Exodus 18:4 - সান্তালী বাইবেল

⁴ Ar eṭakʼicʼ hopon do Eliasere ńutumledea (metakʼme “Isorge ińren gokʼṛoyicʼ ”) ente uniye menleda, “Iń babaren Isorgeye goṛo akawạdińạ. Ar unige lạṛhạire Pharaoakʼ ti khone bańcao akadińạ.”

Exodus 18:4 Referans Kwoze

Ibriko 13:6

Onate abo do dilkate bon men daṛeakʼa, Probhu Isor do ińren goṛoyicʼ, iń do bạń botorokʼa; manwa do cetʼko cekayińạ?

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Aposkạmi 12:11

Unre Patras do disạ ạcurenteye menkeda, “Ńitokʼ do sạrigeń bujhạu daṛeakʼ kana, Probhu Isorge acʼren goḍete kolkedete Herodakʼ ti ar Jihudikoakʼ sanam bạṛicʼ phorphundi khone bańcao akadińạ.”

Daniel 6:22

Ińren Isor do acʼren dutkoe kolketʼkote dhạcri kulkoakʼ mocae bondketʼtakoa. Onko do bako ghạl akadińạ, ente Isorakʼ mẽtʼãhãre bin dusạniń tahẽkana. E maharaj, am ṭhen hõ jãhãnakʼ do bạń dosakada.”

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

Sereńko 34:4

Iń do Probhu Isoriń hohowadea, uni doe ańjomketʼtińạ; ar ińakʼ sanam botor khon uni doe bańcaokedińa.

Sereńko 18:48

Uni do bạirikoakʼ ti khone rukhiyạ edeńkana. E Isor, am do bạiriko khonem usul akadińạ. Ar jor julumkan hoṛko khon amgem rukhiyạ akadińạ.

Sereńko 18:1

E Probhu Isor, am kangeam ińakʼ daṛe, ar iń do amgeń dulạṛetʼmea.

1 Bõsbudạ 23:15

Moseren hoponko doko hoyokʼkana Gersam ar Eliaser.

Exodus 2:15

Pharao noa kathae ańjomketʼ khan Mose goje lạgitʼe kurumuṭukeda. Menkhan Mose do Pharao ṭhen khone dạṛketʼte Midiạn disạmteye calaoena. Ar onḍe senkate uni do mitʼṭecʼ kuń aṛereye duṛupʼena.

Aposkạmi 7:29

Ado Mose noa kathae ańjomketʼ khan Midiạn disạmteye dạṛkeda ar onḍegeye berelena. Ar onḍege uni do barea koṛa gidrại gidrạwana.

Ibriko 11:34

ar jolokʼ seṅgel reakʼ daṛeko nimbhạuleda, tarwaṛe khonko rukhiyạlena, nijor khonko daṛe ocolena, lạṛhạire daṛeko udukʼleda ar bidisiạ palṭonkoko laga ńirletʼkoa.

Genesis 49:25

Am apatren Isor do ame goṛowama. Sanam daṛean Isor do serma khone bhorama ar ot latar khon jharna reakʼ ạsirbade emama. Ar maejiuakʼ kukhire gidrại emokʼte uniyakʼ toa reakʼ bhorte uni do ame bhorama.

Exodus 2:22

Silpạren mitʼṭen koṛa gidrại hoyen khan Mose do uniyakʼ ńutum Gerseme dohoketʼtaea, ente uni doe menkeda, “Iń do upriạ hoṛiń hoyakana.”

Exodus 4:20

Unre Mose do acʼren bạhu ar gidrạko gadhareye decʼketʼkote Misor disạmteye ruạṛ calaoena. Ar Isorakʼ ona ṭheṅga hõe iditorakeda.

1 Bõsbudạ 23:17

Eliyesorren bõsko modre Rohobiạ do mukhiyại tahẽkana. Eliyeserren do cele hoponge bako tahẽkantaea, menkhan Rohobiyạren hoponkoakʼ lekha do ạḍi utạr tahẽkana.

Exodus 10:28

Pharao do Moseye metadea, “Iń ṭhen khon pharakokʼme. Ar sontorokʼme! Ar tishõ iń samaṅre alom hijukʼa. Ar tisokʼ iń samaṅrem paṛaokʼa enhilokʼ do gujukʼ hoyokʼtama.”