Exodus 17:7 - সান্তালী বাইবেল

⁷ Hoṛko noa Rephidimreko jhogṛalente ar noako roṛletʼte, “Probhu Isor do abo sãore menaea, se baṅa?” Ona iạte Mose do noa jaega reakʼ ńutum Masa (metakʼme “biḍạu”) ar Meriba (metakʼme “jhogṛae”) dohokeda.

Exodus 17:7 Referans Kwoze

Sereńko 81:7

Muhinrem paṛaoente ińem hohoạdińa ar iń doń bańcaoketʼmea; ar huḍur saḍe reakʼ danaṅ khoniń roṛ ruạṛatʼmea; ar Meriba reakʼ dakʼ ṭheniń biḍạuketʼmea. (Sela)

Sereńko 95:8

Uniye men akada, “Aperen hapṛamko leka apeakʼ ontor do alope keṭejtapea; onko do hahaṅkarre Meribare ar Massa ṭhen ińko biḍạuledińa. Aperen hapṛamko do ińko ńelakadeńre hõ enhõ onko do onḍeko biḍạu aṭkarledińa.

Numeri 20:13

Ar ona dakʼ do Meribako metatʼa (metakʼme, “Jhogṛa”). Nonḍe Israelko do Probhu Isor tulucʼko jhogṛayena ar Probhu Isor do nonḍege onko talare apnarakʼ sonottetʼe sodorkeda.

Dosar Biboron 9:22

“Ape do Taberare, Masare, Kibrotre, ar Hatawarehõ Probhu Isorakʼ edrepe rakapʼ ocoletʼtaea.

Exodus 17:2

Onate onko do Mose tulucʼ jhogṛayenteko metadea, “Ńũi lạgitʼ dakʼ emaleme.” Moseye metatʼkoa, “Iń tulucʼ do cedakʼpe jhogṛakʼ kana, ar Probhu Isor do cedakʼpe biḍạu aṭkarede kana?”

Numeri 20:24

“Aron do acʼren hapṛamko ṭhen calakʼ hoyokʼtaea. Okaṭakʼ disạm Israel hoponkoń emako onḍe uni do bae bolo daṛeakʼa ente aben do Meribare dakʼ iạte ińakʼ hukum birudben kạmileda.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Josuạ 22:31

Ar naeke Eleasarren hopon Phinehas do onkoe metatʼkoa, “Teheńle bujhạu daṛeakʼkana, Probhu Isor do abo sãorege menaea, ente niạ ape do Probhu Isor upạrte bepạtiạrakʼ do bape kạmi akada. Ape do Probhu Isorakʼ ti khon Israel hoponkope rukhiyạketʼkoa.”

Dosar Biboron 31:17

Ar unre onko upạrte ińakʼ edre jolokʼtińa ariń bạgi giḍiyakoa ar onko khon ińakʼ mẽtʼãhãń danaṅtińạ; arko marao utạrokʼa. Unre onko cetanre duk-kosṭo ar muhinko hecʼ paṛaokʼa. Ar enhilokʼko mena, ‘aleren Probhu Isor ale sãore bạnuite alere noa muhin do paṛao akana.’

Numeri 14:22

noko hoṛren mitʼ hoṛhõ ona disạm do bako ńela, one okaṭakʼ disạm lạgitʼ onkoren hapṛamko ṭheniń kiriạlen. Ente noko hoṛ do Misorre ar hahaṅkarre ńelakʼ ińakʼ hahaṛa kạmi ar cinhạ kạmiko ńelkate hõ ińko nihạ̃t akadińạ ar gel dhaoko biḍạu aṭkar akadińạ. Okoe ińko nihạ̃t akadiń onko do okoehõ ona disạm bako ńel tioga.

Numeri 27:14

Ente Sin hahaṅkarre Israelko tinre dakʼ lạgitʼ kạphạriạukʼko ehopʼletʼa unre Israelko samaṅre iń sonotiń reakʼ hukum do baben bataoleda.” Ona do Sin hahaṅkarre Kades ṭhenakʼ Meribah reakʼ dakʼge.

Dosar Biboron 6:16

Aperen Probhu Isor do alope biḍạuea, cetʼleka Mesarepe biḍạu aṭkarlede.

Dosar Biboron 33:8

Liwi reaṅ uni doe menkeda, “Amakʼ Thumim do Lewi emaeme, ar amakʼ Urim do amren dhoromicʼ, one uni Masa ṭhenem bulạulede, one uni tulucʼ Meriba dakʼ ṭhenem reṭepeṭelen.

Sereńko 78:18

Onko do akoakʼ sana leka jomakʼ reakʼ khojkate mon monte Isorko biḍạukedea.

Sereńko 81:8

E ińren hoṛko, ińakʼ sontor katha ańjompe; E Israelko, ape do ińakʼ kathako luturakʼpe.

Sereńko 106:32

Meriba reakʼ dakʼ ṭhen onko do Probhu Isorko edre ocokeda; ar Mose do muskilreye paṛaoena.