Exodus 16:4 - সান্তালী বাইবেল

⁴ Unre Probhu Isor do Moseye metadea, “Iń do serma khon jạṛi dakʼ leka jomakʼ iń ńur ocoya. Ar hoṛko do dinạm hilokʼ bahrete senkate enhilokʼ reakʼ jomakʼko halaṅ joṅa. Ar ińakʼ hukum lekako senokʼa se baṅ ona reaṅ iń biḍạukoa.

Exodus 16:4 Referans Kwoze

1 Korinthiko 10:3

Isor emakʼ ona mitʼ jiuanakʼ jomakʼgeko jomleda; ar ona mitʼ jiuanakʼ ńũńũakʼgeko ńũleda. Isor emakʼ okaṭakʼ dhiri onko são sãote calakʼkan tahẽkan ona khonge ńũi lạgitʼ dakʼko ńametʼkan tahẽkana; ar Mạsige ona dhiri doe tahẽkana.

Sereńko 105:40

Onko do jomakʼko khojletʼte uni do gunḍri cẽṛẽkoe kolketʼkoa; ar serma khon piṭhại ematʼkoteye bi ocoketʼkoa.

Dosar Biboron 8:2

Disạipe, aperen Probhu Isor do pongel bochor hạbicʼ hahaṅkarreye dãṛã ạyur ocoketʼpea mente. Apeakʼ bạḍạiko rạpudtape lạgitʼ ar monre menakʼtapeakʼ, metakʼme uniyakʼ hukumkope manaoa se baṅa, ona biḍạu aṭkarpe lạgitʼ uni do noae kạmi akada.

Exodus 15:25

Noa katha ańjomkate Mose do Probhu Isor ṭhene rakʼkeda. Uni do Mose mitʼṭen dareye udukʼadea. Mose do dakʼre ona dareye topoketʼ khan dakʼ do ńũi lek hoyena. Probhu Isor do onḍe biḍạureye paṛaoketʼkote onko lạgitʼ mitʼṭecʼ niạm ar ạne bandhaokeda.

Nehemiạ 9:15

Lacʼ bi ocoytako lạgitʼ amge serma khon jomakʼem ematʼko tahẽkana ar tetaṅ marao ocoytako lạgitʼ do dhiri khon dakʼem oḍok ocoleda. Ar okaṭakʼ disạm emako reakʼem gokʼletʼ tahẽkan onḍe senkate am do ona ạidạri lạgitʼem hukumatʼko tahẽkana.

Dosar Biboron 8:16

Uni do hahaṅkarre Mannae jom ocoketʼpea, ona reakʼ katha aperen hapṛamko do bako baḍaekan tahẽkana. Ape biḍạu aṭkarpe ar apeakʼ bạḍại rạpudtape lạgitʼ uni do onae ematʼpe tahẽkana jemon mucạtʼ hạbicʼ apeakʼ bhạlại hoyokʼtapea.

Mathae 6:11

Aleakʼ jạruṛ jomakʼ de teheń emalem.

Kạhtukko 30:8

Phạsiạra ar eṛe katha do iń khon pharakme, reṅgecʼ hõ alom hoeocoyińa ar acel pacel dhon hõ alom imạńa jạruṛokʼ bhor baṛe jom ocoyińme.

Nehemiạ 11:23

Noko sekʼreń dolrenko do rajakʼ hukum tabereko tahẽkana. Ar ona hukum lekage onkoakʼ dinạm hilokʼ reakʼ kạmiko ṭhik dohoyetʼ tahẽkana.

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

Luk 11:3

aleakʼ din hilokʼ reakʼ jạruṛ jomakʼ dinạmge emaleme baṛe;

Exodus 16:15

Ona ńelte Israelko do ako akoreko mepenena, “Onako do cetʼ kana?” Ar cetʼkana mente ona do bako baḍae daṛeada. Unre Mose do onkoe metatʼkoa, “Noa do ona piṭhạ kana oka do Probhu Isor jom lạgitʼe emakatʼpe.

Sereńko 78:23

Enhõ uni do coṭ sermae hukumada ar serma reakʼ duạre jhicʼkeda.

Nehemiạ 9:20

Ar onko cetʼako lạgitʼ do amren bhạlạiyicʼ atmam danatʼko tahẽkana. Am do onko jom ocoko lạgitʼ serma khon Mannam emalena ar ona do bam bondleda; ar onkoakʼ tetaṅ maraotako lạgitʼ do dakʼem ematʼkoa.