Exodus 20:2 - সান্তালী বাইবেল

² “E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.

Exodus 20:2 Referans Kwoze

Dosar Biboron 5:6

‘Ińge Probhu amren Isor. Misor disạm khon golam oṛakʼ khon ińgeń oḍok ạguakatʼmea.

Hosea 13:4

Probhu Isore meneda, “Misor khoniń oḍok ạgu akatʼme khon ińkangeạń amren Probhu Isor do. Iń chaḍa ar eṭakʼ Isor do bạnukʼkoa; iń chaḍa ar cele babańcaoko hõ bạnukʼkoa.

Levitikus 26:13

Ińge Probhu aperen Isor do. Misor disạm khon ińgeń oḍok ạgu akatʼpea jemon Misri hoṛkoren golamko ar alope tahen. Apeakʼ taren reakʼ ãṛãṛ rạputʼkate ińge apeakʼ bohokʼ iń sojhetapea.

Sereńko 81:10

Ińge Probhu, aperen Isor do; Ińge Misor disạm khon ape doń oḍok ạguakatʼpea. Apeakʼ moca cahabtape, ar iń doń ajoapea.

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Levitikus 19:36

Apeakʼ tulạ, baṭkhara ar eṭakʼakʼ sosoṅakʼ jinisko do jotoge jemon ṭhik leka tahentape. Iń kangeạń aperen Probhu Isor do. Misor disạm khon ińgeń oḍok ạguakatʼpea.

Dosar Biboron 7:8

Uni doe onka akada apere uniyakʼ dulạṛ iạte ar aperen hapṛamko ṭhene kiriạlen iạte. Ar onate uni do acʼakʼ daṛeanakʼ titeye oḍok ạguakatʼpea ar Misorren Pharao rajakʼ ti khon ar golam oṛakʼ khone chaḍao akatʼpea.

Dosar Biboron 5:15

Disạime, amhõ Misor disạmre guti se kạ̃ṛmĩm tahẽkana ar amren Probhu Isor do acʼakʼ daṛeanakʼ tite onḍe khone oḍok ạgu akatʼmea. Ona iạte uni do jirạukʼ mãhã manao reakʼ hukume em akatʼmea.

Levitikus 23:43

Onate aperen bõsko baḍae daṛeakʼa, iń do Israelko Misor disạm khoniń oḍok ạguketʼkote ḍera oṛakʼreń girobas ocoketʼkoa. Ar iń Probhuge aperen Isor do.”

Dosar Biboron 15:15

Disạipe, Misor disạmre ape hõ golampe tahẽkana ar aperen Probhu Isor doe chaḍao akatʼpea. Ona iạte iń do noako hukumiń emapekana.

Dosar Biboron 13:10

Misor disạm reakʼ golam oṛakʼ khon okoeye oḍok ạguakatʼme amren Probhu Isor secʼ khon ruạṛmeye kurumuṭuyetʼ khan uni do dhiritem tiń gojea.

Levitikus 26:1

“Jãhãn debotakoakʼ muṭhạnge alope benao joṅa. Ape lạgitʼ kaṭren jãhãn muṭhạn se jãhãn pujạwakʼ dhirire jãhãn muṭhạn alope benaojoṅa. Ar pujạwako lạgitʼ dhiriren benao jãhãn muṭhạn hõ disạmre alope dohokoa. Iń kangeạń Probhu aperen Isor do.

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

Sereńko 50:7

“E ińren hoṛko, ańjompe, iń do kathań roṛeda; E Israel, iń do am upạrte gohań emeda; iń doń Isor kana, amren Isorge.

Romiko lạgitʼ Pạul Apostolakʼ ciṭhi 10:12

Jihudi ar boṅgan hoṛ jạtrenko talare jãhãn begar do bạnukʼa, ente sanamkorenge ini mitʼ Probhu Isor kanae. Okoe acʼko hohowaekan onkore uni do asambheṛ bhor dane dul akokana.

Romiko lạgitʼ Pạul Apostolakʼ ciṭhi 3:29

Isor do cetʼ eken Jihudikoren kangeae, boṅgan hoṛ jạtrenko doe baṅkana? Hẽ, uni do boṅgan hoṛ jạtkoren hõ Isor kanae,

Jirimiạ 31:1

Probhu Isore meneda, “Un jokhecʼ iń do Israelkoren sanam gusṭiren Isoriń hoyokʼa, ar onko do ińren hoṛko hoyokʼa.”

2 Bõsbudạ 28:5

Ona iạtege Probhu Isor do Aram rajakʼ tire uniye jimạkadea. Aramrenko do uniko bhagaokedea ar uniren ḍher hoṛko bondiketʼkote Damesekteko idiketʼkoa. Uni hõ Israelren raj Pekawakʼ tireye jimạ ocoyena. Israelren raj do uniren ạḍi utạr hoṛkoe gocʼketʼkoa. Remaliạ hopon Peka do mitʼ dinte Jihudạren mitʼ lakh bargel hajar lạṛhại phạdkoe gocʼketʼkoa, ente Jihudạren hoṛko do akoren hapṛamkoren Probhu Isorko bạgi giḍi akade tahẽkana.

Exodus 6:6

Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Exodus 15:13

Amakʼ asambheṛ dulạṛtem chaḍao ạguketʼkoa ar amge onko dom ạyurkoa. Apnarakʼ daṛete amakʼ sonot oṛakʼre amgem ạyur ạgukoa.

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

Exodus 20:1

Inạ tayom Isore menkeda,

Exodus 29:46

Ar unreko baḍae daṛeakʼa, iń kangeạń onkoren Probhu Isor do. Iń do onko talareń tahen lạgitʼte Misor disạm khoniń oḍokʼ ạgu akatʼkoa. Ar iń Probhuge onkoren Isor kạnạń.

Levitikus 11:45

ente iń kangeạń Probhu Isor do; ar aperen Isor hoyokʼ lạgitʼ iạte iń do Misor disạm khoniń oḍok ạgu akatʼpea. Ar ińiń sonotgete apehõ sonotko hoyokʼpe.

Bikʼcạrko 2:1

Probhu Isorren goḍet do Gilgal khon Bokimre hecʼkate Israelkoe metatʼkoa, “Iń do Misor disạm khoniń oḍok ạgu akatʼpea ar oka disạm emape lạgitʼ aperen hapṛamko ṭheniń gokʼletʼ ona disạmteń ạgu akatʼpea. Ińiń menakada, ‘ape lạgitʼ oka bondobosiń dohoakatʼ ona do tishõ bạń rạpuda.

Jesaea 43:3

ente ińkangeạń amren Probhu, amren babańcaoicʼ Isor, ar Israelren uni sonoticʼ. Iń do amakʼ chaḍao reakʼ dam lekate Misor disạmiń emokʼkana, ar am bodolte do Kus ar Seba disạmge.

Jirimiạ 2:6

Onko do bako menleda, ‘okare menaea uni Probhu Isor do? One uni Misor disạm khone rakapʼ ạguketʼle, one uni hahaṅkarreye ạyurketʼle; khaṅkar ar khorloṅ reakʼ disạmre khaṅgoṭ ar moron dhund reakʼ disạmrege? Mitʼṭecʼ disạmre one ona secʼte celege bako dãṛãnkan, ar one onare cele hoṛge bako tahenkan?’

Jirimiạ 16:14

Probhu Isore meneda, “Nonkan dinko hijukʼkana unre hoṛko do ar bako mena, ‘Misor disạm khon okoe do Israelkoe oḍok ạguletʼko, uni jiwetʼ Probhu Isor ńutumteń kiriạkʼkana,’

Jirimiạ 34:13

“Iń Israelren Probhu Isoriń meneda, aperen hapṛamko tinre Misor disạm khon, golam oṛakʼ khoniń oḍok ạguletʼkoa unre onko do noa bondobos lekateń metatʼko tahẽkana,

Jeheskel 20:7

Onkoń metatʼko tahẽkana, okoe hirkhạwan boṅga muṭhạnko mońjko bujhạuletʼko onko do jemonko sạṅgiń giḍikako ar Misorren boṅgako hotete apnartetʼ hõ aloko besaphakʼ, ente iń kangeạń onkoren Probhu Isor do.

Jeheskel 20:19

Iń do arhõń metatʼkoa, iń kangeạń onkoren Probhu Isor do, onate jemon ińakʼ niạmko pańjae ar ińakʼ ạn-ạri lekako taṛam.

Amos 2:10

Amorikoakʼ disạm emape lạgitʼ ińge Misor disạm khoniń oḍok ạguketʼpea ar hahaṅkarre pongel bochor hạbicʼ iń ạyurletʼpea.

Exodus 13:14

“Ar jãhãtis aperen hoponko noa reakʼ manetetʼko kulilepere onkope lạiyakoa, ‘Probhu Isor do Misor reakʼ golam khon acʼakʼ daṛeteye oḍok ạguakatʼlea.

Levitikus 25:38

Ińge Probhu aperen Isor do. Ińge Kanan disạm emape lạgitʼ ar aperen Isor hoyokʼ lạgitʼ Misor disạm khoniń oḍok ạguakatʼpea.

Levitikus 25:42

Israel do ińren golam kanako; ińge Misor disạm khoniń oḍok ạgu akatʼkoa; onate onko do ar tishõ golam lekate bako ạkhrińokʼa.

Levitikus 25:55

Israelko do ińren golam kanako. Ińge Misor disạm khoniń oḍokʼ ạgu akatʼkoa; onko do ińrenge golam akanko tahena. Ar ińkangeạń Probhu aperen Isor do.

Dosar Biboron 20:1

“Lạṛhại senkate bạiri secʼrenko ape khon ḍher sadomko, lạṛhại gạḍiko ar palṭonko ńelkate alope botorokʼa, ente aperen Probhu Isor okoe do Misor disạm khone oḍok ạgu akatʼpe uni do ape sãoteye tahena.

Bikʼcạrko 6:10

Ińiń metatʼpe tahẽkana, ińkangeạń Probhu aperen Isor do. Ar okoeyakʼ disạmrepe girobasokʼkan onko Amorikoren debotako do alope sewawakoa;’ menkhan ape do ińakʼ katha bape ańjomleda.”

1 Rapajko 18:39

Noa ńelte sanam hoṛ do otre taberente ãṭ aṛaṅte hohoateko menkeda, “Probhu kangeae Isor do, Probhu kangeae Isor do.”

2 Rapajko 17:7

Noako hoylena, ente Misor khon, Misorren raj Pharaoakʼ gobol khon okoe do onkoe oḍok ạguletʼko Israelko do akoren uni Probhu Isor upạrteko kạiletʼ tahẽkana. Onko do debotakoko sewawako kan tahẽkana ar onko samaṅ khon Probhu Isor do okoe jạtrenkoe laga ńirletʼko tahẽkan onko lekako taṛametʼ tahẽkana. Ona chaḍa Israelren rajko oka ạri cạliko benao oṭoletʼ ona lekageko calakʼkan tahẽkana.

2 Rapajko 17:12

Onko do boṅga murhutʼkoko sewawako kan tahẽkana, menkhan Probhu Isor do onakoe baron letʼkorehõ onko do onageko kạmikan tahẽkana.

Sereńko 81:7

Muhinrem paṛaoente ińem hohoạdińa ar iń doń bańcaoketʼmea; ar huḍur saḍe reakʼ danaṅ khoniń roṛ ruạṛatʼmea; ar Meriba reakʼ dakʼ ṭheniń biḍạuketʼmea. (Sela)

Sereńko 81:11

Menkhan ińren hoṛko do bako luturatʼtińạ; Israel do iń tabere tahen bae rebenlena.

Jeheskel 20:5

Onkom metakoa, Probhu Isore meneda, ‘oka hilokʼ Israeliń bachaolede enhilokʼ Jakob bõsren hoṛko ṭheniń kiriạlena ar Misorre onko ṭheniń sodorlena. Iń do kiriạkate onkoń metatʼko tahẽkana, ińkangeạń onkoren Probhu Isor do.

Hosea 12:10

Iń do nạbiko ṭhen kathań roṛ akada, onko do ḍher dorsoniń emakatʼkoa ar onko hotete aema kathageń roṛakada.”