Exodus 19:15 - সান্তালী বাইবেল

¹⁵ Ona tayom Mose do onkoe metatʼkoa, “Tesar hilokʼ lạgitʼ sapṛaokʼpe. Ar niạ oktre okoe hõ aperen bạhu tulucʼ do alope giticʼmidokʼa.”

Exodus 19:15 Referans Kwoze

1 Korinthiko 7:5

Alope apan ạpinokʼa; menkhan solha mitʼkate koejoṅ lạgitʼ thoṛa din begarre tahẽ hataṛokʼpe; ona tayom do ar hõ mitʼ ruạṛokʼpe jemon apeakʼ bin sambṛaokʼ iạte Soetan aloe biḍạupe.

Joel 2:16

ar hoṛko jarwakate Isor ńutumte begar dohokope; murubbiko mitʼ jaegare hoho jarwakope, toa ńuńuko ar gidrạko hõ jarwakope. Jãwãe ar bạhu kuṛi do ạkinakʼ aṭetʼkin bạgi oṭowakʼma.

Mathae 24:44

Onate ape hõ sapṛao akan tahenpe, ente bape hudisetʼkan ghuṛirege Manwa Hopon doe hijukʼa.

Malaki 3:2

Menkhan uniyakʼ hijukʼ din do okoehõ bako sahao daṛeakʼa; uniye sodorlenre celege bako teṅgo ṭarhao daṛeakʼa; ente uni do rupạ biḍạu aṭkaricʼ seṅgelgeye hoyokʼa ar dhubiyakʼ sạbun leka hõ.

Sakariạ 7:3

Onko do phạdkoren Probhu Isorakʼ oṛakʼren naekeko ar nạbiko noa katha kuli lạgitʼko kolketʼkoa, “Unạkʼ bochor okalekale ceka ạguakatʼ onkage cetʼ mõṛẽakʼ candorele homor halaṅa arle upạsa?”

Sakariạ 6:3

Ar tesarakʼ rãt gạḍire do jotoge ponḍ sadomko tahẽkana ar ponakʼ rãt gạḍire do nana parkan roṅan sadomko tahẽkana; ar joto sadomge daṛegeko tahẽkana.

Amos 4:12

Onatege E Israel, iń do khạṭige am sãote nonkań beohara. Ona iạte E Israel, amren Isor samaṅre teṅgokʼ lạgitʼ ma sapṛaokʼme.”

Exodus 19:16

Ado tesar hilokʼ setakʼ jokhecʼ huḍur ar bijli malkaokʼ ehopʼena ar buru cetanre mitʼṭecʼ hende rimil ńelena. Ona chaḍa ạḍi murukte sakwa saḍeyena. Noako ńel ar ańjomte ḍeraren sanam hoṛ doko thar tharaoena.

Exodus 19:14

Inạ tayom Mose do buru khon pheḍ hecʼkate hoṛkoe sapha ocoketʼkoa ar hoṛko hõ akoakʼ kicricʼko saphaketʼtakoa.

1 Bõsbudạ 15:12

Uni do onkoe metatʼkoa, “Ape do Liwi gusṭikoren judạ judạ bõsren mukhiyạko kanape; ape ar aperen sãoten Liwiko do Isor ńutumte apnartetʼpe begar dohokʼa, jemon oka ṭhạ̃iyiń sapṛao dohoakatʼ ona ṭhạ̃ire Israelren Probhu Isorakʼ sinduk ạgukatepe doho daṛeakʼ.

Levitikus 15:18

Jãhãe herel hoṛ acʼren bạhutetʼ sãoteye giticʼmitʼlen khan ar herelteakʼ reakʼ itạ oḍoklentae khan unkin do bana hoṛge ḍạbrạ saphakʼ hoyokʼtạkina, ar ạyupʼ hạbicʼ besapha akankin tahena.