuel 1:22

menkhan Hanna do bae senlena. Uni do acʼren jãwãetetʼe metadea, “Gidrạ toa nunui bạgile khange iń do Probhu Isor samaṅreń idiyea jemon jonom bhor onḍegeye tahẽdaṛeakʼ.”

Dosar Biboron 16:18

“Aperen Probhu Isor okaṭakʼ ato ar nagrahae emape lạgidokʼkan ona reakʼ mimitʼ goṭecʼ lạgitʼ bikʼcạrko ar sordarkope dohokoa. Onko do hok reakʼ lekate hoṛkoakʼko bicạr chinḍạukatakoa.

Dosar Biboron 1:16

Noko bikʼcạrko unreń metatʼko tahẽkana, ‘aperen boehako reakʼ ańjomtakope ar ona leka bicạr chinḍạukatakope baṅ do Israel boehako tala reakʼ jhogṛage baṅ do upriạko tala reakʼ jhogṛakange.

Levitikus 25:23

“Jaejug lạgitʼ okoeyakʼ jumi hõ baṅ ạkhrińokʼa, ente joto jumi do ińakʼ kana ar iń samaṅre ape do porjạtrenko lekape girobasokʼa.

Exodus 22:28

“Isor do alope nindạuea se aperen disạm cakʼlaoyicʼ hõ alope sarapaea.

Exodus 21:22

“Lạṛhại jokhecʼ jãhãege bhạrti hoṛmowan maejiue dale ar uniyakʼ hoṛmoren gidrại nosṭokʼ ar uni bhạrti hoṛmowan maejiuakʼ jãhãnakʼ baṅ cekakʼ tobe khan maejiuren jãwãeyakʼ dạbi leka bikʼcạrko okako goṭae onkage uni dadalicʼ doe ḍanḍom ocokʼa.

Exodus 12:12

Iń do ona ńindạge Misor disạm talateń parom calakʼa ar manwakoren pạhil hoponko ar janwarkoren pạhil hoponkoń gocʼkoa. Iń do Misorren sanam deb-debotakoń sạjạikoa; ar ińkangeạń Probhu Isor do.

Jesaea 1:26

Lahateakʼ dinko leka iń do disạm cakʼlaoko ar sopolhakoń emama; ar ona tayom do dhorom reakʼ nagraha, ar kũạri nagraham men ocokʼa.”

Exodus 21:5

Menkhan uni guti saphateye lại, uni do acʼren kisạ̃ṛ, ar acʼren bạhu ar gidrạkoe dulạṛetʼkoa, ar onko bạgiyako reakʼ jãhãn monsubạ bạnukʼtaea,

Exodus 21:7

“Jãhãege acʼren hoponera golamini lekateye ạkhrińle khan, enḍekhan uni kuṛi do golamkoko oḍok calakʼ leka do bae oḍok calakʼa.

Dosar Biboron 15:16

“Menkhan uni guti do apeakʼ gharońjren hoṛkoe dulạṛko ar ape ṭhen sukrege menae iạte bae bạgiyape,

Sereńko 82:1

Isor do acʼakʼ bạisi talareye teṅgo akana; uni do disạm cakʼlaoko tala khon onkoe bicạretʼkoa are hukumako kana;