Exodus 2:10 - সান্তালী বাইবেল

¹⁰ Gidrạ thoṛae harayen khan maejiu do Pharaoren hoponera ṭhene idikedea, ar uni do acʼren gidrạ lekae ataṅkedea. Uniye menkeda, “Nui do dakʼ khoniń owar rakapʼ akadea.” Ar onate uniyakʼ ńutum do Moseye dohoketʼtaea.

Exodus 2:10 Referans Kwoze

Ibriko 11:24

Biswạs iạtege Mose doe sẽṛãyen khan, Pharao hoponeratren hoponko hohowae do bae khojkan tahẽkana.

1 Samuel 1:20

Onate Hanna doe bhạrti hoṛmoyena ar okte purạuen khan mitʼṭen koṛa gidrại janamkedea. Ar Hanna doe menkeda, “Iń do Probhu Isor ṭhen khoniń koe hatao akawana,” Ar gidrạwakʼ ńutum do Samuele dohoketʼtaea.

Genesis 16:11

Uni do arhõe metadea, “Ńelme, am dom bhạrti hoṛmo akana. Amren do mitʼṭen koṛa gidrại hoyokʼtama. Uni gidrạwakʼ ńutum do Ismaelem dohoytaea (metakʼme, Isore ańjoma), ente amakʼ duk reakʼ rakʼ do Probhu Isore ańjomakada.

1 Johan 3:1

Ma ńeltabonpe, Isor Baba do tinạkʼe dulạṛetʼ bon kana, uni do acʼren gidrạko menteye hohowabon kana, ar sạrige bon onka kangea. Onate dhạrti do bae baḍae akatʼ bona, ente dhạrti do Isor hõ bae baḍae akadea.

Galathiko lạgitʼ Pạul Apostolakʼ ciṭhi 4:5

Jemon ạn gobolre tahenkan hoṛkoe kiriń chaḍao daṛeako, ar Isorren hoponko menteye ataṅ bon.

Mathae 1:21

Ar am do uniyakʼ ńutum Jisum dohoetaea, ente uni do acʼren hoṛko akoakʼ kại khone bańcaokoa.”

Genesis 48:5

Am ṭheniń hijukʼ lahare amren okoekin hoponkin janamlen unkin hõ ińren hoponko talarekin lekhakʼa. Ruben ar Simeon cetʼleka ińren kanakin onkage Ephrayem ar Manase hõ ińren kanakin.

Genesis 4:25

Tayomte Adam do arhõ acʼren bạhu tulucʼe giticʼmitʼena ar Hawa do ar mitʼṭen koṛa hopone janamkedea. Ar uniyakʼ ńutum do Sethe dohoketʼtaea. Hawae menkeda, “Kain do Habele khũnkedete Isor do Habel bodolte armitʼṭen hopone emadińa.”

Exodus 2:9

Pharaoren hoponera do uniye metadea, “Nui gidrạ idikate nunu harawạńme. Noa lạgitʼ iń do betoniń emama.” Unre uni maejiu do gidrại idikedea are nunu harakedea.

2 Samuel 22:17

Uni do coṭ khon tiye tiyạrketʼteye sapʼkedińa, ar khạndri dakʼ khone owar rakapʼkedińa.