Exodus 20:19 - সান্তালী বাইবেল

¹⁹ Onko do Moseko metadea, “Ale tulucʼ katha roṛme, ale dole ańjoma; menkhan Isor ale tulucʼe roṛle khan ale dole gujukʼa.”

Exodus 20:19 Referans Kwoze

Dosar Biboron 18:16

Horeb burure oka hilokʼ sanamko Probhu Isor samaṅrepe jarwalen enhilokʼge ape do aperen Probhu Isor ṭhen onagepe khojleda. Apepe menleda, ‘ale do aleren Probhu Isorakʼ katha alo baṛele ańjomma se niạ maraṅ seṅgel hõ alole ńelma; ar baṅkhan ale dole gujukʼa.’

Aposkạmi 7:38

Nui Mosege hahaṅkarre Israelkoren ona dol modre aboren hapṛamko sãoteye tahẽkana. Ar okoeṭakʼ serma goḍet do sinại burure kathae roṛletʼ tahẽkan, onḍe do nui Mosege serma goḍet sãoteye tahẽkana. Ar abo emabon lạgitʼ jiwetʼ kathako do nui Mosege onḍeye ńamleda.

Galathiko lạgitʼ Pạul Apostolakʼ ciṭhi 3:19

Enḍekhan cetʼ lạgitʼ ạn do? Ona do manwae kạiyetʼkante Isorakʼ gokʼakʼ tulucʼ em juṭucʼena. Ar okoe reaṅe gokʼ dohoakatʼ tahẽkan uni Abrahamren bõs ạuriye hijukʼ hạbicʼ bahal tahen lạgitʼ iạte ạn-ạriko do emlena. Serma goḍetko hotete mitʼṭen dene banarrenicʼ hotete noa ạn do bahal tahẽkana.

Exodus 33:20

Menkhan am do ińakʼ mẽtʼãhã bam ńel daṛeakʼa, ente iń ńel tayom do okoe hõ jiwetʼ ohoko tahẽdaṛelena.”

Dosar Biboron 5:5

Unre seṅgel botorte buru coṭte bape rakapʼlente iń do Probhu Isor ar ape talare teṅgokate uniyakʼ katha ape ṭheniń sodorleda. Unre Probhu Isor doe menleda,

Genesis 32:30

Unre Jakob do ona jaega reakʼ ńutum Penuele dohokeda (metakʼme “Isorakʼ mẽtʼãhã”). Uniye menkeda, “Iń do samna sạmni Isoriń ńelkedere hõ jiwetʼge minạńa.”

Ibriko 12:19

Okoe ona kathako ańjomletʼ tahẽkan onko do nehõrkateko menleda jemon onko ṭhen ar cetʼge alo roṛogokʼ,

Genesis 3:10

Uni do goṅketʼteye menkeda, “Bagwanre amakʼ aṛaṅiń ańjom akatʼgea. Menkhan uluṅge minạńte, botorteń oko akana.”