Exodus 19:6 - সান্তালী বাইবেল

⁶ Ińren hoṛko hotetege ińren naekekoakʼ rajosṭi do hoyokʼa ar noko jạtrenkoge iń ńutumteń begar akatʼko jạtrenko hoyokʼa. Noa katha do Israelkom baḍae ocokoa.”

Exodus 19:6 Referans Kwoze

Johan sodor 5:10

Am do onko hotete mitʼṭecʼ rajosṭim benao akada ar aboren Isorakʼ sewae lạgitʼ naekekom hoyocoketʼkoa. Dhạrtire onkoge rajosṭiko calaoa.”

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

Johan sodor 1:6

Uni do aboko hotete mitʼṭecʼ rajosṭiye benao rakapʼakada ar acʼren Baba ar Isorakʼ sewa lạgitʼ naekeye hoyoco akatʼbona. Jaejug hạbicʼ Jisu Mạsiyakʼge ṭhonok hoyokʼtae ma ar jaejug hạbicʼ uniyakʼ daṛe do tahẽakae tahen ma. Amen.

Dosar Biboron 7:6

Ente ape do nonkan mitʼṭen jạtrenko kanape aperen Isor ńutumtepe begar doho ocoakana. Ape do jemon Probhu Isorren hoṛ ar uniren sompottipe hoyokʼtae onate dhạrtiren sanam jạtrenko tala khone bachao akatʼpea.

Dosar Biboron 28:9

“Aperen Probhu Isorakʼ kathakope manao arpe ganao ar uniyakʼ hortepe taṛam enḍekhan uni do acʼakʼ gokʼakʼ lekate, acʼren begar akan jạtrenko lekateye teṅgo rakapʼpea.

Jesaea 62:12

Uniren hoṛko do, “Probhu Isor ńutumte begar ocoakan hoṛko men ocokʼa, metakʼme Probhuren chakʼḍao akan hoṛko.” E Jerusalem, am do, “Sendra ńam nagrahagem” men ocokʼa, metakʼme beretʼ ruạṛ akatʼ nagrahage.”

Dosar Biboron 26:19

Uni doe lại sodoretʼkana, sarhao, man ar sabasi secʼte sirjạuren sanam jạtrenko cetanre uni doe dohopeya ar aperen Isor Probhu Isorakʼ gokʼakʼ lekate apege uni ńutumte begar akan jạtrenpe hoyokʼa.”

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Johan sodor 20:6

Menkhan ona hajar bochor ạuri purạukʼ hạbicʼ sarecʼ akan gocʼ hoṛ do bako jiwetʼlena.

1 Korinthiko 3:17

Jãhãege Isorakʼ mundile bạṛij enḍekhan Isor hõ uniye bạṛijea, ente uniyakʼ mundil do sonotgea, ar ona mundil dope ape kangea.

Jesaea 61:6

Ar ape do Probhu Isorren naekepe ńum ocokʼa; ar hoṛko do aboren Isorren sapʼdapʼkoko metapea. Ape do boṅgan hoṛ jạtrenkoakʼ dhonpe jomtakoa ar onkoakʼ dhon iạtepe sabasikʼa.

Levitikus 20:26

Iń Probhu Isor doń sonotgete ape hõ sonotko hoyokʼpe; ar ińge ińren hoṛ hoyokʼ lạgitʼ eṭakʼ jạtrenko khoniń begar akatʼpea.

Dosar Biboron 14:21

“Gocʼ akan nonkan jãhãn jiwiyanko hõ alope jomkoa, ente ape do aperen Probhu Isor ńutumte mitʼṭecʼ begar akan jạtrenko kanape. Apeakʼ ato se nagrahareko girobasokʼkan eṭakʼ jạtren hoṛko ona dope em daṛeakoa ar ona do onkoko jom daṛeakʼa, se eṭakʼ porjạtrenko ṭhen dope ạkhriń daṛeakoa.

Levitikus 21:23

menkhan uniyakʼ hoṛmore dos menakʼtaete sonot ṭhạ̃i reakʼ orwal ṭhen se pinḍ samaṅre senkate ińakʼ ṭhạ̃iko reakʼ sonottetʼ do bae nosṭo daṛeakʼa. Iń kangeạń aperen Probhu Isor do, ińge naekekoń begar dohoakatʼkoa.”

Levitikus 20:24

Iń doń metatʼpe tahẽkana, onkoakʼ disạm do apeakʼge hoyokʼa. Iń do toa, dumur rasa ạtukʼkan ona disạmge ạidạri menkateń emapea. Iń kangeạń aperen Probhu Isor do. Ińge eṭakʼ sanam jạtrenko khoniń begar dohoakatʼpea.

1 Thessalonikikko 5:27

Iń do Probhu Isor ńutumte noań hukumape kana, jemon noa ciṭhi sanam boehako ṭhen paṛhao ańjomokʼ.

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

Exodus 22:31

“Ape do ińren begar akan hoṛ kanape. Onate nonkan jãhãn janwarakʼ jel alope joma one okoe do kaṭaha janwar ṭhene gocʼ ocoakan; ona do setape emakoa.

1 Rapajko 3:8

Ar amren guti do nonḍe amem bachao akawan hoṛko talarege menaea. Ar onko do nonkan mitʼṭecʼ maraṅ jạtren kanako, one onko do ohoko lekha caba daṛelen.

1 Rapajko 8:53

E Probhu Isor, aleren hapṛamko Misor disạm khon oḍok ạguko jokhecʼ amren guti Mose hotete amakʼ roṛ saḍeakʼ lekate amren sompottiko hoyokʼ lạgitʼ dhạrtiren sanam jạtrenko tala khon am do Israelkom begar dohoakatʼkoa.”

1 Bõsbudạ 17:22

Amren hoṛ Israelko do jaejug amren hoṛem hoyocoakatʼkoa, ar am do, E Probhu Isor, onkoren Isorem hoyakana.

Jesaea 43:4

Am bodolte iń do eṭakʼ hoṛkoń emokʼa ar amakʼ jiwi bodolte eṭakʼ jạtrenkoń emokʼa, ente ińakʼ nońjorre am dom damangea arem manotgea, ar iń do amiń dulạṛetʼmea.

Jesaea 66:21

Onko mod khon adom liwiko do naeke ar sapʼsosorko hoyokʼ lạgitʼ iń bachaokoa.”

Jirimiạ 2:3

Israel do Probhu Isor lạgitʼ sonoticʼgeye tahẽkana; uniyakʼ pạhil phosol reakʼ gelege. Ar okoe onako jomketʼko onko do jotoge dusiko hoyena, ar onko sanamko cetanrege muhin do hecʼ paṛaoena. Iń Probhu Isorge noa katha doń meneda.”

Jirimiạ 7:23

menkhan noań hukumatʼko tahẽkana, ‘ińakʼ katha leka senokʼpe, iń do aperen Isoriń hoyokʼa ar ape do ińren hoṛpe hoyokʼtińạ. Ar oka horte calakʼ reakʼ iń hukumakatʼpe ona horte calakʼpe jemon bhạlại hoyokʼtape.’

Jirimiạ 13:11

Hoṛko cetʼleka ḍanḍare jhaṅgako horog onkage iń do goṭa Israel ar Jihudạren sanam hoṛko ińreń jalatʼ ocoletʼkoa, jemon onko do ińakʼ ńutumko sarhaotiń arko manotiń ar ińren hoṛko hoyokʼ, menkhan onko do ińakʼ katha bako ańjomleda.

Amos 3:2

“Dhạrtiren sanam jạtrenko tala khon iń do eken apegeń bachao akatʼpea; ar onate apeakʼ sanam kại iạte apegeń sạjạipea.”

Exodus 28:36

“Mitʼṭecʼ khạṭi sona reakʼ pat benaokate ona cetanre mohor chap akatʼ leka noa kathakom rokʼ caṛhaoa, ‘Probhu Isor ńutumte begarakʼ mente.’

Numeri 16:3

Onko do Mose ar Aron upạrte dol pakaokate hecʼenteko menkeda, “Aben do ạḍi ben taṛam lahayeda. Goṭa Israel somajren mitʼke mitʼ hoṛ do Probhu Isor ńutumteko begar ocoakana ar Probhu Isor hõ onko sãote menaea. Menkhan Probhu Isorren hoṛko cetanre cedakʼ apnarteben usulokʼ kana?”

Sereńko 114:2

unre Jihudạ do Isorakʼ sonot ṭhạ̃i hoyena, ar Israel do ona reakʼ rajosṭige.

Hagae 2:5

Ape tinre Misor disạm khonpe oḍok hecʼlena unre ape ṭhen noageń gokʼleda, ar ińren Jiu do ńithõ ape talare menaea. Ape do alope botorokʼa.