Exodus 19:3 - সান্তালী বাইবেল

³ Mose do burute Isor ṭhene rakapʼena. Ona jokhecʼ Probhu Isor do buru cetan khon hohoadeteye menkeda, “Am do Jakob bõsren Israelkom metakoa,

Exodus 19:3 Referans Kwoze

Exodus 3:4

Mose do ona jạnum jhạuạ ńel lạgitʼe sen sorokʼkan tahẽkanre Probhu Isor do ona jạnum jhạuạ tala khone menkeda, “E Mose, E Mose.” Moseye menkeda, “Minạńgea.”

Aposkạmi 7:38

Nui Mosege hahaṅkarre Israelkoren ona dol modre aboren hapṛamko sãoteye tahẽkana. Ar okoeṭakʼ serma goḍet do sinại burure kathae roṛletʼ tahẽkan, onḍe do nui Mosege serma goḍet sãoteye tahẽkana. Ar abo emabon lạgitʼ jiwetʼ kathako do nui Mosege onḍeye ńamleda.

Exodus 20:21

Hoṛko do sạṅgińreko teṅgo tahẽyena ar Mose do Isor ṭhen ona dhund rimil secʼe rakapʼ calaoena.

Exodus 34:2

Am do gapa setakʼre sapṛaokate sinại burute rakapʼ hijukʼme. Iń do onḍe buru muthnire am samaṅreń hạjirokʼa.

Exodus 3:12

Isore menkeda, “Ińge am sãoteń tahena. Am do Misor khon hoṛkom oḍok ạgukoa ar ape do noa burure ińpe sewawạńạ. Ar ińiń koletʼme noage uni ṭhen amakʼ cinhạ do hoyokʼa.”

Levitikus 1:1

Mitʼdin Probhu Isor do ńapamokʼ tạmbu khon Moseye hohoadea ar Israelko lạiyako lạgitʼe hukumadea, “Ape modre Probhu Isor ńutumte jãhãe jãhãnakʼ samaṅokʼakʼ lekate emogokʼ reakʼe menetʼ khan uni do mitʼṭen janware ạguyema; ar uni do jemon ḍaṅgra se bheḍa se meromge baṛeye hoyokʼma.

Exodus 19:20

Probhu Isor do Sinại buru coṭreye pheḍ hecʼente Moseye hohoadea ar Mose do buru coṭteye rakapʼena.

Exodus 24:12

Ona tayom Probhu Isor do Moseye metadea, “Am do buru cetanre iń ṭhen rakapʼ hijukʼme ar thoṛa okte hạbicʼ iń ṭhen tahenme. Iń do hoṛko cetʼako lạgitʼ dhiri cạktireń olakatʼ ạn-ạri ar hukumkoń emama.”

Exodus 24:13

Noa katha ańjomkate Mose do acʼren gokʼṛoyicʼ Josuại soṅgekedea are mohnḍayena. Ar ona tayom uni do Isorakʼ buruteye rakapʼena.

Exodus 34:4

Mose do unre pạhilakʼ dhiri cạktikin leka arhõ barea dhiri cạktiye benaokeda ar Probhu Isorakʼ hukum leka ạḍi setakʼre sinại buruteye rakapʼ calaoena. Ar dhiri cạktikine sapʼ torakeda.