Exodus 19:14 - সান্তালী বাইবেল

¹⁴ Inạ tayom Mose do buru khon pheḍ hecʼkate hoṛkoe sapha ocoketʼkoa ar hoṛko hõ akoakʼ kicricʼko saphaketʼtakoa.

Exodus 19:14 Referans Kwoze

Exodus 19:10

Probhu Isor do Mose arhõe metadea, “Teheń ar gapa niạ bar din do hoṛko ṭhen senkate onkom saphakoa. Onko do jemon akoakʼ kicricʼ hõko saphaetako ar tesar hilokʼ lạgitʼ sapṛao akanko tahen, ente tesar hilokʼ iń Probhu Isor do sanam hoṛko samaṅre sinại burureń pheḍ hijukʼa.

Genesis 35:2

Unre Jakob do acʼren hoṛko ar sãoten eṭakʼ hoṛkoe metatʼkoa, “Ape ṭhen tinạkʼ boṅga murhutʼko menakʼko onko joto do giḍikakope ar apnar baṛe saphakʼpe ar apeakʼ kicricʼko bodoltape.

Exodus 19:13

Ar uniyakʼ hoṛmore ti tul baṅkate dhirite tiń goje hoyokʼa ar baṅkhan ạ̃pạ̃ṛite tuń goje hoyokʼa. Manwa se ḍaṅgra uni do jiwetʼ baṅ dohoye hoyokʼa. Eken sakwa oroṅ tayom onko do buru ṭhenko hecʼ daṛeakʼa.”

Exodus 19:15

Ona tayom Mose do onkoe metatʼkoa, “Tesar hilokʼ lạgitʼ sapṛaokʼpe. Ar niạ oktre okoe hõ aperen bạhu tulucʼ do alope giticʼmidokʼa.”

1 Samuel 21:5

Dạude menkeda, “Aleakʼ niạm lekate ale do sạrige jãhãe maejiu ṭhen bale boloakana. Lạṛhại phạdkoante tinre jãhãnakʼ kạmi lạgitʼ iń oḍokokʼ unre ińren lạṛhại phạdko do saphako tahena. Tobe teheń do ḍher sapha menakʼkoa.”

1 Bõsbudạ 15:12

Uni do onkoe metatʼkoa, “Ape do Liwi gusṭikoren judạ judạ bõsren mukhiyạko kanape; ape ar aperen sãoten Liwiko do Isor ńutumte apnartetʼpe begar dohokʼa, jemon oka ṭhạ̃iyiń sapṛao dohoakatʼ ona ṭhạ̃ire Israelren Probhu Isorakʼ sinduk ạgukatepe doho daṛeakʼ.