Exodus 20:26 - সান্তালী বাইবেল

²⁶ Ińakʼ pinḍ do nonkape benaoa jemon onare siṛhite rakabokʼ alo hoyokʼtape, ente siṛhite rakabokʼ jokhecʼ apeakʼ uluṅ do sodorokʼa.’ ”

Exodus 20:26 Referans Kwoze

1 Patras 1:16

Sonot sostorre Isore menakada, “Ińiń sonotgete ape hõ sonotko hoyokʼpe.”

Sosolhayic̕ 5:1

Isorakʼ oṛakʼte bolokʼ jokhecʼ sontorte taṛamme. Okoe apnarakʼ behokakʼ bae bujhạu akatʼ uni bebujicʼ leka samaṅokʼakʼ porob manao khon bickom Isorakʼ bataotaege bhagea.

Sereńko 89:7

Sonot goḍetkoakʼ bạisire sanamkoge Isor do botor arko bhoktiaea; uni beṛhaeten sanamko khon uni kangeae ḍher botoranicʼ do.

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

Exodus 28:42

Ḍanḍa khon bulu hạbicʼ dapalokʼ lạgitʼ mĩhĩ musnạ kicricʼ reakʼ huḍiń penkom benao ocoakoa.

Exodus 28:43

Aron ar uniren hoponko tinre ńapamokʼ tạmbureko bolokʼa se sonot ṭhạ̃i reakʼ pinḍre sewa kạmi lạgitʼko laha idikʼa unre onko do noa kạṭicʼ penko horoga. Nonkate onko do bin dusạnko tahena ar bako gujukʼa. Aron ar uniren bõsko lạgitʼ noage mitʼṭecʼ niạm leka tahẽyena.

Jeheskel 43:17

Ar khap hõ pon konḍanakʼge tahena, gelpon moka jeleń ar gelpon moka osar; ar ona beṛhaete do kaṅkha tahena, adha moka osar. Ar pinḍ reakʼ pheḍtetʼ do beṛhaete mitʼ moka oḍokakan tahena, ar ona reakʼ siṛhiko do purub secʼ samaṅkokʼa.”