Exodus 20:12 - সান্তালী বাইবেল

¹² “Amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena.

Exodus 20:12 Referans Kwoze

Kolossiko lạgitʼ Pạul Apostolakʼ ciṭhi 3:20

E gidrạko, sanamakʼre aperen gogo-babawakʼ bataotakope, ente noa do Probhu Isore kusiyakʼa.

Dosar Biboron 5:16

‘Amren Probhu Isorakʼ hukum bataotaeme ar amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena ar bhạlại hoyokʼtama.

Mark 7:10

Moseye menakada, ‘eṅgam ạpum ganaokinme,’ ar eṅgat se apat bạṛicʼ memenicʼ do gocʼte hõ goje hoyokʼa.

Kạhtukko 30:17

Okaṭakʼ mẽtʼ do apate ṭiṭkạriyede kan ar eṅgatakʼ katha bataore hirkhạ salakʼe baṅetʼ, ona mẽtʼ do gaḍa kạhuko ṭhoṭrao oḍoka, ar gidiren hopon do onako joma.

Levitikus 19:3

Aperen gogo-baba manotkope ar ińakʼ jirạukʼ mãhã manaope. Iń kangeạń aperen Probhu Isor do.

Luk 18:20

Hukumko mam baḍaege, ‘alom laṭghaṭa, alom khũna, alom kombṛoya, eṛe goha alom ema, ar amren eṅgam ạpum ganaokinme.’ ”

Mathae 19:19

eṅgam-ạpum ganaokinme ar am aḍepaseren hoṛ apnar leka dulạṛem.”

Kạhtukko 20:20

Jãhãege acʼ eṅgat se apate sarapae, uniyakʼ diuhe do kaṛaṅ kucạṅ ńutre ĩṛĩjokʼtaea.

Exodus 21:17

“Jãhãege acʼren eṅgat se apate sarapae uni hõ khạṭigeye gocʼ ocokʼa.

Mark 10:19

Hukumko mam baḍaege, ‘alom khũna, alom laṭghaṭa, alom kombṛoya, eṛe goha alom ema, alom ṭhokakoa, ar gogo-babam manotkinạ.’ ”

Exodus 21:15

“Jãhãege acʼren eṅgat se apate dalkin uni do khạṭigeye gocʼ ocokʼa.

Dosar Biboron 32:47

Ape lạgitʼ noa do ạuṛi katha baṅkana, menkhan apeakʼ jion kangea. Jordan gaḍa tinrepe paromokʼa ar ona disạmpe dokhola unre noako kathape dohoya ar ḍher din jiwetʼpe tahena.”

Kạhtukko 3:16

Uniyakʼ jojom tire do ḍher bahaokʼ din menakʼa ar leṅga tire do dhon ar manot menakʼtaea.

2 Rapajko 2:12

Elisae do ona ńelte ãṭ aṛaṅteye menkeda, “E ińren ạpuń, E ińren ạpuń, ńelme, Israelakʼ rãt gạḍi ar aswariko.” Inạ tayom Elisae do ar bae ńel ńamledea. Unre uni do acʼakʼ kicricʼe or cirạketʼtaea.

Dosar Biboron 4:40

Ape ar ape tayom aperen hoponko jemon bhạlại hoyokʼtako ar aperen Probhu Isor okaṭakʼ disạm jaejug lạgitʼe emape lạgidokʼ kan onare jemon ḍher din jiwetʼpe tahẽdaṛeakʼ onate iń do onako ạn-ạri ar hukumkoń emape kana onako manao idipe baṛe.”

Dosar Biboron 25:15

Aperen Probhu Isor okaṭakʼ disạme emape lạgidokʼkan onḍe jemon ḍher dinpe bahaokʼ onate ṭhik lekan sosoṅakʼ baṭkhara ar tulạpe dohoya.

Malaki 1:6

Phạdkoren Probhu Isore meneda, “Hopon do acʼren apattetʼ ar guti do arcʼren kisạ̃ṛe manotea. Apatiń hoyakan khan ińakʼ manot do okare? Ar kĩsạ̃ṛiń hoyakan khan ińakʼ manot do okor? E naekeko, apege ińpe nihạ̃t giḍi akadińạ. Arpe meneda, ‘cekate ale do amle nihạ̃tetʼmea?”

Kạhtukko 30:11

Nonkan ḍher hoṛ menakʼkoa okoe akoren apatkoko sarapako ar eṅgatakʼ bhạlại bako khojkan,

Kạhtukko 28:24

Jãhãege eṅgat apatakʼ jinis kombṛokateye men, “Noa do behokakʼ baṅ kana,” uni do jarkharren gate kanae.

Kạhtukko 15:5

Bebuj hoṛ do acʼ apatakʼ ḍanṭaoe nihạ̃ta, menkhan bujhạntar hoṛ do nisṛạue moneyakʼa.

1 Rapajko 2:19

Ado Bethseba tinre Adoniạwakʼ katha lại lạgitʼ Solomon raj ṭhene senena unre raj doe beretʼente uniye joharadea ar ona tayom do acʼakʼ siṅghạsonreye duṛupʼena. Raj do acʼ eṅgat lạgitʼ mitʼṭecʼ duṛupʼakʼe ạgu ocoketʼte acʼakʼ jojomsa aṛereye dohokeda ar eṅgattetʼ do onareye duṛupʼena.

Levitikus 19:32

“Haṛam hoṛkoko hecʼlenre teṅgokʼpe ar onko manotkope. Ar aperen Isor botoraepe. Iń kangeạń aperen Probhu Isor do.

Ephesiko lạgitʼ Pạul Apostolakʼ ciṭhi 5:21

Mạsiyakʼ dewa sewakore menakʼpete ape apere tabe akan tahenpe.

Dosar Biboron 4:26

enḍekhan teheńge iń do un okte lạgitʼ serma ar ot do ape upạrte goha dohokateń meneda, ape do jordan gaḍa paromkate okaṭakʼ disạmpe ạidạri lạgidokʼkan ona disạmre thoṛa dintegepe ses utạrokʼa. Ar onḍe ḍher din do bape girobas daṛeakʼa, khạṭigepe marao utạrokʼa.

Dosar Biboron 5:33

Ape jemonpe bańcao tahen, apeakʼ jemon bhạlại hoyokʼ ar okaṭakʼ disạmpe ạidạrijoṅ onḍe ḍher din jemonpe tahẽdaṛeakʼ onate aperen Probhu Isor oka horte senokʼe hukum akatʼpe ona hortege taṛampe.

Dosar Biboron 6:2

Onate ape ar aperen hoponko, goṛom gidrạko do Probhu Isorpe botoraete uniyakʼ noa hukum ar ạn-ạriko jiwetʼ jonompe manao idite ḍher din jiwetʼpe tahena.

Dosar Biboron 11:8

“Ar okaṭakʼ disạm dokhol lạgitʼ ape do jordan gaḍape parom lạgidokʼkan onḍe senkate jemon onape dokhol daṛeakʼ ar Probhu Isor aperen hapṛamko ṭhen toa ar dumur rasate perecʼ okaṭakʼ disạm emako reakʼe gokʼletʼ tahẽkana onḍe ḍher din jemon jiwetʼpe tahen onate teheń okań hukumapekan onape manaoa.

Dosar Biboron 21:18

“Jãhãeren koṛa hopon ḍhiṭ ar ṭhokicʼe hoyokʼ, ar go-babawakʼ katha bae ańjom ar unkinakʼ ḍanṭao bae manao,

Dosar Biboron 27:16

‘Sarapangeae uni hoṛ do, okoe do eṅgat ar apate bemanotetʼkin.’ Unre sanam hoṛko mena, ‘Amen.’

Kạhtukko 17:6

Goṛom gidrạko do haṛam hoṛkoren mukuṭ leka, ar baba do acʼren hoponkoren ṭhonok kanako.

Jirimiạ 35:7

Ona chaḍa ape do tishõ oṛakʼ duạr alope benaojoṅa, ir hõ alope ira se darkha bagwan hõ alope kirińjoṅa ar cas hõ alope casa; menkhan jao okte tạmburege girobasokʼpe. Enḍekhan oka disạmre bidisiạko lekape tahen onḍe do ḍher dinpe tahẽdaṛeakʼa.’

Jirimiạ 35:18

Ona tayom Jirimiạ do Rekabiạkoe metatʼkoa, Israelren phạdkoren Probhu Isore meneda, “Ape do aleren hapṛam Jonadabakʼ hukumpe pańjayetʼkante ona lekape calakʼ kana ar uniyakʼ hukum lekagepe kạmikana.

Jeheskel 22:7

Am talarege hoṛko do eṅga-apako nihạ̃tetʼkoa, bidisiạkoko santaoetʼkoa ar ṭũạr amar ar rạnḍi maejiuko tulucʼ hõko jor julumeda.

Genesis 48:12

Unre Joseph do acʼren apatakʼ gunṭhikin aṛe khon acʼren hoponkine ocokʼketʼkinte otre ombakʼkate apattetʼe ḍobokʼadea.

Genesis 50:12

Israel do acʼren hoponko okaṭakʼe metatʼko tahẽkan onko do onageko kạmikeda.

Rut reakʼ kạhini 3:6

Tayomte uni do khạrạire senkate acʼren hanhartetʼe metade tahẽkan leka jotowakʼe kạmikeda.

1 Samuel 22:3

Ar Dạud do onḍe khon Moab disạm reakʼ Mispateye senena. Ar Moabren raje metadea, “Isorakʼ sana ińre cetʼkan ona ạuriń baḍae ńam hạbicʼ ińren eṅgạń ar ạpuń do dayakate am ṭhen tahẽ ocowạkinme.”