Exodus 2:23 - সান্তালী বাইবেল

²³ Ḍher din tayom Misorren raj doe gocʼena. Ar Israelko do golam khaṭao iạte ạḍi ala jhalareko paṛao akan tahẽkana. Noa khon chaḍao ńam lạgitʼ onkoakʼ rakʼ do Isor ṭhen seṭerena.

Exodus 2:23 Referans Kwoze

Jakob 5:4

Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.

Aposkạmi 7:30

“Ona tayom pongel bochor paromena. Ar Sinại buru ṭhen oka hahaṅkar jaega menakʼ onḍe mitʼṭecʼ jạnum jhạuạre jolokʼkan seṅgelre mitʼṭen serma goḍet do Mose ṭhene ńelocoyena.

Genesis 16:11

Uni do arhõe metadea, “Ńelme, am dom bhạrti hoṛmo akana. Amren do mitʼṭen koṛa gidrại hoyokʼtama. Uni gidrạwakʼ ńutum do Ismaelem dohoytaea (metakʼme, Isore ańjoma), ente amakʼ duk reakʼ rakʼ do Probhu Isore ańjomakada.

Jesaea 19:20

Ar noage hoyokʼa Misor disạmre phạdkoren Probhu Isor ńutumte mitʼṭecʼ cinhạ ar goha do. Onkoakʼ santao iạte onko do tinre Probhu Isor ṭhenko raga unre onko ṭhen mitʼṭen babańcaoicʼ ar rurukhiyạicʼe kolea ar uni do onkoe bańcaokoa.

Sereńko 18:6

Iń do muhinre ińren Probhu Isoriń hohowadea ar goṛo ńam lạgitʼ uni ṭheniń rakʼkeda. Acʼakʼ tahen ṭhạ̃i khon uni do ińakʼ aṛaṅe ańjomketʼtińạ; ińakʼ rakʼjoṅ do uniyakʼ luturre seṭerena.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Nehemiạ 9:9

“Misor disạmre amge aleren hapṛamkoakʼ dukem ńelletʼtakoa; ar arakʼ doreão aṛere onkoakʼ rakʼem ańjomletʼtakoa.

Dosar Biboron 24:15

Siń cando hạsurokʼ laharege uniyakʼ kuṛại do emkatae hoyokʼa, ente uni doe reṅgecʼ hoṛ kana ar ona kuṛại cetanregeye ṭehãḍ akana. Ar bape onkale khan kại hoyokʼtapea, ar uni do ape upạrte Probhu ṭhene raga ar kạirepe paṛaokʼa.

Exodus 4:19

Midiạn disạmre tahenrege Probhu Isor do Moseye metade tahẽkana, “Am do ńitokʼ Misorte ruạṛ calakʼme. Ente okoeko hoṛ am gocʼmeko menetʼ tahẽkan onko do celege ar jiwetʼ bạnukʼkoa.”

Genesis 4:10

Unre Probhu Isore menkeda, “Cetʼem ceka akada? Ńelme, ot khon amren boehawakʼ mãyãm do iń ṭhene rakʼeda.

Exodus 7:7

Pharao sãote katha roṛ jokhecʼ Moseyakʼ umer do irạlgel ar Aronakʼ umer do irạlgel pe bochor tahẽkana.

Jesaea 5:7

Phạdkoren Probhu Isorakʼ darkha bagwan do Israel bõsren hoṛkoge; ar Jihudạren hoṛko do rạskạwanakʼ darkha nạ̃ṛĩge. Uni do hok bicạr reakʼe ńam baṛakeda menkhan mãyãme ńelkeda; uni do dhorom reakʼe ńam baṛakeda menkhan duk reakʼ rakʼe ańjomkeda.

Exodus 1:14

Khet reakʼ eṭakʼakʼ kạmi sãote onko cetanre cun suṛki ar iṭạ reakʼ hamal kạmiko ladeatʼkoa ar onkoakʼ jiwiko haṛhãtʼ cabaketʼtakoa. Onko do jor julumkate joto lekanakʼ kạmiko kạmi ocoketʼkoa.

Exodus 6:5

Misorrenko do Israelko golamko benaoletʼko tahẽkana. Onkoakʼ rakʼ ańjomte iń do ona bondobos reakʼ kathań disạkeda.

Exodus 6:9

Mose do senkate noako katha Israelkoe baḍae ocoketʼkoa, menkhan onko do kumãyã talate golam khaṭao khaṭaoteko laṅga caba akan tahẽkante Moseyakʼ katha do bako luturada.

1 Samuel 12:8

“Jakob do Misor disạmteye senena, ar aperen hapṛamko tinre Probhu Isor ṭhenko rakʼkeda unre Probhu do Mose ar Arone kolketʼkinạ. Unkin do Misor disạm khon aperen hapṛamkokiń oḍok ạguketʼkoa ar niạ disạmrege girobasokʼ lạgitʼkin bondobosatʼkoa.

Jobakʼ 35:9

“Jor julumko iạte hoṛko doko rakʼetʼkana; ar daṛeankoakʼ ti khon rukhiyạ ńam lạgitʼko nehõrokʼ kana.

Sereńko 102:1

E Probhu Isor, am do ińakʼ koejoṅ ańjomtińme; ińem goṛowạń khon ińakʼ noa rakʼjoṅakʼge am ṭhen baṛe seṭerokʼma.

Bikʼcạrko 4:3

Jabinakʼ do irạl sae mẽṛhẽtʼ reakʼ rãt gạḍiko tahẽkantaea ar uni do bargel bochor hạbicʼ Israelko cetanre ạḍi bạṛicʼ jor julume caloetʼ tahẽkana. Onate Israelko do Probhu ṭhen goṛo ńam lạgitʼko rakʼkeda.

1 Samuel 9:16

“Gapa niạ jokhecʼ Benjạmin gusṭiren mitʼṭen hoṛ do am ṭheniń kolea. Ar am do ińren hoṛko metakʼme Israelkoren mukhiyạ hoyokʼ lạgitʼ unigem ojokʼ bahalea. Unige Philistikoakʼ ti khon ińren hoṛkoe bańcaokoa. Iń do ińren hoṛko secʼ iń moneakada, ente onkoakʼ rakʼjoṅakʼ do ińakʼ lutur hạbicʼ seṭer akana.”

Sereńko 102:2

Ińakʼ muhinre alom dea giḍikạńạ. Ińakʼ katha luturakʼme; ińiń hohowamre alom biloma.