Exodus 2:7 - সান্তালী বাইবেল

⁷ Unre gidrạren ạjittetʼ do hecʼkate Pharaoren hoponerae metadea, “Iń do cetʼ am lạgitʼ mitʼṭen Ibri maejiu iń hohoạguama, jemon nui gidrại nunu harawam?”

Exodus 2:7 Referans Kwoze

Exodus 2:4

Ar gidrạwakʼ cetʼ hoyokʼa mente ona ńel lạgitʼ uniren ạjittetʼ do onḍe khon thoṛa sạṅgiń ńokʼreye teṅgo akan tahẽkana.

Numeri 26:59

Amramren oṛakʼ hoṛakʼ ńutum do Jokebed tahekana. Misor disạmre Liwi gusṭiko talare uniyakʼ janam do hoylena. Uniyakʼ kukhire Amramren hopon Aron, Mose, ar unkinren misera Mạriạmakʼ janam hoylena.

Numeri 12:1

Mose do Kus jạtren mitʼṭen maejiue baplaledea. Nui Kus jạtren maejiu iạte Mạriạm ar Aron do Mose upạrte katha roroṛkin ehopʼena,

Exodus 15:20

Aronren miserat Mạriạm do mitʼṭen maejiu nạbigeye tahẽkana. Uni do toblae sapʼkeda, ar uni tayom tayomte eṭakʼ maejiuko hõ tobla sapʼkate enecʼ enecʼteko oḍok hecʼena.

Exodus 2:6

Uni do onae oṭakʼketʼ khan ạḍiye hahaṛayena ar mitʼṭen koṛa gidrạ onare rarakʼkane ńelkedea. Onate raj hoponera do uni gidrạ cetanre ạḍi mãyã hecʼadea. Uniye menkeda, “Nui do Ibrikoren gidrạ kanae.”

Exodus 2:8

Uni doe menkeda, “Hẽ, Do calakʼme.” Unre kuṛi do senkate gidrạren eṅgattetʼgeye hoho ạgukedea.