Exodus 20:21 - সান্তালী বাইবেল

²¹ Hoṛko do sạṅgińreko teṅgo tahẽyena ar Mose do Isor ṭhen ona dhund rimil secʼe rakapʼ calaoena.

Exodus 20:21 Referans Kwoze

1 Rapajko 8:12

Unre Solomone menkeda, “E Probhu Isor, amem menleda khạndri rimilrem tahena.

Sereńko 97:2

Rimil ar ńut do uni beṛhaete esetʼ ạcur akana; dhorom ar hok bicạr do uniyakʼ siṅghạson reakʼ rehetʼkana.

1Timothi 6:16

Isor do gujukʼ gobolren doe baṅkana. Uni do nonkan marsalreye tahenkana one okare okoe manwage bako sen daṛeakʼ. Ar okoe manwa hõ uni do tisge bako ńelakadea ar bako ńel daṛeaea; uniyakʼge man ar jaejug daṛe do. Amen.

Sereńko 18:9

Uni do sermae liwetʼketʼteye pheḍ hecʼena; ar uniyakʼ jaṅga latarre do hende rimil tahẽkana.

2 Bõsbudạ 6:1

Unre Solomone menkeda, “E Probhu Isor, am do rimil talarem tahena mentem menleda. Iń do ńitokʼ am lạgitʼ napae okocʼ mitʼṭecʼ oṛakʼ iń benao akada; ar noa do jaejug lạgitʼ amakʼ tahen oṛakʼ hoyokʼa.”

Sereńko 104:2

Kicricʼ lekage am do marsalem horokʼ akawana; rimilge am do tạmbu lekam ṭaṅgao akada.

Sereńko 18:12

Uni samaṅ reakʼ rãt khon ona dạriạ rimil do ocokʼena; arel ar seṅgel aṅgrakoge oḍok hecʼena.

Dosar Biboron 5:22

“Probhu Isor do noako hukum ona buru cetanre seṅgel, rimil ar kaṛaṅ ńut khon sanamko ṭhen ãṭ aṛaṅteye sodorleda. Ona chaḍa uni do ape ṭhen ar jãhãnakʼ bae menleda. Tayomte uni do barea dhiri reakʼ paṭare onako olkate ińe emadińạ.

Dosar Biboron 5:5

Unre seṅgel botorte buru coṭte bape rakapʼlente iń do Probhu Isor ar ape talare teṅgokate uniyakʼ katha ape ṭheniń sodorleda. Unre Probhu Isor doe menleda,

Exodus 19:3

Mose do burute Isor ṭhene rakapʼena. Ona jokhecʼ Probhu Isor do buru cetan khon hohoadeteye menkeda, “Am do Jakob bõsren Israelkom metakoa,