Exodus 19:19 - সান্তালী বাইবেল

¹⁹ Ar sakwa reakʼ saḍe do arhõ murukte saḍekʼ ehopʼena. Unre Mose do Isor sãote kathae roṛkeda ar Isor hõ ãṭ aṛaṅteye roṛ ruạṛadea.

Exodus 19:19 Referans Kwoze

Sereńko 81:7

Muhinrem paṛaoente ińem hohoạdińa ar iń doń bańcaoketʼmea; ar huḍur saḍe reakʼ danaṅ khoniń roṛ ruạṛatʼmea; ar Meriba reakʼ dakʼ ṭheniń biḍạuketʼmea. (Sela)

Exodus 19:16

Ado tesar hilokʼ setakʼ jokhecʼ huḍur ar bijli malkaokʼ ehopʼena ar buru cetanre mitʼṭecʼ hende rimil ńelena. Ona chaḍa ạḍi murukte sakwa saḍeyena. Noako ńel ar ańjomte ḍeraren sanam hoṛ doko thar tharaoena.

Ibriko 12:21

Okaṭakʼ ńellen tahẽkan ona do nunạkʼ botoranakʼ tahẽkana je, Moseye menleda, “Iń do botorteń thar tharaokʼ kana.”

Nehemiạ 9:13

“Am do Sinại buru cetanrem pheḍ hecʼlena ar serma khon onko sãote katham roṛleda. Ona jokhecʼ am do dhorom reakʼ hukum, ṭhikakʼ ạn-ạriko, bhage niạmko ar hukumkom ematʼko tahẽkana.

Exodus 19:13

Ar uniyakʼ hoṛmore ti tul baṅkate dhirite tiń goje hoyokʼa ar baṅkhan ạ̃pạ̃ṛite tuń goje hoyokʼa. Manwa se ḍaṅgra uni do jiwetʼ baṅ dohoye hoyokʼa. Eken sakwa oroṅ tayom onko do buru ṭhenko hecʼ daṛeakʼa.”

Ibriko 12:19

Okoe ona kathako ańjomletʼ tahẽkan onko do nehõrkateko menleda jemon onko ṭhen ar cetʼge alo roṛogokʼ,

Dosar Biboron 4:36

Uni do acʼakʼ ḍanṭao tabere ạgupe lạgitʼ serma khon acʼakʼ aṛaṅe ańjom ocoletʼpea ar ape do dhạrtire uniyakʼ ṭhonok reakʼ seṅgel, ar ona seṅgel tala khon uniyakʼ aṛaṅpe ańjomleda.

Numeri 12:8

Iń do uni tulucʼ samna sạmni kathań roṛeda, jãhãn kukmũ talate do baṅ. Probhu Isor oka lekae ńel ocokʼ uni do onkae ńeleńkana. Inạ tayom hõ ińren golam Mose upạrte katha roroṛ do baben botorlena?”

Dosar Biboron 5:22

“Probhu Isor do noako hukum ona buru cetanre seṅgel, rimil ar kaṛaṅ ńut khon sanamko ṭhen ãṭ aṛaṅteye sodorleda. Ona chaḍa uni do ape ṭhen ar jãhãnakʼ bae menleda. Tayomte uni do barea dhiri reakʼ paṭare onako olkate ińe emadińạ.