Exodus 19:5 - সান্তালী বাইবেল

⁵ Onate ińakʼ kathako dohoy ar ińakʼ bondobos lekako calakʼ enḍekhan dhạrtiren sanam jạtrenko khon onkoge ińren bises sompottiko hoyokʼa, ente dhạrtiren sanam hoṛge ińakʼ ạidạrire menakʼkoa.

Exodus 19:5 Referans Kwoze

Dosar Biboron 14:2

Ape do Probhu Isor ńutumte mitʼṭen begar akan jạtrenko kanape. Dhạrtiren sanam jạtrenko mod khon Probhu Isor do apegeye bachao akatʼpea jemon uniren ạidạri porjakope hoyokʼ.

Dosar Biboron 7:6

Ente ape do nonkan mitʼṭen jạtrenko kanape aperen Isor ńutumtepe begar doho ocoakana. Ape do jemon Probhu Isorren hoṛ ar uniren sompottipe hoyokʼtae onate dhạrtiren sanam jạtrenko tala khone bachao akatʼpea.

Dosar Biboron 26:18

Probhu Isor hõ teheńgeye lại sodoretʼkana, acʼakʼ gokʼakʼ lekate ape do uniren kanape. Onate uniyakʼ hukum leka senokʼ hoyokʼtapea.

Malaki 3:17

Onko babotre phạdkoren Probhu Isore meneda, “Ińakʼ niṭ akatʼ dinre onko do ińren sompottiko hoyokʼa; onko do ińrengeko hoyokʼa. Mitʼṭen hoṛ cetʼleka acʼren sapʼsosoricʼ hopone mãyãwaekante sạjại khone sahaṛede onkage onko hõń sahaṛkoa.

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

Sereńko 135:4

Probhu Isor do Jakob acʼ lạgitʼe bachaowana, ar Israel do acʼakʼ ạidạri lekage.

Dosar Biboron 4:20

Disạipe, Probhu Isor do apeye bachao akatʼpea ar mẽṛhẽtʼ reakʼ seṅgel bhaṭa metakʼme Misor khone oḍok ạguakatʼpea jemon uniren hoṛpe hoyokʼ ar ape do ńitokʼ onagepe hoyakana.

Exodus 23:22

Uniyakʼ kathape luturakʼ ar iń okakoń lạiyakatʼ onape onkae enḍekhan iń do aperen bạirikoren bạiriń hoyokʼa ar okoe ape upạrteko teṅgokʼ onko upạrteń teṅgokʼa.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Dosar Biboron 10:14

“Serma ar ona cetan reakʼ sanamakʼko ar ot ar ona reakʼ sanamakʼko jotoge aperen Probhu Isorakʼ kana.

Exodus 9:29

Mose do uniye metadea, “Nagraha khon oḍok katege iń do Probhu Isor ṭhen ti tulkateń koejoṅa. Onate huḍur ar arel ńurokʼ hõ thirokʼa. Ar noatem bujhạu daṛeakʼa, dhạrti do Probhu Isorakʼ kangea.

Sereńko 24:1

Dhạrti ar onare menakʼakʼ jotowakʼge Probhu Isorakʼ kana; Prithimi ar onare tahenko hõ uniren kanako;

1 Korinthiko 10:26

ente sonot sostor reakʼ katha leka, “Dhạrti ar onare menakʼakʼ jotowakʼge Probhu Isorakʼ kana.”

Jobakʼ 41:11

Iń upạrte do okoeyakʼ dạbiteakʼ menakʼtaea, jemoniń em ruạṛkatae? Serma latarre menakʼakʼ jotowakʼge coṅ ińakʼ kan.

Dosar Biboron 5:2

Aboren Probhu Isor do Horeb burure abo lạgitʼ mitʼṭecʼ bondobose doholeda.

Ibriko 11:8

Isor do Abrahame hohowade tahẽkanre biswạs iạtege Isorakʼ kathareye gobolena ar ạidạṛi lekate okaṭakʼ jaega ńam reakʼ katha tahẽkantae ona jaegateye calaolena. Unre bae bujhạu akatʼ tahẽkana okateye calakʼkana mente ar enhõ uni doe monḍhalena.

Jesaea 43:1

E Jakob, okoe ame sirjạu akatʼme, E Israel, okoe ame benao akatʼme, uni Probhu Isor do ńitokʼ niạ kathae meneda, “Alom botorokʼa, ente am doń chaḍao akatʼmea. Iń do amakʼ ńutum ńumkateń hohoakatʼmea, am dom ińren kana.

Jesaea 41:8

Probhu Isore meneda, “Menkhan E ińren guti Israel, ar ińiń bachao akade Jakob, ińren dulạṛicʼ Abrahamren bõs,

Sereńko 25:10

Probhu Isorakʼ bondobos ar ạn lekate okoeko calakʼkan, onko ṭhen uniyakʼ sanam hor do asambheṛ dulạṛ ar pạtiạrte perecʼgea.

1 Samuel 15:22

Unre Sạmuele menkeda, “Probhu Isorakʼ hukumpe batao lekhan uni tinạkʼe kusikʼ, unạkʼ do jeredokʼakʼ samaṅokʼakʼ ar janwar samaṅokʼakʼte bae kusikʼa. Janwar samaṅokʼakʼ khon uniyakʼ hukum manao ar bheḍawakʼ itil khon uniyakʼ katha bataotaege ḍher bhagea.

Josuạ 24:24

Unre sanamkoge Josuạko metadea, “Ale do aleren Probhu Isor gele sewawaea ar uniyakʼ hukumkogele manaotaea.”

Jesaea 1:19

Ape do tabe akan tahenpe aṅgocetʼ khan enḍekhan disạm reakʼ joto khon bhage phosolpe joma,

1 Rapajko 8:53

E Probhu Isor, aleren hapṛamko Misor disạm khon oḍok ạguko jokhecʼ amren guti Mose hotete amakʼ roṛ saḍeakʼ lekate amren sompottiko hoyokʼ lạgitʼ dhạrtiren sanam jạtrenko tala khon am do Israelkom begar dohoakatʼkoa.”

Dosar Biboron 28:1

“Aperen Probhu Isorakʼ purạ batao akaepe tahen ar teheń okań hukumapekan ona joton salakʼpe dohoy, enḍekhan dhạrtiren eṭakʼ jạtrenko khon ape doe usulpea:

Jesaea 56:4

Ente Probhu Isor do niạ kathae meneda, “Mạ̃yạ̃ṛiko okoe do ińakʼ jirạukʼmãhãko manaoetʼ, ar iń okań kusiyakʼ onako bachao joṅ ar ińakʼ bondobos kajakteko sapʼ dohoy,

Exodus 24:7

Ona tayom uni do bondobos olakʼ puthi hataokate hoṛkoe paṛhao ańjomatʼkoa. Unre hoṛko doko roṛ ruạṛadea, “Ale dole bataoa ar Probhu Isor okakoe menakatʼ ona jotowakʼle palona.”

Jirimiạ 7:23

menkhan noań hukumatʼko tahẽkana, ‘ińakʼ katha leka senokʼpe, iń do aperen Isoriń hoyokʼa ar ape do ińren hoṛpe hoyokʼtińạ. Ar oka horte calakʼ reakʼ iń hukumakatʼpe ona horte calakʼpe jemon bhạlại hoyokʼtape.’

Dosar Biboron 11:27

Teheń ape ṭhen aperen Probhu Isorakʼ oka hukumkoń ematʼpe onape manaotae, enḍekhan ona bhor do apere paṛaokʼa.

1 Korinthiko 10:28

Menkhan jãhãeko metape khan, “Noa do boṅga ṭhen teṅgenakʼ kana,” Enḍekhan one okoeye menakatʼpe uni iạte ar bibek khạtirte alope joma.

Dosar Biboron 14:21

“Gocʼ akan nonkan jãhãn jiwiyanko hõ alope jomkoa, ente ape do aperen Probhu Isor ńutumte mitʼṭecʼ begar akan jạtrenko kanape. Apeakʼ ato se nagrahareko girobasokʼkan eṭakʼ jạtren hoṛko ona dope em daṛeakoa ar ona do onkoko jom daṛeakʼa, se eṭakʼ porjạtrenko ṭhen dope ạkhriń daṛeakoa.

Jirimiạ 10:16

Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Soros sereń 8:12

Ińakʼ darkha bagwan menakʼa, ona do ińakʼkangea. E Solomon, ona gelbar keji rupạ do amakʼge tahenma, menkhan bar keji tala do onko lạgitʼge okoe do joko horho kan.

Ibriko 8:9

Misor disạm khon onkoren hapṛamko ti sapʼkateń oḍok ạguko jokhecʼ onko lạgitʼ oka bondobos iń doholetʼ tahẽkan, ona leka noa nãwã bondobos do baṅ hoyokʼa. Ińakʼ ona bondobos leka bako calaolente onko secʼ do bạń beṅgetʼ ruạṛeda.” Probhu Isor do noa kathae meneda.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Genesis 17:9

Isor do Abraham arhõe metadea, “Noa bondobos do amakʼ okaṭakʼ cekae reakʼ menakʼ ona do noage: Am ar amren sanam hoponko piṛhike piṛhi noa bondobosko manao idiya.

Exodus 6:7

Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Exodus 8:22

Menkhan enhilokʼ do Gosen disạmiń begara, ente onḍe do ińren hoṛko girobasokʼ kana. Onḍe do jãhãn kãṛa loṭocʼge bako tahena. Ar onatepe baḍae daṛeakʼa, iń Probhu Isorge noa disạmre minạńa.

Dosar Biboron 28:9

“Aperen Probhu Isorakʼ kathakope manao arpe ganao ar uniyakʼ hortepe taṛam enḍekhan uni do acʼakʼ gokʼakʼ lekate, acʼren begar akan jạtrenko lekateye teṅgo rakapʼpea.

1 Bõsbudạ 17:22

Amren hoṛ Israelko do jaejug amren hoṛem hoyocoakatʼkoa, ar am do, E Probhu Isor, onkoren Isorem hoyakana.

Jeheskel 16:8

“ ‘Iń do am aṛeteń parom calakʼkan tahẽkanre am secʼ beṅgetʼkateń ńelkeda, amakʼ do dulạṛokʼ reakʼ okte hoyakantama; ona iạte ińakʼ kicricʼ reakʼ hĩs am cetanreń dapalketʼte amakʼ uluṅiń esetʼketʼtama. Iń do am ṭheniń kiriạyena ar am tulucʼ baplakʼ reakʼ iń bondoboskeda, ar onate ińrenem hoyena.

Amos 3:2

“Dhạrtiren sanam jạtrenko tala khon iń do eken apegeń bachao akatʼpea; ar onate apeakʼ sanam kại iạte apegeń sạjạipea.”

Amos 6:1

Hae ape do! Ape do Sionre nicindpe tahenkana ar Samariạ buru do khạtirjomape hudisetʼkana. Ape do sanam khon maraṅ jạt Israelren namḍak hoṛ kanape ar ape ṭhenge Israelren hoṛ doko hijukʼkana.

Levitikus 20:24

Iń doń metatʼpe tahẽkana, onkoakʼ disạm do apeakʼge hoyokʼa. Iń do toa, dumur rasa ạtukʼkan ona disạmge ạidạri menkateń emapea. Iń kangeạń aperen Probhu Isor do. Ińge eṭakʼ sanam jạtrenko khoniń begar dohoakatʼpea.

Dosar Biboron 9:29

Menkhan noko do amren hoṛkangeako, amakʼ sompottige okoe do amakʼ daṛeanakʼ ti tiạrkatem oḍok ạguakatʼko.’

Dosar Biboron 26:19

Uni doe lại sodoretʼkana, sarhao, man ar sabasi secʼte sirjạuren sanam jạtrenko cetanre uni doe dohopeya ar aperen Isor Probhu Isorakʼ gokʼakʼ lekate apege uni ńutumte begar akan jạtrenpe hoyokʼa.”

Jobakʼ 41:3

Uni do cetʼ am ṭhen dayae khoj boteja? Ar am tulucʼ cetʼ luhum suhume galmaraokea?

Jirimiạ 13:11

Hoṛko cetʼleka ḍanḍare jhaṅgako horog onkage iń do goṭa Israel ar Jihudạren sanam hoṛko ińreń jalatʼ ocoletʼkoa, jemon onko do ińakʼ ńutumko sarhaotiń arko manotiń ar ińren hoṛko hoyokʼ, menkhan onko do ińakʼ katha bako ańjomleda.