Exodus 20:7 - সান্তালী বাইবেল

⁷ “Amren Probhu Isorakʼ ńutum ạuṛi pạthạuṛi do alom ńumtaea. Ente okoeye onkae Probhu Isor do uniye sạjạiyea.

Exodus 20:7 Referans Kwoze

Dosar Biboron 5:11

‘Amren Probhu Isorakʼ ńutum ạuṛi pạthạuṛi do alom ńumtaea. Ente okoeye onkae Probhu Isor do uniye sạjạiyea.

Levitikus 19:12

Iń ńutumte eṛe eṛe alope kiriạkʼa ar aperen Isorakʼ ńutum alope besonota. Iń kangeạń aperen Probhu Isor do.

Jakob 5:12

E ińren boehako, iń do asokaete noa kathań metapekana, ape do serma, ar ot se eṭakʼ jãhãnakʼ ńutumte alope kiriạkʼa. Ona khon bickom, “Hẽ khan hẽ, ar baṅ khan baṅ,” hoyokʼtape ma, jemon bicạrre dayi alope hoyokʼ.

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

Josuạ 9:20

Tobe abo do onko lạgitʼ niạ bon kạmiya, onko do babon gocʼkoa jemon onko ṭhen oka bon kiriạ akan ona rạputʼ iạte Probhu Isorakʼ edre abore alo paṛaokʼ.”

Josuạ 2:17

Unkin do maejiu kin metadea, “Tinre niạ disạmtele bolokʼa unre okaṭakʼ jalnatem pheḍetʼliń ona jalnare arakʼ baber tol baṅ tahen ar amren go-baba, boeha-misera ar amakʼ gharońjrenko ạgukate amakʼ oṛakʼre bam dohoko, enḍekhan ạliń okam kiriạ ocoketʼliń ona khon do chaḍao akanliń tahena.”

Josuạ 2:12

Iń do aben cetanreń pạtiạu akana, onate ńitokʼ aperen Probhu Isor ńutumte iń kiriạwạń ben jemon, aleakʼ gharońj cetanre hõ pạtiạran ben tahen. Ar nonkan mitʼṭecʼ cinhạ imạń ben jemoniń bujhạu daṛeakʼ,

Kạhtukko 30:9

Jemoniń bilenre aloń hiṛińme ariń men, “Probhu doe okoe kana?” Ar reṅgecʼlenre aloń kombṛoe ar ińren Isorakʼ ńutum aloń besonot ocoytae.

Dosar Biboron 10:20

Ape do aperen Probhu Isor ḍobokʼaepe ar unige sewawaepe; unirege jamaṛ akan tahenpe ar uni ńutumtege kiriạkʼpe.

2 Korinthiko 1:23

Iń do Isorge apnar jiwite goha menteń ńumekana, sạjại khon bańcaope lạgitʼge iń do Korinthite bạń sen ruạṛ akana.

1 Rapajko 2:9

Menkhan ńitokʼ do bin dusi mente alom hudisea. Am dom ạkilanicʼ kana; unire cetʼem cekaea ona do amge bhagem bujhạu daṛeakʼa. Uniyakʼ haṛam umerre mãyãmem joro ocoytaea ar patal puritem kolkaea.”

Dosar Biboron 6:13

“Ape do aperen Probhu Isorpe ḍobokʼaea, ar eken uni eskargepe sewawaea ar uni ńutumtegepe kiriạkʼa.

Sereńko 139:20

Bạṛicʼ hudiste onko do am reaṅ aema kathako roṛa; ar amren bạiriko do ạuṛi pạthạuṛi amakʼ ńutumko ńumeda.

Jirimiạ 34:16

Menkhan ńitokʼ dope ạcur calao akana ar ińpe henosta akadina; ape do okoe guti ar kạ̃ṛmĩko akoakʼ kusi leka calakʼ lạgitʼpe aṛakʼletʼko onko do ruạṛ ạgukate arhõ aperen guti ar kạ̃ṛmĩpe benao akatʼkoa.

Jeheskel 39:7

“Ińren hoṛ Israelko talare iń do ińakʼ sonottetʼ iń sodortińạ. Ińakʼ ńutum do ar bạń besonot ocowakʼa; onate jạtrenko baḍae daṛeakʼa, ińkangeạń Probhu Isor Israelren uni sonoticʼ.

Genesis 27:20

Isahake roṛ ruạṛkeda, “E beṭa, cekate unạkʼ usạra sendra jel dom ńamkeda?” Jakob roṛ ruạṛkeda, “Amren Probhu Isorakʼ ạyurtege.”

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.