Exodus 17:11 - সান্তালী বাইবেল

¹¹ Ar lạṛhại jokhecʼ Mose do tin hạbicʼ acʼakʼ tiye tul dohokakʼkan tahẽkan unhạbicʼ Israelkoko jitạukʼkan tahẽkana; Arhõ tinre tiye pheḍetʼtae tahẽkana unre do Amalekikoko jitạukʼkan tahẽkana.

Exodus 17:11 Referans Kwoze

1Timothi 2:8

Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.

Sereńko 56:9

Tinre amiń hohowama, unre ińren bạiri doko dạṛ pạnḍuja; ińiń baḍaea Isor do iń secʼge menaea.

Luk 18:1

Ado celako sanam ghạṛicʼko koejoṅ ar alo jemonko as chuṭạukʼ onate Jisu do noa phene lạiyatʼkoa: “Mitʼ nagrahare mitʼṭen hạkime tahẽkana.

Exodus 17:10

Josuạ do Mose okalekae metade tahẽkan onkageye kạmikeda. Uni do Amalekiko upạrte lạṛhại lạgitʼe oḍok senena. Ar Mose, Aron ar Hur do ona buru muthniteko rakapʼena.

Exodus 17:12

Nonkate Moseyakʼ ti do laṅga idiyentaea. Unre unkin do mitʼṭecʼ dhirikin ạgukeda, ar Mose do ona cetanreye duṛupʼena. Ar Aron ar Hur do banar secʼ khon uniyakʼ tikin tul akatʼtae tahẽkana. Onate siń cando ạuriye hạsurokʼ dhạbicʼ uniyakʼ tikin do onkage taheyena.

Josuạ 8:26

Ae nagrahare okoeko tahẽkan onko ạuriko marao cabako hạbicʼ Josuạ do tarwaṛeye tul akatʼ tahẽkana.

Sereńko 44:6

Ińakʼ akʼ cetanre iń do bạń bhorsakʼkana, ińakʼ tarwaṛe do bae jitạu oco daṛeạńạ;