Exodus 2:4 - সান্তালী বাইবেল

⁴ Ar gidrạwakʼ cetʼ hoyokʼa mente ona ńel lạgitʼ uniren ạjittetʼ do onḍe khon thoṛa sạṅgiń ńokʼreye teṅgo akan tahẽkana.

Exodus 2:4 Referans Kwoze

Numeri 26:59

Amramren oṛakʼ hoṛakʼ ńutum do Jokebed tahekana. Misor disạmre Liwi gusṭiko talare uniyakʼ janam do hoylena. Uniyakʼ kukhire Amramren hopon Aron, Mose, ar unkinren misera Mạriạmakʼ janam hoylena.

Exodus 15:20

Aronren miserat Mạriạm do mitʼṭen maejiu nạbigeye tahẽkana. Uni do toblae sapʼkeda, ar uni tayom tayomte eṭakʼ maejiuko hõ tobla sapʼkate enecʼ enecʼteko oḍok hecʼena.

Mikạ 6:4

Iń do Misor disạm khoniń oḍok ạgu akatʼpea, ar golam khoniń chaḍao akatʼpea. Ape goṛowape lạgitʼte Mose, Aron ar Mạriạm tekoń kolletʼkoa.

Numeri 20:1

Bochor reakʼ pạhilakʼ candore Israelko do Sin hahaṅkar ṭoṭha reakʼ Kades ṭhen senkateko ḍerayena. Ar unre Mạriạm do onḍeye gocʼena arko topakadea.