Exodus 2:2 - সান্তালী বাইবেল

² Ar kuṛi doe bhạrti hoṛmoyena ar mitʼṭen koṛa gidrại hoyentaea. Gidrạ do ńelokʼte ạḍi napaegeye tahẽkana. Ona iạte uniren eṅgattetʼ do pe cando hạbicʼ acʼ ṭhene oko dohokedea.

Exodus 2:2 Referans Kwoze

Ibriko 11:23

Moseyakʼ janam tayom uniren eṅgat-apat do biswạs iạtege pe cando kin oko doholede tahẽkana, ente unkin dokin ńelkeda, gidrạ do ńelokʼteye mońjgea ar onate raj reakʼ hukum hõ bạkin botorada.

Aposkạmi 7:20

“Ona jokhecʼ Moseye janamena. Uni do ńelokʼte ạḍi mońje tahẽkana. Ar pe cando hạbicʼ acʼren apatakʼ oṛakʼreye ạsul ocoyena.

Sereńko 112:5

Okoe dayate pańcae emokʼkan ar dhoromte jotowakʼe kạmikan uniyakʼ bhạlại do hoyokʼgea.

Exodus 6:20

Amramren hopon dokin hoyokʼ kana Aron ar Mose. Amram do acʼ babaren miserat Jokebete baplaledea ar uniren do noko hoponko hoylena. Amram do mitʼsae pegel eae bochor jiwetʼe tahẽkana.

Numeri 26:59

Amramren oṛakʼ hoṛakʼ ńutum do Jokebed tahekana. Misor disạmre Liwi gusṭiko talare uniyakʼ janam do hoylena. Uniyakʼ kukhire Amramren hopon Aron, Mose, ar unkinren misera Mạriạmakʼ janam hoylena.

Dosar Biboron 33:16

prithimi reakʼ bhage bhage jiniskote, ar jolokʼkan jhạuạre okoeye tahẽkan uniyakʼ dayate. Josephakʼ bohokʼre noako ạsirbad baṛe pheḍ hijukʼma; boehako modre okoeye mukhiyạkan uniyakʼ bohokʼre noako bhor baṛe paṛaokʼma.

1 Samuel 16:12

Onate Jisại do hoṛ kolkate acʼren huḍiń utạricʼ hopone hoho ạgukedea. Uni do juruṅ juruṅ arakʼgeye tahẽkana ar ńelokʼte hõ mońj ar mẽtʼkin hõ ạḍi napae tahẽkantaea. Unre Probhu Isor doe menkeda, “Nui kangeae uni do, am do unige ojokʼ bahalem.”

2 Rapajko 11:3

Uni do acʼren jokʼtonicʼ sãote turui bochor Probhu Isorakʼ oṛakʼre okogeye tahẽkana; unre Athaliạ do disạmreye rajokʼkan tahẽkana.