Exodus 20:5 - সান্তালী বাইবেল

⁵ Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Exodus 20:5 Referans Kwoze

Numeri 14:18

‘Probhu Isor do ạḍi anecʼ edrekʼicʼ ar dayateye kisạ̃ṛgea uni do behok ar hul ikʼkạyicʼ kanae menkhan dusiyicʼ doe sạjạiyea; ar apatkoakʼ kại do hoponko ṭhen pe pon piṛhi hạbicʼe pańja halayetʼkana.’

Dosar Biboron 5:9

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Dosar Biboron 4:24

ente aperen Probhu Isor doe jojom seṅgel kana; ar acʼakʼ paona bhokti lạgitʼ do ãṭokʼicʼ Isorge.

Exodus 34:14

Cele debotage alope sewawakoa, ente Probhu Isorakʼ ńutum do ãṭicʼ Isor; uni do mitʼṭen ãṭ Isor kanae.

Josuạ 24:19

Niạ katha ańjomkate Josuạ do hoṛkoe metatʼkoa, “Menkhan ape do uni bape sewa daṛeaea, ente uni doe sonot Isor kana, acʼakʼ paona bhokti do okoe hõ bae ńam ocoakoa. Uni do apeakʼ kại ar ghạṭko bae ikạitapea.

Sereńko 109:14

Onkoren hapṛamkoakʼ bedhorom reakʼ katha do Probhu Isorakʼ monre tahenma; onkoren eṅgatkoakʼ kại do alo mohor meṭaokʼma.

Josuạ 23:7

Okoe jạtrenko ape talare menakʼko onko tulucʼ do alope sulukokʼa; onkoren debotakoakʼ ńutum hõ alope ńuma se onko ńutumte hõ alope kiriạkʼa. Onko alope ḍobokʼakoa se onko samaṅre bohokʼ alope kuḍburtapea.

Dosar Biboron 6:15

ente ape talare aperen okoe Isor menae uni do ãṭicʼ Isor kanae; ar debotakope pańjaleko khan uni do ape upạrteye edre seṅgelokʼa, ar dhạrti khone marao giḍikapea.

Nạhum 1:2

Probhu Isor do nonkan Isor kanae uni do acʼakʼ kuṛạiye khojkana ar joe emokʼkana; Probhu Isor doe hala hạliya ar acʼren bạiriko lạgitʼ edreye dohokakʼa.

Jirimiạ 32:18

Am do hajar hajarko amakʼ asambheṛ dayam udukʼako kana ar apatkoakʼ ghạṭko reakʼ sạjại do onkoren hoponkom emakokana. E maraṅ ar daṛeanicʼ Isor, amakʼ ńutum do sanam daṛeanicʼ Probhuge;

Numeri 14:33

Ar hahaṅkarre ạuripe gujukʼ arpe seyakʼ hạbicʼ apeakʼ bepạtiạu iạte aperen hopon ar hoponerako do pongel bochor hạbicʼ nonḍege bhiḍiko gupi baṛakoa.

Sereńko 79:8

Sedaeren hapṛamkoakʼ behokakʼ do alere alom paṛao ocoya; am do usạrage amakʼ dulạṛ udugme, ente ale do ạḍitetʼle botorokʼ kana.

Exodus 23:24

Ape do onkoren boṅgako se debotako alope sewawakoa ar onḍenko hoṛ cetʼko cekae onka hõ alope kạmiya. Ape do onkoren murtikope rạputʼkoa ar onkoakʼ pujạ reakʼ thanko hõpe rạputʼ gidikakʼa.

Jakob 4:4

E baṅ pạtiạukʼko, ape do cetʼ bape baḍaea, dhạrti tulucʼpe gatekʼ do Isorren bạiripe hoyokʼa mente? Onate jãhãe dhạrtiren gate hoyokʼe menjoṅkan khan uni do apnarte Isorren bạiriye hoyokʼ kana.

Romiko lạgitʼ Pạul Apostolakʼ ciṭhi 8:7

Okaṭakʼ mon do kại okae khoj onageye moneyakʼ, ona mon do Isor birudgea, ente ona do Isorakʼ ạn bae bataoa ar manao hõ bae manaoa.

Romiko lạgitʼ Pạul Apostolakʼ ciṭhi 1:30

eṭakʼkoakʼko oktawa ar Isorko hirkhạwaea. Onko do raṅgakʼko, usul monanko ar bạḍạiko, kanako. Bedhorom kạmi lạgitʼ nãwã nãwã ponthako ńamtotʼeda. Onko do go-baba bebataoko kanako,

Jirimiạ 2:9

“Ona iạte iń do ape ar aperen hoponko artetʼgeń dusipea.

Jesaea 44:19

Okoe hõ bae hudisokʼkana; ar okoeyakʼ hõ bud ar ạkil baṅ do bạnukʼte oneye men, “Iń do niạ reakʼ mitʼ hĩste seṅgel iń jol akada, ar ona reakʼ koela seṅgelte piṭhạń rapakʼ akada ar jel hõń rapakʼkeda ariń jom biyena. Enḍekhan niạ reakʼ sarecʼ hĩste do cetʼ hirkhạwanakʼ jinisiń benaoa? Kaṭ munḍhạtʼ samaṅre cetʼ iń doń ombagokʼa?”

Jesaea 44:15

Tayomte ona do manwako lạgitʼ sahan hoyokʼkana. Uni do thoṛa hataokateye jorokʼ kana, arhõ onate piṭhạ hõe rapakʼeda, arhõ mitʼṭen deb benaokateye sewawakʼ kana, arhõ goṛhon muṭhạne benaoeda ar ona samaṅreye ombagokʼ kana.

Sereńko 81:15

“Bạiriko do iń samaṅre kiṛdhum akanko tahena, onko do jaejug hạbicʼko sạjạiyokʼa.

Jobakʼ 5:4

Uniren hoponko khạtirjoma do bako tahena; onko do bicạr ṭhạ̃irege jotowakʼko ada, onkoren rurukhiyạko do celege bako tahena.

2 Rapajko 23:26

Enhõ Manase do oka kạmikate Probhu Isore khĩs ocoledete Jihudạ upạrte oka botoranakʼ edreteye jal jalaoen ona khon uni do bae ruạṛlena.

2 Rapajko 17:35

Probhu Isor do Israelko lạgitʼ mitʼṭecʼ bondobose bandhao jokhecʼ noa hukume ematʼko tahẽkana, “Ape do cele deb debotage alope sewawakoa se alope ḍobokʼakoa ar alope sapʼsorakoa se onko ńutumte jãhãnakʼge alope samaṅa.

1 Rapajko 21:29

“Ńeleme Ahab do iń samaṅre cetʼ lekae nindhạn akana! Uniye nindhạn akante uniyakʼ jionre niạ muhin do bạń ạguiya, menkhan uniren hoponakʼ jionre ar uniyakʼ bõsko cetanreń paṛao ocoya.”

2 Samuel 21:6

uniyakʼ bõs khon eae goṭen herel hoṛ aleakʼ tire soprotaleme. Ale do Probhu Isorren bachao hoṛko, metakʼme Sạulakʼ nagraha Gibeonre Probhu Isorakʼ burure Probhu Isor samaṅre onkole gocʼkoa ar sanamko samaṅre onkoakʼ mạ̃ṛĩkole giḍikakʼa.” Raj doe metatʼkoa, “Iń do apeakʼ tire onkoń soprotkoa.”

2 Samuel 21:1

Dạude rajokʼkan tahẽkanre pe bochor akal hoylena ona do bochorke bochorge. Ona iạte Dạud do Probhu Isor ṭhen niạ reaṅe kuliyana. Ar Probhu Isor do roṛ ruạṛadeteye metadea, “Noa do Sạul ar uniyakʼ bõsrenko iạte hoyakana. Onkoge mãyãm reakʼ dusi kanako; Sạul do Gibeonrenkoe gocʼletʼkoa.”

Dosar Biboron 32:21

Isore baṅkan nonkanicʼko sewawaekante ar bako botorạńkante onko do ińko ãṭ ocoakadińa; ar onkoren boṅga murhutʼko iạte ińko khĩs ocoakadińa. Okoe do jạtrenko baṅkan onkoakʼ tire soprotkate onkoń jaljalao ocokoa; ar mitʼṭen bebuj jạtrenkoakʼ tire soprotkate onkoń khĩs ocokoa.

Dosar Biboron 7:10

Menkhan okoe uniko kurudaekan onkoe doe hala ruạṛakoa are marao giḍikoa; ar ona onkae lạgitʼ do bae biloma.

Levitikus 26:29

Unre reṅgecʼte aperen gidrạkoakʼ jelpe joma.

Levitikus 26:1

“Jãhãn debotakoakʼ muṭhạnge alope benao joṅa. Ape lạgitʼ kaṭren jãhãn muṭhạn se jãhãn pujạwakʼ dhirire jãhãn muṭhạn alope benaojoṅa. Ar pujạwako lạgitʼ dhiriren benao jãhãn muṭhạn hõ disạmre alope dohokoa. Iń kangeạń Probhu aperen Isor do.

Levitikus 20:5

enḍekhan uni samaṅetʼkạnicʼ ar uni gharońjrenko do mẽtʼ ar mẽtʼteń ńelkoa. Uni ar acʼ sãotenko okoe do ińre pạtiạu baṅkate Molok debota ṭhen jamaṛ akan menakʼko onko do Israel jạtrenko khoniń meṭao giḍikoa.

1 Korinthiko 10:22

Noa iạte Probhu Isor do cetʼ babon ãṭ ocoyedekana? Abo do cetʼ uni khon bon daṛegea?

Johan 15:18

“Dhạrtiren hoṛkoko kurudape khan, baḍaepe ape lahare onko do ińgeko kurudạńkana.

Johan 7:7

Dhạrtiren hoṛko ape do bako kurudapea menkhan iń doko kurudạńgea, ente onko reaṅ noa gohań emeda je, onkoakʼ joto kạmi do bạṛicʼgetakoa.

Mathae 4:9

“Noako joto do amiń emama, khạjuk ombakʼkate ińem sewawạń.”

Daniel 1:2

Probhu Isor do uniyakʼ tire Jihudạren raj Jehoyakime soprotkedea ar uni sãote Isorakʼ oṛakʼ reakʼ adomakʼ bhajanko hõe emadea. Ar ona bhajanko uni do Babelte acʼren debotawakʼ mundilre idikate onḍenakʼ khajańci oṛakʼreye dohokada.

Jeheskel 8:3

Uni do ti tiạrkate ińakʼ bohokʼ upʼe jhuṭiạuketʼtińạ. Ar Isorren Jiu do ot ar serma talareye rakapʼ idikedeńạ ar Isor emakʼ dorsonkote Jerusalem reakʼ koejoṅ oṛakʼ reakʼ bhitri raca reakʼ utạr secʼakʼ phaṭok duạr reakʼ bolokʼ horteye idikedińa. Onḍe do mitʼṭen boṅga muṭhạn tahẽkana ona iạte Isor do edrete pit caṛhaoade tahẽkana,

Kạhtukko 8:36

Menkhan okoe iń bae ńameńkan uni do acʼgeye bạṛijokʼ kana; ar okoe ińko kurudạńkan onko sanamko do gujukʼko dulạṛa.”

Sereńko 78:58

Onko do buru coṭ reakʼ pinḍko beoharkate uniko bekusi ocokedea; ar tite benaoakʼ murtiko pujạwatʼkote uniko edre ocokedea.

Jobakʼ 21:19

Hoṛko mena, ‘Isor do mitʼṭen hoṛakʼ sạjại uniren hoponko lạgitʼe bae dohokakʼ kana.’ Menkhan Isor do uni hoṛge sạjạiye emaema jemon uni do acʼakʼ dose bujhạu daṛeakʼ.

2 Bõsbudạ 25:14

Amasiạ do Edomrenko gocʼkateye ruạṛ hijukʼkan tahẽkanre Seyirren hoṛko do boṅgakoko idi toraketʼkoa. Ar onko do acʼren debotako menkateye dohoketʼkote onko sewawako ar onko ńutumte dhup jeretʼe ehopʼena.

2 Rapajko 17:41

Onko do Probhu Isorko sewawae kan tahẽkangea menkhan debotako hõko sewawako kan tahẽkana. Ar teheń hạbicʼ onkoren hoponko ar goṛom gidrạko hõ akoren hapṛamko lekageko taṛameda.

Bikʼcạrko 2:19

Menkhan disạm cakʼlaokoko gocʼlen khan hoṛko do arhõ debota secʼko lawerokʼkan tahẽkana arko sewawako kan tahẽkana ar hapṛamko khon hõ bạṛicʼakʼ horteko taṛametʼ tahẽkana. Onko do okalekate hõ bạṛicʼakʼ hor ar bạṛicʼ hewa bako bạgiyakʼkan tahẽkana.

Dosar Biboron 32:41

Ińakʼ malkaokʼkan tarwaṛe iń doń lasertińạ, ar bicạr reakʼ ray purạu lạgitʼte ona doń saba, ar ińren bạirikoń sạjạikoa, okoe ińko hirkhạwạń onko do kuṛạiyiń emkatakoa.

Johan 9:2

Unre celako do Jisuko kulikedea, “E Probhu Isor, okoeye kạiletʼte nui do kãṛãgeye janamena? Nui se nuiren go-babakin?”

Dosar Biboron 5:10

Menkhan okoe ińko dulạṛiń ar ińakʼ hukum lekako calakʼ onko do hajar piṛhi hạbicʼ iń dayawakoa.

1 Rapajko 19:10

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhotiye ńam onate ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Ar iń eskarge sarecʼ minạńa ar nitokʼ do ińhõ gojeń reakʼko kurumuṭu kana.”

Jeheskel 18:19

“Enhõ ape dope meneda, ‘apatakʼ dos iạte hopon do cedakʼ sạjại bae ńama?’ Uni hopon do hok ar dhorom reakʼe kạmi akada ar ińakʼ sanam niạmko joton salakʼe palon akada, onate khạṭige uni doe bańcaokʼa.

Jeheskel 20:7

Onkoń metatʼko tahẽkana, okoe hirkhạwan boṅga muṭhạnko mońjko bujhạuletʼko onko do jemonko sạṅgiń giḍikako ar Misorren boṅgako hotete apnartetʼ hõ aloko besaphakʼ, ente iń kangeạń onkoren Probhu Isor do.

Jeheskel 39:25

Probhu Isor do arhõe menkeda, “Jakob do ńitokʼ bondi dosa khoniń ruạṛ ạguyea ar Israelren sanam hoṛkoń mãyãwakoa ar ińakʼ ńutum reakʼ sonottetʼ lạgitʼ iń ãṭokʼa.

Numeri 25:11

“Naeke Aronren goṛomtetʼ koṛa, metakʼme Eleasarren hopon Pinehas do Israelko cetan khon ińakʼ edreye sạṅgińketʼtińạ. Israelko modre uni do ińakʼ bakhra babotre iń lekageye ahkaokʼ kana. Onate ińakʼ bakhra reakʼ ạḍi ahkaoteakʼ tahẽkanre hõ iń do bạń marao utạrletʼkoa.

2 Rapajko 5:18

Menkhan niạ babotre jemon Probhu Isor do acʼren gutiye ikạkạń. Ińren kisạ̃ṛ do tinre Rimon debotawakʼ mundilre ińre ṭenḍarkateye bolokʼa ar Rimone ḍobokʼae unre ińhõ ḍobokʼ lagaoạńạ. Niạ babotre jemon Probhu Isor do ińe ikạkạń.”

2 Rapajko 5:27

Onate Namanakʼ murhucʼ jom rog do am ar amren bõsko talare jaejug hạbicʼ tahena.” Unre Gehosi do Elisae samaṅ khone calaoena ar uniyakʼ hoṛmo do murhucʼ jom rogte him leka ponḍentaea.

2 Bõsbudạ 7:19

“Menkhan ińakʼ hor khonpe pharakokʼ ar okako niạm ar hukumkoń emakawatʼpe onape bạgiyakʼte debotakope sewawako arpe ḍobokʼako,

Jeheskel 18:2

“Israel disạmre oka kạhtukpe menetʼkan ona reakʼ mane do cetʼkana, ‘Apatko jojo darkha joko jomkeda ar hoponkoakʼ ḍaṭa do khuruyen takoa?

Daniel 3:18

Menkhan E maharaj, ar uni bae onkaere hõ ale do amren debota do bale sewawaea se amem benao akade sonaren murhutʼ hõ bale ḍobokʼaea.”