Exodus 18:7 - সান্তালী বাইবেল

⁷ Khobor ańjomkate Mose do acʼren hońhartetʼ sãote ńapamokʼ lạgitʼe oḍok hecʼena. Uni do hońhartetʼe ḍobokʼadea are cokʼadea. Ar boge judạkin kuliyante tạmbu bhitriteye aderkedea.

Exodus 18:7 Referans Kwoze

Genesis 29:13

Laban do acʼ misratren hopon Jakobakʼ hijukʼ reakʼ khobore ńamketʼ khan ńir oḍokente uni sãote ńapamokʼe calaoena. Ar hạṛupʼkedeteye cokʼ adea ar acʼakʼ oṛakʼteye ạgukedea. Unre Jakob do acʼakʼ joto katha Labane lạiyadea.

1 Rapajko 2:19

Ado Bethseba tinre Adoniạwakʼ katha lại lạgitʼ Solomon raj ṭhene senena unre raj doe beretʼente uniye joharadea ar ona tayom do acʼakʼ siṅghạsonreye duṛupʼena. Raj do acʼ eṅgat lạgitʼ mitʼṭecʼ duṛupʼakʼe ạgu ocoketʼte acʼakʼ jojomsa aṛereye dohokeda ar eṅgattetʼ do onareye duṛupʼena.

2 Samuel 11:7

Uriạ do Dạud ṭhene hecʼen khan Joab ar lạṛhại phạdko reaṅ boge judạ khobor ar lạṛhại cetʼleka calakʼ kana onae kulikedea.

Genesis 19:1

Enhilokʼge ạyupʼ jokhecʼ unkin serma goḍet do Sodom nagrahatekin seṭerena. Lot do unre nagraha reakʼ phaṭok duạr ṭhene duṛupʼ akan tahẽkana. Unkin ńelte uni doe beretʼena ar otre ombakʼkate ḍobokʼatʼkinteye menkeda,

Genesis 18:2

Ar unreye beṅgetʼ rakapʼketʼ khan, acʼ khon thoṛa sạṅgiń ńokʼre pe hoṛ teṅgo akane ńel ńamketʼkoa. Uni do onko ṭhene ńir senente otre ombakʼkateye joharatʼkoa ar ona tayom doe metatʼkoa, “Ńelpe, jãhãn osubida bạnukʼtape khan dayakate aperen guti khon do alope sahaṛokʼa.

Genesis 14:17

Kedarlaomer ar uni sãoten rajko bhagaokate Abram do tinreye ruạṛ hijukʼkan tahẽkana unre Sodomren raj do uni sãote ńapamokʼ lạgitʼ Sawe buru nalare, metakʼme rajakʼ buru nalareye oḍok hecʼena.

Aposkạmi 28:15

Onḍenko biswạsi boehako do aleakʼ hijukʼ reaṅko ańjom akatʼ tahẽkana. Ar horte ale sãote soṅgekʼ lạgitʼ onkoren adomko do Appius Haṭ, ar adomko do Pe Sạrại ato hạbicʼ ale daramko oḍok hecʼena. Khan noko hoṛko ńelte Pạul do Isore sarhaokedea ar acʼ hõ monre udgạue ńamkeda.

Aposkạmi 20:37

Ar manḍerren sanam mukhiyạko do Pạul hạṛupʼ kedeteko cokʼadea ar rarakʼko ehopʼena.

Luk 7:45

Am do cokʼ hõ bam cokʼ ạdińa, menkhan ińiń boloyen tayom khon uni do ińakʼ jaṅgae cokʼ ạtiń kana.

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

Bikʼcạrko 11:34

Jiptha do tinre Mispare acʼakʼ oṛakʼteye ruạṛ hecʼena unre darame lạgitʼ okoeye oḍok hecʼen uni do acʼren hoponerageye tahẽkana. Uni do tobla ru rute ar enecʼateye hijukʼkan tahẽkana. Uni do Jiptharen sadher hoponerae tahẽkana.

Numeri 22:36

Biliamakʼ hijukʼ reakʼ kathae ańjomketʼ khan Balak do daram ạguiye lạgitʼ Arnon gaḍa aṛere Moabrenkoakʼ nagrahateye oḍokʼ senena. Noa nagraha do acʼakʼ rajosṭi reakʼ ses simạna tahẽkana.

Genesis 46:29

Joseph do acʼren apat Israel tulucʼ ńapamokʼ lạgitʼ acʼakʼ rãt gạḍiye sapṛaoketʼte Gosenteye calaoena. Ar apattetʼ sãote ńapam torage uni do hoṭokʼre hạṛupʼkedete ạḍi ghạṛicʼe rakʼkeda.

Genesis 45:15

Ona tayom Joseph do acʼren boehakoe cokʼatʼkoa ar hạṛupʼketʼkoteye rakʼkeda. Unre uniren boehako do uni tulucʼko galmaraokeda.

Genesis 31:28

Aben do ạlińren goṛom gidrạko hõ baben cokʼ ocowatʼlińạ; ente lelha hoṛ lekaben kạmikeda.

Genesis 43:26

Ado Joseph oṛakʼteye hecʼena khan onko do akoakʼ ona dan oṛakʼ bhitriteko ạgukeda ar uniko emadete ombakʼkateko ḍobokʼadea.

Exodus 4:27

Inạ tayom Probhu Isor do Arone metadea, “Hahaṅkarre senkate am do Mose tulucʼ ńapamokʼme.” Unre uni doe calaoena ar Isorakʼ burure Moseye ńamkedea are cokʼadea.

Exodus 18:6

Noa lahare uni do Moseye roṛ gotʼade tahẽkana, “Ạliń do abenren hõńharben Jethro kana liń. Abenren bạhu ar abenren hoponkin soṅgekate aben ṭhen liń hijukʼkana.”

Exodus 33:7

Mose do Israelkoakʼ ḍera bahre sạṅgiń ńokʼre tạmbui ṭaṅgaoetʼkan tahẽkana ar ona do “Ńapamokʼ tạmbui metakʼkan tahẽkana.” Ar Probhu Isor ṭhen jãhãege jãhãnakʼe khoj enḍekhan uni do ńapamokʼ tạmbu ṭhene senokʼkan tahẽkana.

1 Samuel 17:18

ar niạ gel goṭecʼ ceṛa chale do hajar cetankoren subedarko lạgitʼ idime. Ar amren dadamteko cetʼleka menakʼkoa ona ńel ạguiyme ar onko ṭhen khon jãhãnakʼ cinhạ ạgu daraeme.

1 Samuel 17:22

Unre Dạud do acʼakʼ jinisko horhoicʼ ṭhen doho oṭokate lạṛhại phạdko talareye ńir boloyente dadatetʼtako boge judại kuli baṛeketʼkoa.