Exodus 20:8 - সান্তালী বাইবেল

⁸ “Jirạukʼ mãhã disạime jemon onam sonot.

Exodus 20:8 Referans Kwoze

Levitikus 26:2

Ape do ińakʼ jirạukʼ din ar bochorko manao hoyokʼtapea; ar ińakʼ sonot ṭhạ̃ipe manota. Iń kangeạń Probhu Isor do.

Levitikus 19:3

Aperen gogo-baba manotkope ar ińakʼ jirạukʼ mãhã manaope. Iń kangeạń aperen Probhu Isor do.

Genesis 2:3

Uni do noa eaeakʼ dine bhorada ar acʼ lạgitʼe begar dohokada, ente enhilokʼ uni do sirjạu reakʼ kạmiye sạtkeda are jirạuena.

Levitikus 23:3

Hapta reakʼ turui dinpe kạmiya menkhan eaeyakʼ dinre dope jirạukʼa, metakʼme ona do sonot jarwakʼ din kana. Enhilokʼ do cetʼge alope kạmiya. Jãhãregepe girobasokʼ ona din do Probhu Isor ńutumte mitʼṭecʼ jirạukʼ dinge hoyokʼa.”

Levitikus 19:30

Ińiń hukum akatʼ jirạukʼ mãhã reakʼ dinko manaope ar ińakʼ ḍera tạmbu do sonot dohoype. Iń kangeạń aperen Probhu Isor do.

Exodus 23:12

“Haptare turui din khaṭaokʼpe menkhan eae mãhã hilokʼ do cetʼge alope kạmiya. Onate aperen ḍaṅgra ar gadha do jirạuko ńama ar apeakʼ oṛakʼreko janam akan guti-kạ̃ṛmĩko ar eṭakʼ jạtren hoṛko hõ khaṭaokʼ khon rehayko ńama.

Genesis 2:2

Nonkate Isor do eaeakʼ dinte acʼakʼ kạmiye sạtʼkeda; one okaṭakʼe kạmiketʼ; ar eaeakʼ din doe jirạuena acʼakʼ joto kạmiko khon; ar enhilokʼ uni do sirjạu reakʼ cetʼge bae kạmileda.

Dosar Biboron 5:12

‘Aperen Probhu Isor cetʼ lekae hukum akatʼme onkage jirạukʼ mãhã disạime ar ona sonotme.

Nehemiạ 9:14

Amge amakʼ sonot jirạukʼ mãhã reaṅem baḍae ocoletʼkoa ar amren guti Mose hotete hukum ar ạn-ạrikom ematʼkoa.

Nehemiạ 13:15

Ona jokhecʼ iń ńelkeda Jihudạren hoṛko do jirạukʼ mãhãre darkhako lelen kana, phosolko samṭaoeda ar ona phosol, darkha rasa, loa jo ar eṭakʼ sanamakʼ bojhako do gadhareko ladeyeda. Ona chaḍa onko do jirạukʼ mãhãre Jerusalemte onako aderetʼkana. Onate jirạukʼ mãhãre jomakʼ jinis ạkhriń babotre onkoń sontorkatʼkoa.

Jesaea 56:2

Bhạgangeae uni hoṛ, okoe do onae kạmikan; bhạgangeae uni manwa do, okoe do onakoe moneyakʼkan. Jirạukʼ mãhã okoeye manaoetʼkan, ar bae besonotetʼ ar bạṛicʼ kạmi khon acʼakʼ tiye sontoretʼtae, uni doe bhạgangea.”

Jirimiạ 17:22

Cetʼ leka aperen hapṛamkoń hukumatʼko tahẽkan onkage jirạukʼ mãhãre ape do apeakʼ oṛakʼ khon jãhãn bojha alope oḍoka se jãhãnakʼ alope kạmiya, bickom jirạukʼ mãhã do iń ńutumte begar dohokakʼpe.

Jirimiạ 17:24

Menkhan ape do sontorkate ińakʼ katha lekape calakʼ ar jirạukʼ mãhãre nagraha reakʼ phaṭok duạrte jãhãn bojha bape ạgui ar jirạukʼ mãhãre jãhãnakʼ baṅ kạmikate iń ńutumtepe begar dohoy,

Exodus 31:12

Ona tayom Probhu Isor do Mose Israelko niạ katha galmaraoako lạgitʼe metadea, “Ape do ińakʼ jirạukʼ mãhãpe manaoa. Noa jirạukʼ mãhã do piṛhike piṛhi ape ar iń talare nonkan mitʼṭecʼ cinhạ hoyokʼa onatepe bujhạu daṛeakʼa, ińkangeạń Probhu Isor do ar ińge iń ńutumteń begar dohoakatʼpea.

Exodus 35:1

Mose do Israelren sanam manḍerrenko jarwaketʼkoteye metatʼkoa, “Probhu Isor do noako dohoy reakʼe hukum akada.

Numeri 15:32

Israelko hahaṅkarreko tahekanre mitʼ hoṛ do jirạukʼ mãhãre sahan ńam bakʼṛakane ńelena.

Jesaea 58:13

“Jirạukʼ mãhãpe manao ar ińakʼ sonot dinre apnar tirpitokʼ lạgitʼ bape kạmi; menkhan jirạukʼ mãhã do hạ̃sakʼ ar Probhu Isorakʼ din do manotanakʼ mentepe bujhạu, ar apnar kusileka sen baṅkate ona dinpe sonot ar apeakʼ kusileka bape kạmi se bạṛicʼ kathako bape roṛ,

Jirimiạ 17:21

Probhu Isore meneda, ‘sontor akae tahenpe; jirạukʼ mãhãre jãhãn bojha alope idi ạguiya se Jerusalem reakʼ phaṭok bhitrite alope adera.

Jeheskel 20:20

Onko do ińakʼ jirạukʼmãhã reakʼ sonottetʼ jemonko rukhiyạ dohoy; onate iń ar onko talare ona do mitʼṭecʼ cinhạ leka tahena, ar onko doko baḍae daṛeakʼa, iń kangeạń onkoren Probhu Isor do.