Exodus 18:1 - সান্তালী বাইবেল

¹ Isor do acʼren hoṛ Israelko ar Mose lạgitʼ okae ceka akatʼ ona jotowakʼge Moseren hońhartetʼ Midionren naeke Jethrowakʼ luturre senakan tahẽkana. Ar Mose okalekate Misor disạm khon Israelkoe oḍok ạguketʼko ona hõe ańjomkeda.

Exodus 18:1 Referans Kwoze

Exodus 3:1

Mitʼ din Mose do acʼren hońhartetʼ Jethro, metakʼme Ruelren bhiḍi-meromkoe gupiyetʼko tahẽkana. Jethro do Midiankoren mitʼṭen naekeye tahẽkana. Mose do hahaṅkar hanasate bhiḍi-meromko gupi gupite Isorakʼ Horeb buruteye seṭerketʼkoa.

Exodus 2:16

Onḍenicʼ Midiạn naekeren do eae goṭen hoponerako tahẽkantaea. Onko do apattetʼren bhiḍiko dakʼ ńũako lạgitʼ dakʼ lo rakapʼkate gamlareko dul perecʼetʼ tahẽkana.

Aposkạmi 14:27

Ado Antiokiạtekin seṭeren khan unkin do manḍerren sanamko mitʼ ṭhenkin jarwaketʼkoa ar Isor ạkin hotete okakoe kạmiketʼ ona sanamakʼ kin lạiyatʼkoa. Ar cetʼlekate Isor do boṅgan hoṛ jạtrenko Mạsire biswạs reakʼ duạre jhicʼ akawatʼko ona reakʼ hõkin lạiyatʼkoa.

Sakariạ 8:23

Ona jokhecʼ aema pạrsi ar jạtkoren gel goṭen hoṛ do mitʼṭen Jihudi hoṛakʼ kicricʼ ańcar sapʼkateko mena, ‘ale hõ ape sãotele calakʼa, ente alele ańjom akada, Isor do ape sãorege menaea.’ Iń phạdkoren Probhu Isorge noa katha doń meneda.”

Sereńko 106:2

Probhu Isorakʼ bhage kạmi reakʼ do okoe haleye lại daṛekea? Uniyakʼ joto sarhao do okoeye ańjom ocoketaea?

Sereńko 105:43

Rạskạ ar rạskạ sereń sãote acʼren bachao akan hoṛko uni doe oḍok ạguketʼkoa.

Sereńko 78:4

Onkoren bõsko ṭhen ona do babon oko dohokakʼa; abo do tayom piṛhirenko ṭhen Probhu Isorakʼ sarhaoanakʼ kạmi reakʼ katha bon lạiya; ar uniyakʼ daṛe reakʼ katha ar uni okako hahaṛa kạmiye kạmiakatʼ ona reakʼ katha hõ bon lạiya.

Sereńko 44:1

E Isor, sedaere aleren hapṛamko oktere okaṭakʼem cekaletʼ onko reaṅ katha ale do apnarakʼ luturtele ańjomleda.

Sereńko 34:2

Iń do Probhu Isor iạteń gorbokʼ kana; ar ona ańjomte nindhạnko doko rạskạkʼ kana.

Josuạ 9:9

Onkoko roṛ ruạṛkeda, “Amren Probhu Isorakʼ ńutum ańjomkate amren golamko do ạḍi sạṅgiń khonle hecʼ akana. Misor disạmre uni okae cekaletʼ ona reakʼ sombat hõle baḍae akada.

Josuạ 2:10

Misor disạm khon oḍok hecʼen tayom Probhu Isor cetʼleka arakʼ doreão reakʼ dakʼ ape samaṅ khone ańjetʼ ocoletʼ ona hõle ańjomakada. Sihon ar Og ńutuman jordan gaḍa purub secʼren Amorikoren barea rajakʼ oka dosape hoyoco akatʼ tạkin ona hõle ańjom akatʼa.

Romiko lạgitʼ Pạul Apostolakʼ ciṭhi 15:18

Iń hotete Mạsi okaṭakʼe kạmiakatʼ ona bahre jãhãn katha roṛ do ohoń dil daṛekea. Unige ińakʼ katha ar kạmite, hahaṛa kạmi ar cinhạko hotete ar sonot Jiu reakʼ daṛete boṅgan hoṛ jạtrenko do Isorreye tabe ocoakatʼkoa. Onate iń do Jerusalem khon ehopʼkate Illurikum hạbicʼ sanam jaegare Mạsiyakʼ bhage sombat purạteń lại jạhirakada.

Aposkạmi 15:12

Unre bạisiren sanamko doko thir hapeyena ar Pạul ar Barnabas hotete boṅgan hoṛ jạtrenko talare Isor do okako hahaṛa kạmiye kạmi akatʼ ona unkinakʼ moca khon ańjomko ehopʼena.

Jirimiạ 33:9

Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.

Sereńko 105:5

E uniren golam Abrahamren bõsko, uniren bachao akan Jakobren hoponko, ape do uniyakʼ maraṅ kạmi reakʼ kathako baṛe disạ dohoype; uniyakʼ hahaṛa kạmiko reakʼ katha ar bicạrre oka sạjại reakʼ kathae menetʼ ona disạ dohokakʼpe.

Bikʼcạrko 4:11

Ar Herob ńutuman mitʼṭen Kenani hoṛ do eṭakʼ Kenaniko, metakʼme Mose hońhartetʼ bõsrenko bạgikate Kedes ṭhen Sananim reakʼ elon dare sorre tạmbui beretʼ akatʼ tahẽkana.

Numeri 10:29

Inạ tayom Mose do acʼren hońhartetʼ Reuelren hopon Hobabe metadea, “Probhu Isor okaṭakʼ disạm emale lạgitʼe gokʼ akawatʼle ale do ona disạm secʼle mohnḍakʼkana. Onate abenhõ ale sãote dela hijukʼ ben. Ale do abenle bhạlại bena, ente Probhu Isor do Israelrenkoe bhạlạikoa menteye gokʼakada.”

Exodus 4:18

Noa tayom Mose do acʼren hońhartetʼ Jethro ṭhen ruạṛ senkateye metadea, “Misor disạmre ińren peṛa pạrbhạko ṭhen ruạṛ sen ocoạliń ben. Ạliń do senkate liń ńelkoa ńit hõ jiwetʼ menakʼkoa se baṅa.” Jethro do Moseye metadea, “Ṭhikgea Do calakʼben, ar abenakʼ bhạlạiy hoyokʼ taben ma.”

Exodus 2:21

Mose do uni naeke ṭhen tahen lạgitʼe rạjiyena ar naeke do Mose tulucʼ acʼren hoponera Silpại baplakadea.

Exodus 2:18

Ado onko kuṛiko akoren apattetʼ ṭhenko ruạṛen khan uni doe kuliketʼkoa, “Teheń do cekate unạkʼ usạrape ruạṛ hecʼena?”

Exodus 6:6

Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Bikʼcạrko 1:16

Mose hońhartetʼren hoponko, okoe do Kanani jạtrenko tahẽkan, onko do khijur-nagraha khon oḍok hecʼkate Arad ṭoṭha reakʼ dạkhin Jihudạ gusṭirenkoakʼ hahaṅkar ṭoṭhateko calaoena ar onḍenko hoṛ sãote girobasokʼko ehopʼena.