Exodus 17:4 - সান্তালী বাইবেল

⁴ Noa katha ańjomkate Mose do Probhu Isor ṭhen rakʼketʼteye menkeda, “Iń do noko hoṛko iạte cetʼ iń cekaea? Ar thoṛa khange onko do dhiriteko tińińa.”

Exodus 17:4 Referans Kwoze

1 Samuel 30:6

Unre Dạud do ạḍi muhinreye paṛaoena, ente hopon ar hoponerako iạte uniren hoṛkoakʼ mon do Dạud cetanre nonka haṛhatʼentakoa, onko do dhirite Dạud tińe lạgitʼko roṛ baṛayetʼ tahẽkana. Menkhan Dạud do acʼren Probhu Isor cetanre bhorsakate ontorre dile ńam ruạṛkeda.

Numeri 14:10

Menkhan onko do Josuạ ar Kaleb dhirite tiń gocʼkin lạgitʼko mepenena. Unre ńapamokʼ tạmbu khon Probhu Isorakʼ ṭhonok do sanam Israel hoponko samaṅre sodorena.

Aposkạmi 14:19

Ado Antiokiạ ar Ikonium khon adom Jihudiko hecʼkate Pạul ar Barnabas upạrte hoṛkoko bhiṅgṛạuketʼkoa. Unre Pạul do dhiriteko tińkedea ar gocʼenae hudiskate nagraha bahreteko or idikadea.

Johan 10:31

Unre Jihudi mukhiyạko do tińe lạgitʼ dhiriko halaṅkeda.

Aposkạmi 7:50

Noako jinis do cetʼ ińakʼ nij tite bạń benao akada?’

Numeri 16:19

Korah do tinre Mose ar Aron upạrte somajren sanam hoṛko jarwakate ńapamokʼ tạmbu reakʼ duạr ṭhene teṅgoyena unre Probhu Isorakʼ ṭhonok do onko samaṅre sodorena.

Numeri 11:11

Uni do Probhu Isore metadea, “Iń amren golam do cedakʼ muhinrem paṛaokedińa? Am bekusi ocome leka do cetʼ iń ceka akatʼte, noko hoṛkoakʼ bojha iń cetanrem ladeakawạdińa?

Exodus 15:25

Noa katha ańjomkate Mose do Probhu Isor ṭhene rakʼkeda. Uni do Mose mitʼṭen dareye udukʼadea. Mose do dakʼre ona dareye topoketʼ khan dakʼ do ńũi lek hoyena. Probhu Isor do onḍe biḍạureye paṛaoketʼkote onko lạgitʼ mitʼṭecʼ niạm ar ạne bandhaokeda.

Exodus 14:15

Niạ tayom Probhu do Moseye metadea, “Am do cedakʼem rakʼeda? Israelko laha secʼ sen idikʼ metakom.

Sereńko 99:6

Mose ar Aron hõ uniren naekeko modren kin tahẽkana; okoe uni ṭhenko koejoṅkan tahẽkan onko modre Samuel hõe tahẽkana. Mose, Aron ar Samuel do Probhu Isorko hohowae kan tahẽkana ar uni do onkoe roṛ ruạṛako kan tahẽkana.