Exodus 2:16 - সান্তালী বাইবেল

¹⁶ Onḍenicʼ Midiạn naekeren do eae goṭen hoponerako tahẽkantaea. Onko do apattetʼren bhiḍiko dakʼ ńũako lạgitʼ dakʼ lo rakapʼkate gamlareko dul perecʼetʼ tahẽkana.

Exodus 2:16 Referans Kwoze

Exodus 3:1

Mitʼ din Mose do acʼren hońhartetʼ Jethro, metakʼme Ruelren bhiḍi-meromkoe gupiyetʼko tahẽkana. Jethro do Midiankoren mitʼṭen naekeye tahẽkana. Mose do hahaṅkar hanasate bhiḍi-meromko gupi gupite Isorakʼ Horeb buruteye seṭerketʼkoa.

Genesis 24:11

Ona nagraha bahrere mitʼṭecʼ kuń tahẽkana. Uni guti do onḍe seṭerkate ũṭko ona kuń ṭhene ikhṛum ocoketʼkoa. Unre ạyupʼ hijukʼkan tahẽkana, ar kuṛikoakʼ dakʼ lo okte hõ hoyakan tahẽkana.

1 Samuel 9:11

Ar nagraha reakʼ ona hortekin rakapʼ calakʼkan tahẽkanre unkin do adom kuṛiko sãotekin ńapamena. Onko kuṛiko do dakʼ loloko oḍok hijukʼkan tahẽkana. Unkin do onko kuṛikin kuliketʼkoa, “Ńeńelicʼ do cetʼ nonḍe menaea?”

Genesis 41:45

Pharao do Josephakʼ nãwã ńutum Sapnat Paneahe dohoketʼtaea. Ar On nagraharen naeke Poṭipheraren hoponerat Asnat tulucʼ Josephe baplakadea. Noa tayom Joseph do goṭa Misor disạm dãṛãn lạgitʼe oḍokena.

Genesis 14:18

Salemren raj Melkisedek do Abram lạgitʼ piṭhạ ar darkha rasae ạgukeda. Uni do maraṅ Isorren naekeye tahẽkana.

Genesis 24:13

Ńelme, noa nagraharen kuṛiko do dakʼ loko oḍokʼ hijukʼ kana, ar iń do noa kuń ṭhengeń teṅgo akana.

Genesis 29:2

Onḍe uni doe beṅgetʼ ạcurketʼ khan mitʼṭecʼ kuńe ńel ńamkeda. Unre ona kuń aṛere pe pal bhiḍi meromko aḍa akan tahẽkana. Gupiko do onḍe khonge akoren palko dakʼko ńũakokan tahẽkana. Ar kuń mocare do maraṅ okocʼ mitʼṭecʼ dhiri doho akan tahẽkana.

Exodus 18:1

Isor do acʼren hoṛ Israelko ar Mose lạgitʼ okae ceka akatʼ ona jotowakʼge Moseren hońhartetʼ Midionren naeke Jethrowakʼ luturre senakan tahẽkana. Ar Mose okalekate Misor disạm khon Israelkoe oḍok ạguketʼko ona hõe ańjomkeda.

Exodus 18:12

Inạ tayom Jethro do Isor ńutumte jeredokʼ samaṅokʼakʼ ar eṭakʼ dãṛẽko lạgitʼ janwarkoe ạguketʼkoa. Ar ona tayom Aron ar Israelren sanam murubbiko do Isor samaṅre Moseren hońhartetʼ sãote jojomko duṛupʼena.