Exodus 20:23 - সান্তালী বাইবেল

²³ Onate jãhãnakʼ benaokate sewawakʼ lạgitʼ iń sãote alope teṅgoea. Sona se rupạte ape lạgitʼ jãhãn Isorko alope benaojoṅa.

Exodus 20:23 Referans Kwoze

Jeheskel 20:39

“ ‘E Israelko, iń Probhu Isorgeń menetʼkana, Do calakʼpe, ar senkate aperen boṅgako sewawakope. Menkhan tayomte khạṭige ińakʼ kathape ańjoma ar unre apeakʼ sandes ar boṅgakote ińakʼ sonot ńutum do ar bape besonota.

Sephaniạ 1:5

Sermaren sanam ipilko sewawako lạgitʼ okoe do chat cetanre decʼkateko ḍobokʼetʼkan ar okoe do Probhu Isor ńutume kiriạ tayom hõ Milkom debota ńutumteko kiriạkʼ kan onko hõń marao utạrkoa.

2 Rapajko 17:33

Onko do Probhu Isorko sewawae kan tahẽkana, menkhan ona sãote okako disạm khonko ạgu ocolen onako disạm reakʼ cạli leka onko do akoren debotako hõko sewawako kan tahẽkana.

Johan sodor 22:15

Setako lekan bạṛicʼ hoṛko, jạdu udukʼ baṛakanko, loṭghoṭiko, khũniạhiko, murhutʼ sewako, eṛeakʼ dulạṛko ar eṛeakʼ kạmikanko, onko sanamkoge bahrereko tahena.

Exodus 32:31

Mose do Probhu Isor ṭhen ruạṛ senkateye menkeda, “Hae, hae Probhu Isor! Noko hoṛ do ḍhergeko ghạṭ akada. Onko do ako lạgitʼ sonaren debotako benao akawana.

Daniel 5:23

Menkhan ona bodolte amge sermaren Probhu Isor upạrtem teṅgon akana. Am do uniyakʼ oṛakʼ khon ạguwakʼ bạṭikom oḍok ạgu ocoakada, ar onakore am ar amren mukhiyạko, amren bạhuko ar chuṭki erako ape do darkha rasape ńũ akada. Ar am do sonaren, rupạren, pitạlren, mẽṛhẽtʼren, kaṭren ar dhiriren benao akatʼko debotako okoe do ńeńelhõ bako ńeńel ar ańjom hõ bako ańjom ar bujhạu hõ bako bujhạu onkom sarhaoetʼkoa. Menkhan Isor do bam sarhaoede kana, one uniyakʼ tire amakʼ jiwi ar amakʼ goṭa horge menakʼtam.

Daniel 5:4

Onko do darkha rasa ńũńũkan tulucʼ sona, rupạ, tama, mẽṛhẽtʼ, kaṭ ar dhiriren debotakoko sarhaoketʼkoa.

Jeheskel 43:8

Onko do ińakʼ oṛakʼ aṛerege akoakʼ oṛakʼko benaoletʼa; onkoakʼ oṛakʼ ar ińakʼ oṛakʼ talare eken mitʼṭecʼ bhitge tahẽkana. Onkoakʼ bạṛicʼakʼ kạmiko hotete onko do ińakʼ sonot ńutumko besonot ocoletʼtińạ. Ar onatege onko do edreteń maraoletʼkoa.

2 Rapajko 17:41

Onko do Probhu Isorko sewawae kan tahẽkangea menkhan debotako hõko sewawako kan tahẽkana. Ar teheń hạbicʼ onkoren hoponko ar goṛom gidrạko hõ akoren hapṛamko lekageko taṛameda.

Exodus 34:17

“Ape do dul boṅgako alope benao joṅa.

Levitikus 19:4

Boṅga sekʼwa do baṅ ganokʼtapea se apnarakʼ dewa sewae lạgitʼ tite jãhãn debota do alope benao joṅa. Iń kangeạń aperen Probhu Isor do.

Dosar Biboron 27:15

‘Onko hoṛ doko sarapangea, okoe do chãńchre dulakʼ muṭhạnko, kaṭren se dhiriren murhutʼko rokʼ benaoetʼko ar sewawako lạgitʼ danaṅ ṭhạ̃ireko dohoyetʼko. Noko sanam murhutʼko do Probhu Isor ṭhen hirkhạwan jinis kanako, ar eken kạrigolakʼ titegeko benao akana.’ Unre sanamkoko mena, ‘Amen.’

Dosar Biboron 29:17

Unire ape do onko talare kaṭte, dhirite, sonate ar rupạteko benao akatʼko onkoren hirkhạwan murhutʼko ar boṅgakope ńelletʼkoa.

Bikʼcạrko 17:3

Ar uni do ona gelpe keji barsae gram rupạ do acʼren eṅgattetʼe ruạṛadea. Unre eṅgattetʼ doe menkeda, “Niạ rupạ do Probhu Isor ńutumteń samaṅetʼkana ar ińren hopon do onate rokʼ benao akade mitʼṭen boṅga muṭhạn ar chãńcre dul benaoakade ar mitʼṭen boṅga muṭhạne benao joṅ. Ar iń do onatege noa rupạ amgeń ruạṛama.”