Exodus 18:12 - সান্তালী বাইবেল

¹² Inạ tayom Jethro do Isor ńutumte jeredokʼ samaṅokʼakʼ ar eṭakʼ dãṛẽko lạgitʼ janwarkoe ạguketʼkoa. Ar ona tayom Aron ar Israelren sanam murubbiko do Isor samaṅre Moseren hońhartetʼ sãote jojomko duṛupʼena.

Exodus 18:12 Referans Kwoze

Dosar Biboron 12:7

Onḍege aperen Probhu Isor samaṅre apeakʼ gharońjrenko salakʼpe jom ńũiya ar uniyakʼ bhor iạtepe ńamakatʼ apeakʼ khaṭao akan reakʼ kuṛại iạtepe rạskạkʼa.

Genesis 31:54

Niạ tayom Jakob do ona burure dãṛẽye samaṅkeda ar peṛa-pạrbhạko jom-ńũ lạgitʼe goṛoatʼkoa. Arko jom-ńũketʼ khan ona bururegeko tahẽ aṅgayena.

Exodus 24:11

Israelkoren noko mukhiyạko do Isorko ńelkedere hõ bako gocʼlena. Onko do uniko ńelkedea arko jom ńũkeda.

Exodus 24:5

Ona tayom uni do mitʼbar Israel juạnkoe kolketʼkoa ar onko do Probhu Isor ńutumte jeredokʼ samaṅokʼ reakʼko porobena ar sulukren samaṅokʼakʼ lekate aema ḍaṅgrako dãṛẽketʼkoa.

1 Korinthiko 10:31

Onate ape do jãhãnakʼgepe jom-ńũi ar jãhãnakʼgepe cekae, jotowakʼge Isorakʼ ṭhonokʼ lạgitʼ kạmipe.

1 Korinthiko 10:21

Probhu Isorakʼ bạṭi khon ar bạṛicʼ jiukoakʼ bạṭi khon, noa banar khon do baṅgepe jom daṛeakʼa. Probhu Isorakʼ mej cetanre ar bạṛicʼ jiukoakʼ mej cetanre oka menakʼ ona banar reakʼ bakhra do ohogepe jom daṛelea.

1 Korinthiko 10:18

Israel jạtrenko beṅgetʼakope. Onko modre okoe teṅgenakʼko jometʼkan onko do cetʼ ona pinḍ reakʼ jotoge bako bakhra joṅkana?

Luk 14:15

Ado jojom duṛupʼ akanko modren mitʼ hoṛ do noa katha ańjomkate Jisui metadea, “Okoe Isorakʼ rajre jojome duṛubokʼ uni doe bhạgangea.”

Luk 14:1

Mitʼ jirạukʼ mãhãre Jisu do Phạrusikoren mitʼṭen mukhiyạ hoṛakʼ oṛakʼte jom lạgitʼe calaoena. Unre Phạrusiko do Jisu mońjteko tạnkhiyede tahẽkana.

Daniel 10:3

Ona pe hapta ạuri mucạdokʼ hạbicʼ jãhãn bhage jomakʼ do bạń jomleda, jel se darkha rasa hõ bạń cakha ạikạuleda ar sunum hõ bạń ojokʼana.

Jobakʼ 42:11

Uniren boeha ar miserako okoe do laha khonko orom akade tahẽkan onko sanamkoge uniyakʼ oṛakʼre hecʼkateko jom ńukeda. Ar Probhu Isor do uni cetanre okako duke ạguketʼ ona lạgitʼ jiwi raṛecʼko emadea. Onko do mimitʼ hoṛ thoṛa thuṛi ṭaka poesa ar mimitʼ goṭecʼ sona mundạmko emadea.

Jobakʼ 42:8

Onate ńitokʼ eae goṭen ḍaṅgra ar eae goṭen bheḍa ạgukate ińren guti Job ṭhen senokʼpe ar apnar lạgitʼ jeredokʼ samaṅokʼakʼ samaṅpe. Ińren guti Job do ape lạgitʼe koejoṅa ar iń do onań ataṅtaea, apeakʼ lelhatetʼ leka jo do bạń emapea.”

Jobakʼ 1:5

Onkoakʼ bhoj reakʼ dinko sạtlen khan Job do onko hoho ạgukateye sonotetʼko tahẽkana. Uni do setakʼre onko lạgitʼ mimitʼ goṭenkate jeredokʼ samaṅokʼakʼ porobe hoeocoyetʼ tahẽkana. Uni doe hudisetʼ tahẽkana, “Ińren hopon ar hoponerako do pasecʼko kại akada ar mone monete Isorko henosta akadea.” Job do nonka jaogeye kạmikan tahẽkana.

2 Bõsbudạ 30:22

Probhu Isorakʼ sewa kạmire okoe Liwiko do gạkhuṛko tahẽkan Hiskiạ do onkoe udgạuketʼkoa. Onko do sulukren samaṅokʼakʼ porobko porobente eae din hạbicʼko jom-ńũkeda ar onkoren hapṛamkoren Probhu Isorko sarhaokedea.

2 Samuel 9:7

Dạud do uniye metadea, “Alom botorokʼa. Iń do amren ạpum Jonathan khạtirte khạṭige dayań udukʼama. Amren goṛomme haṛam Sạulakʼ sanamakʼ jaega jumiń ruạṛama, ar am do jao ghuṛi ińakʼ ṭebilrem jom ńũiya.”

Dosar Biboron 27:7

Onḍe do sulukren samaṅokʼakʼ porob hõpe porobokʼa ar samaṅokʼakʼ jinisko jomkate aperen Probhu Isor samaṅrepe rạskạkʼa.

Exodus 2:20

Uni do acʼren hoponerakoe kuliketʼkoa, “Uni hoṛ do okare menaea? Ar cedakʼpe bạgi oṭoadea? Do hohoaepe ar thoṛa jom ocoyepe.”

Genesis 43:25

Ar tikin jokhecʼ Josephakʼ hijukʼ iạte onko do akoakʼ danko dohokeda. Enteko ańjomakatʼ tahẽkana onko do onḍegeko jom-ńũiya mente.

Genesis 26:25

Unre Isahak do onḍe mitʼṭecʼ pinḍe benaokeda ar Probhu Isore sewawadea. Onḍege uni doe ḍerayena ar acʼren gutiko mitʼṭecʼ kuńko lakeda.

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

Genesis 8:20

Ona tayom Noha do Probhu Isor ńutumte mitʼṭecʼ pinḍe benaokeda ar mimitʼ jạtren sapha janwarko ar cẽṛẽko khon hataokate pinḍ cetanreye dãṛẽketʼkoa.

Genesis 4:4

Ar Habel hõ acʼren bhiḍi palko khon pạhil janam akan bheḍako ạgukate onkoakʼ itil reakʼ hĩskoe samaṅkeda. Probhu Isor do Habelakʼ samaṅokʼakʼe ataṅkeda,

Exodus 2:16

Onḍenicʼ Midiạn naekeren do eae goṭen hoponerako tahẽkantaea. Onko do apattetʼren bhiḍiko dakʼ ńũako lạgitʼ dakʼ lo rakapʼkate gamlareko dul perecʼetʼ tahẽkana.

Exodus 3:1

Mitʼ din Mose do acʼren hońhartetʼ Jethro, metakʼme Ruelren bhiḍi-meromkoe gupiyetʼko tahẽkana. Jethro do Midiankoren mitʼṭen naekeye tahẽkana. Mose do hahaṅkar hanasate bhiḍi-meromko gupi gupite Isorakʼ Horeb buruteye seṭerketʼkoa.

Exodus 18:13

Dosar hilokʼ Mose do hoṛko bicạrkatako lạgitʼe duṛupʼena. Ar hoṛko do setakʼ khon ạyupʼ hạbicʼ Mose samaṅre teṅgo akanko tahẽyena.

Exodus 20:24

Ape do iń lạgitʼ hasa reakʼ mitʼṭecʼ pinḍ benaope, ar ona cetanre jeredokʼ samaṅokʼakʼ dãṛẽ ar sulukren samaṅokʼakʼ ḍaṅgra, merom ar bheḍa samaṅkope. Ar okako ṭhạ̃ire ińakʼ ńutum disại lạgitʼ iń bondobos ona jaegare hecʼkate apeń bhorapea.

Exodus 33:7

Mose do Israelkoakʼ ḍera bahre sạṅgiń ńokʼre tạmbui ṭaṅgaoetʼkan tahẽkana ar ona do “Ńapamokʼ tạmbui metakʼkan tahẽkana.” Ar Probhu Isor ṭhen jãhãege jãhãnakʼe khoj enḍekhan uni do ńapamokʼ tạmbu ṭhene senokʼkan tahẽkana.

Numeri 10:29

Inạ tayom Mose do acʼren hońhartetʼ Reuelren hopon Hobabe metadea, “Probhu Isor okaṭakʼ disạm emale lạgitʼe gokʼ akawatʼle ale do ona disạm secʼle mohnḍakʼkana. Onate abenhõ ale sãote dela hijukʼ ben. Ale do abenle bhạlại bena, ente Probhu Isor do Israelrenkoe bhạlạikoa menteye gokʼakada.”

Genesis 26:30

Noa tayom Isahak do onko lạgitʼ bhoje sapṛaokeda, arko jom ńũwana.