Exodus 2:6 - সান্তালী বাইবেল

⁶ Uni do onae oṭakʼketʼ khan ạḍiye hahaṛayena ar mitʼṭen koṛa gidrạ onare rarakʼkane ńelkedea. Onate raj hoponera do uni gidrạ cetanre ạḍi mãyã hecʼadea. Uniye menkeda, “Nui do Ibrikoren gidrạ kanae.”

Exodus 2:6 Referans Kwoze

1 Patras 3:8

Mucạtʼre katha do nõkʼõe, ape sanamkoakʼ mon jemon mitʼ lekage hoyokʼ. Ape do mimitʼkoakʼ dukre dukokʼpe, boeha leka dupulạṛpe, daya ar nindhạnko hoyokʼpe.

Aposkạmi 7:21

Ar tinre bahreteye giḍi ocoyena unre Pharaoren hoponera do uniye hạr sãohãkedea ar acʼren gidrạ lekae joton harakedea.

1 Rapajko 8:50

Amren okoe hoṛko do am upạrteko kại akatʼ onko hoṛko ikạkakome ar am birud reakʼ sanamakʼ dosko hõ ikạitakome. Onko okoe do bondikateko idi akatʼko onko hoṛkoakʼ mon nonka hoeocoyme jemon onko cetanre daya hecʼako;

Sereńko 106:46

Aleren hapṛamko leka ale hõle kại akada; ale dole kại akada, ar bedhoromtele calakʼkana.

Nehemiạ 1:11

E Probhu Isor, nehõrokʼ kạnạń, amren gutiyakʼ koejoṅ ańjomme ar okoeko botoram kan onko amren gutikoakʼ koejoṅ baṛe luturakʼtakome. Amren guti do teheń jo baha ocoyeme ar raj ṭhen dayawạnicʼ hoeocoyeme.” Iń do darkha rasa dudulicʼ iń tahẽkana.

Kạhtukko 21:1

Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

Exodus 2:5

Thoṛa ghạṛicʼ khange Pharaoren hoponera do ḍạbrạkʼ lạgitʼ gaḍateye hecʼena. Ar unre uniren kạ̃ṛmĩko do gaḍa aṛe aṛeteko dãṛã baṛaekan tahẽkana. Unre uni do pạṭiol gajaṛre mitʼṭecʼ pạṭạriye ńelńamketʼ khan acʼ ṭhen ạguiy lạgitʼ mitʼṭen kạ̃ṛmĩye kolkadea.

Exodus 2:7

Unre gidrạren ạjittetʼ do hecʼkate Pharaoren hoponerae metadea, “Iń do cetʼ am lạgitʼ mitʼṭen Ibri maejiu iń hohoạguama, jemon nui gidrại nunu harawam?”

Jirimiạ 34:9

Ona niạm do hoyokʼ kana, joto hoṛge akoren Ibri guti kạ̃ṛmĩko aṛakʼkoa; ar Jihudi boeha do okoehõ guti mente bako doho daṛeakoa.

Exodus 1:22

Tayomte Pharao do acʼren porjako cetanre noae hukumkeda, “Ibriko talare koṛa hoponko janamlen khan ape do Nil gaḍarepe khadlekoa, menkhan kuṛi hopon do jiwetʼpe dohokoa.”