Exodus 19:12 - সান্তালী বাইবেল

¹² Hoṛko lạgitʼ buru goṭa beṛhaete am do mitʼṭecʼ simạnam ṭhik dohokakʼa arem sontorkoa, jemon buru cetante aloko rakabokʼ se buruhõ aloko joṭed. Ar okoe ona burui joṭeda uni do khạṭigeye gocʼ ocokʼa.

Exodus 19:12 Referans Kwoze

Josuạ 3:4

Ar onatepe bujhạu daṛeakʼa okaṭakʼ horte calakʼ hoyokʼtapea mente, ente noa lahare tisge noa horte do bape senakana. Menkhan ape do goha-sinduk khon bar hajar moka sạṅgińrepe tahena, ona sor do alope calakʼa.”

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

Dosar Biboron 2:4

Ona tayom uni do apeko metape lạgitʼe metadińạ, ‘ńitokʼ do aperen Seyirren boeha Esao bõsrenkoakʼ rajosṭi talate calakʼ hoyokʼtapea. Ape ńelte onko do botor caṛhaoakoa menkhan sontor akae tahenpe.

Exodus 34:12

Sontorokʼpe! Oka disạmpe bolo lạgidokʼkan ona disạmren hoṛko sãote cetʼge alope bondobosa; arpe onkae khan onko do ape talare jhampa lekako hoyokʼa.

Exodus 19:23

Mose do Probhu Isore roṛ ruạṛadea, “Menkhan hoṛko do Sinại buru cetante bako hecʼ daṛeakʼa. Amge coṅ ale mam sontor akatʼle, jemon buru beṛhaete simạnakoń bandhaote am lạgitʼ iń begar dohokakʼ.”

Exodus 19:21

Probhu Isor do Moseye metadea, “Am do latarte senkate hoṛkom sontorkoa jemon Probhu Isor ńele lạgitʼ simạna aloko parom. Arko onka lekhan ḍher hoṛgeko gujukʼa.

Exodus 10:28

Pharao do Moseye metadea, “Iń ṭhen khon pharakokʼme. Ar sontorokʼme! Ar tishõ iń samaṅre alom hijukʼa. Ar tisokʼ iń samaṅrem paṛaokʼa enhilokʼ do gujukʼ hoyokʼtama.”

Ibriko 12:18

Okaṭakʼ jolokʼkan buru joṭetʼ daṛekokʼ ona lekan buru ṭhen do bape hecʼakana. Ape do kaṛaṅ kucạṅ ńut ar birbão se jãhãn sakwa reakʼ saḍe ar katha reakʼ aṛaṅ ṭhen hõ bape hecʼakana.

Exodus 34:3

Ar am sãote okoehõ jemon aloko tahen se okoehõ burure aloko ńelokʼ, ar buru samaṅre dạṅgrako, bhiḍiko ar meromko hõ jemon aloko ạtiń.”

Exodus 24:2

Menkhan am do eskarge iń ṭhenem rakapʼ hijukʼa, ar eṭakʼko do aloko hijukʼma. Noko chaḍa eṭakʼ Israel hoponko jemon am sãote aloko rakapʼ hijukʼ.”