Exodus 18:14 - সান্তালী বাইবেল

¹⁴ Hoṛko sãote Mose nonkae ńelkede khan acʼren hońhartetʼe menkeda, “Aben do hoṛko sãote noa do cetʼ ben ceka kana? Aben do cedakʼ eskar doben bicạreda, ar cedakʼ hoṛko do setakʼ khon ạyupʼ hạbicʼ aben beṛhaeteko teṅgo akana?”

Exodus 18:14 Referans Kwoze

Exodus 18:13

Dosar hilokʼ Mose do hoṛko bicạrkatako lạgitʼe duṛupʼena. Ar hoṛko do setakʼ khon ạyupʼ hạbicʼ Mose samaṅre teṅgo akanko tahẽyena.

Exodus 18:15

Mose do hońhartetʼe roṛ ruạṛadea, “Isorakʼ sana baḍae lạgitʼge hoṛko do ạliń ṭhenko hijukʼ kana.

Exodus 18:26

Onko do jao ghuṛi hoṛkoakʼko bicạretʼkan tahẽkana. Ar muskilakʼ bicạrko do Mose ṭhenko ạguyetʼ tahẽkana, menkhan huḍińakʼ bicạrko do akogeko bicạr chinḍạuetʼtako tahẽkana.

Numeri 15:34

Menkhan nonkan hoṛ do cetʼ cekaye hoyokʼa ona reaṅ jãhãnakʼ baṅ men akante uni doko bondi dohokadea.

Bikʼcạrko 1:16

Mose hońhartetʼren hoponko, okoe do Kanani jạtrenko tahẽkan, onko do khijur-nagraha khon oḍok hecʼkate Arad ṭoṭha reakʼ dạkhin Jihudạ gusṭirenkoakʼ hahaṅkar ṭoṭhateko calaoena ar onḍenko hoṛ sãote girobasokʼko ehopʼena.

2 Samuel 15:2

Ar Absalom do ạḍi setakʼre beretʼkate nagraha reakʼ phaṭok-duạr secʼ calakʼ hor aṛereye teṅgokʼ kan tahẽkana. Unre jãhãege jãhãn mambla iạte raj ṭhen bicạr lạgitʼe hijukʼre Absalom do hohokate uniye kuliyede tahẽkana, “Am do okaṭakʼ atoren kanam?” Uni hoṛ doe menetʼ tahẽkana, “Iń amren guti do Israelren hana se noa gusṭiren hoṛ kạnạń.”