Exodus 2:22 - সান্তালী বাইবেল

²² Silpạren mitʼṭen koṛa gidrại hoyen khan Mose do uniyakʼ ńutum Gerseme dohoketʼtaea, ente uni doe menkeda, “Iń do upriạ hoṛiń hoyakana.”

Exodus 2:22 Referans Kwoze

Aposkạmi 7:29

Ado Mose noa kathae ańjomketʼ khan Midiạn disạmteye dạṛkeda ar onḍegeye berelena. Ar onḍege uni do barea koṛa gidrại gidrạwana.

Exodus 22:21

“Bidisiạ hoṛ sãote bạṛicʼ alope beohara se alope santaoea, ente Misor disạmre ape hõ bidisiạpe tahẽkana.

Sereńko 119:19

Iń do dhạrtire girobas akan mitʼṭen porjạt hoṛ kạnạń; amakʼ hukum do iń khon alom danaṅ dohokakʼa.

1 Bõsbudạ 29:15

Ale do amakʼ mẽtʼre aleren sanam hapṛamko leka bidisiạ hoṛ kanale. Dhạrtire aleakʼ dinko do umul leka, aleakʼ do jãhãn asge bạnukʼtalea.

1 Bõsbudạ 16:20

Onko do tinre onḍe eṭakʼ eṭakʼ jạtrenko talare eṭakʼ eṭakʼ rajosṭiko talareko ạcur baṛaekan tahẽkana,

Sereńko 39:12

E Probhu Isor, ińakʼ koejoṅ ańjomtińme; ar goṛowạń lạgitʼ ińakʼ rakʼ joṅ ańjomtińme; ińakʼ mẽtʼ dakʼ ńelte am do alom thir hapekokʼa; ente ińren sanam hapṛamko cetʼlekako tahẽkan onkage ińhõ dhạrtire upriạ hoṛko leka minạńa.

Exodus 2:10

Gidrạ thoṛae harayen khan maejiu do Pharaoren hoponera ṭhene idikedea, ar uni do acʼren gidrạ lekae ataṅkedea. Uniye menkeda, “Nui do dakʼ khoniń owar rakapʼ akadea.” Ar onate uniyakʼ ńutum do Moseye dohoketʼtaea.

Genesis 23:4

“Iń do eṭakʼ disạm khon upriạ lekate apeko talareń girobasokʼ kana. Ona iạte dayakate topa ṭạnḍi benao lạgitʼ ape talare thoṛa jaega aṛakʼ ạńpe jemon ińren bạhuń topa daṛeae.”

Exodus 4:20

Unre Mose do acʼren bạhu ar gidrạko gadhareye decʼketʼkote Misor disạmteye ruạṛ calaoena. Ar Isorakʼ ona ṭheṅga hõe iditorakeda.

Levitikus 25:23

“Jaejug lạgitʼ okoeyakʼ jumi hõ baṅ ạkhrińokʼa, ente joto jumi do ińakʼ kana ar iń samaṅre ape do porjạtrenko lekape girobasokʼa.

Bikʼcạrko 18:30

Dan gusṭiren hoṛko do ako lạgitʼ onḍe mitʼṭecʼ goṛhon muṭhạnko benaokedea. Ar disạmren hoṛko bondi dosare ạuriko calakʼ hạbicʼ Dan gusṭiren hoṛko lạgitʼ do Jonathan ar uniren bõskoge naeke kạmiko kạmikan tahẽkana. Jonathan do Gersem bõsren ar Gersem do Moseren hopone tahẽkana.

1 Samuel 1:20

Onate Hanna doe bhạrti hoṛmoyena ar okte purạuen khan mitʼṭen koṛa gidrại janamkedea. Ar Hanna doe menkeda, “Iń do Probhu Isor ṭhen khoniń koe hatao akawana,” Ar gidrạwakʼ ńutum do Samuele dohoketʼtaea.