Exodus 19:17 - সান্তালী বাইবেল

¹⁷ Unre Isor samaṅre senokʼ lạgitʼ Mose do ḍera khon hoṛkoe oḍok idiketʼkoa. Ar hoṛko do buru ṭhen senkateko teṅgoyena.

Exodus 19:17 Referans Kwoze

Dosar Biboron 4:10

Ar enhilokʼ reakʼ katha monre disạ dohokakʼpe oka hilokʼ Horeb burure Probhu Isor samaṅrepe hạjirlen. Enhilokʼ uni do ińe metadiń tahẽkana, ‘ińakʼ katha ańjom lạgitʼ hoṛko iń samaṅre jarwakom jemon onko do niạ dhạrtire jiwetʼ jonom ińgeko sewawạń ar onkoren hoponko hõ ińakʼ hukum reakʼko cetʼako.’

Dosar Biboron 5:5

Unre seṅgel botorte buru coṭte bape rakapʼlente iń do Probhu Isor ar ape talare teṅgokate uniyakʼ katha ape ṭheniń sodorleda. Unre Probhu Isor doe menleda,

Aposkạmi 7:38

Nui Mosege hahaṅkarre Israelkoren ona dol modre aboren hapṛamko sãoteye tahẽkana. Ar okoeṭakʼ serma goḍet do sinại burure kathae roṛletʼ tahẽkan, onḍe do nui Mosege serma goḍet sãoteye tahẽkana. Ar abo emabon lạgitʼ jiwetʼ kathako do nui Mosege onḍeye ńamleda.

Exodus 19:13

Ar uniyakʼ hoṛmore ti tul baṅkate dhirite tiń goje hoyokʼa ar baṅkhan ạ̃pạ̃ṛite tuń goje hoyokʼa. Manwa se ḍaṅgra uni do jiwetʼ baṅ dohoye hoyokʼa. Eken sakwa oroṅ tayom onko do buru ṭhenko hecʼ daṛeakʼa.”

Exodus 19:16

Ado tesar hilokʼ setakʼ jokhecʼ huḍur ar bijli malkaokʼ ehopʼena ar buru cetanre mitʼṭecʼ hende rimil ńelena. Ona chaḍa ạḍi murukte sakwa saḍeyena. Noako ńel ar ańjomte ḍeraren sanam hoṛ doko thar tharaoena.

Exodus 19:18

Ona tayom Sinại buru do dhũạte esetʼena, ente Probhu Isor do burure seṅgel tala khone pheḍ hecʼena. Bhaṭa khon cetʼleka dhũạ rakabokʼ ṭhik onkage rakabokʼ ehopʼena goṭa buru do dal dalaoena.

Levitikus 9:5

Onko do Moseyakʼ hukum leka ńapamokʼ tạmbu samaṅre jotowakʼ jinisko ạgukeda ar sanam Israelko do Probhu Isor samaṅreko teṅgoyena.

Dosar Biboron 4:11

Unre ape do ona buru latarre senkatepe teṅgolena; ar ńutte esetʼ akan buru ar dhundte perecʼ rimil do serma hạbicʼ jolokʼkan tahẽkana.