Exodus 16:34 - সান্তালী বাইবেল

³⁴ Ar Manna jemon piṛhike piṛhi hạbicʼ doho akan tahen ona lạgitʼ Aron do Moseye emakawade Probhu Isorakʼ hukum leka gohawakʼ samaṅreye dohokada.

Exodus 16:34 Referans Kwoze

Exodus 27:21

Noa ńapamokʼ reakʼ tạmbu samaṅre oka orwal tahen ona orwal bahrere Aron ar uniren hoponko do ạyupʼ khon setakʼ hạbicʼ Probhu Isor samaṅre diuheko ńel todarota. Ar Israelko do piṛhike piṛhi niạ niạmko panjaya.

Exodus 25:21

Noa daya duṛupʼakʼ do sinduk cetanrem dohoya ar oka goha olakʼiń emam ona do sinduk bhitrirem dohokakʼa.

Exodus 25:16

Ona goha sunduk do amiń emama ar am do noa sindukre onam dohokakʼa.

Numeri 17:10

Inạ tayom Probhu do Moseye metadea, “Ṭhoṭhok hoṛko lạgitʼ mitʼṭecʼ cinhạ ńutumte Aronakʼ ṭheṅga do arhõ goha sinduk samaṅre dohokakʼme. Onate am do iń upạrte onkoakʼ karacʼ kurujokʼakʼem thir ocoytakoa, onate onko do ar bako gujukʼa.”

Exodus 40:20

Ona tayom Mose do goha paṭa banar hataokate sinduk bhitrireye dohokeda ar sindukre ḍaṅkine hurạṛkada ar ona cetanre do ḍhalwakʼe dohokeda.

Exodus 31:18

Sinại buru cetanre Mose ṭhen niạko kathae roṛ mucạtʼketʼ khan Probhu Isor do goha reakʼ barea dhiri cạktiye emadea. Isor do noakin dhiri cạktire acʼakʼ kạṭupʼte hukume olleda.

Exodus 30:36

Noa reakʼ thoṛa hataokate onam gunḍạea ar ńapamokʼ tạmbure goha-paṭa samaṅrem dohoya. Ar iń do onḍe am sãoteń ńapamokʼa. Ar noa dhup do sonot utạrakʼ jinis mentem bujhạua.

Exodus 30:6

Goha tạmbu ṭhen, metakʼme gohawakʼ cetanre menakʼ daya duṛupʼakʼ ṭhen oka orwal tahen ona samaṅre noa pinḍem dohokakʼa; ar iń do onḍege am sãoteń ńapamokʼa.

1 Rapajko 8:9

Israelko Misor disạm khonko oḍok hecʼen tayom Horeb burure Probhu Isor do onko lạgitʼ tinre bondobose bandhaokeda unre Mose okakin dhiri cạkti sindukreye doholetʼ ona chaḍa ar cetʼge onare do ar baṅ tahẽkana.

Dosar Biboron 10:5

Ona tayom Probhu Isorakʼ hukum leka iń do buru khon latarte pheḍkate oneń benaoletʼ sindukre onakin dhiri cạktiń dohokada. Ar onakin do ńithõ onḍege menakʼa.”

Numeri 1:53

Israelko cetanre Probhu Isorakʼ edre jemon alo paṛaokʼ onate Liwiko do sekʼwa tạmbu beṛhaeteko ḍerakʼa. Ar sekʼwa tạmbu ńej jut reakʼ bhar hõ onkorege tahena.”

Numeri 1:50

Goha tạmbu reakʼ asbabko ar ona reakʼ sanamakʼ ńel jut reakʼ bhar do onko cetanrem dohoya. Onkoakʼ kạmi do hoyokʼa sekʼwa tạmbu ar ona reakʼ asbabko gokʼ bhạriạ idiya. Ar noa ńel jut reakʼ bhar hõ onko cetanrem dohoya ar onko do noa beṛhaete ḍerakʼ hoyokʼtakoa.

Exodus 38:21

Sekʼwa tạmbu, metakʼme goha tạmbu benaokʼre cetʼ cetʼko jinis lagaolen Moseyakʼ hukumte pạhil khonge naeke Aronren hopon Ithamarakʼ ạyurte Liwiko do ona reakʼ hisạbko dohokeda.