Exodus 16:3 - সান্তালী বাইবেল

³ Onkoko menkeda, “Misor disạmre Probhu Isorakʼ tire cedakʼ baṅ bale gocʼ ocolen. Onḍe do jel reakʼ ṭukucʼ samaṅre dohokate lacʼ bikʼ piṭhạ ar jel le jometʼ tahẽkana. Aben do begor jomte gocʼ ocole lạgitʼ noa hahaṅkarte ben ạguakatʼlea.”

Exodus 16:3 Referans Kwoze

Exodus 17:3

Menkhan hoṛko do dakʼ tetaṅ iạte Mose upạrteko karacʼ kurucʼena arko menkeda, “Dakʼ reakʼ ṭonṭate jemon nonḍele gujukʼ ona lạgitʼge cetʼ ale ar aleren hoponko ar hoponerako ar aleren ạsul janwarko Misor khonem ạguakatʼlea?”

Rak̕joṅ 4:9

Akalte gujukʼ khon tarwaṛete gujukʼge bhagea; ińren hoṛko do khet reakʼ phosol ṭonṭate reṅgecʼ jalateko ạsitʼ cabakʼkana.

Dosar Biboron 28:67

Ar setakʼ jokhecʼ dope mena, ‘ạyubokʼ ma,’ ar ńindạ jokhecʼ dope mena, ‘setagokʼ ma,’ ente botorte apeakʼ mon do luyutʼ luyudokʼtapea ar mẽtʼ do aema lekanakʼkoe ńel ocopea.

Jirimiạ 2:6

Onko do bako menleda, ‘okare menaea uni Probhu Isor do? One uni Misor disạm khone rakapʼ ạguketʼle, one uni hahaṅkarreye ạyurketʼle; khaṅkar ar khorloṅ reakʼ disạmre khaṅgoṭ ar moron dhund reakʼ disạmrege? Mitʼṭecʼ disạmre one ona secʼte celege bako dãṛãnkan, ar one onare cele hoṛge bako tahenkan?’

Numeri 14:2

Onko do Mose ar Aron upạrteko karacʼ kurucʼena. Ar jotoko mitʼkate unkinko metatʼkinạ, “Misor disạmre se hahaṅkarregele gocʼlen khan bhage hoykokʼa.

1 Korinthiko 4:8

Ape ńelte ńelokʼ kana ape do laharege jotowakʼpe ńam akada, ar laharegepe kisạ̃ṛ akana, ar ale begortegepe raj akana. Arpe rajlen khan do bhagege hoykokʼa; enḍekhan ale hõ ape tulucʼle raj daṛekokʼa.

Josuạ 7:7

Josuại menkeda, “E Probhu Isor, noko jạtrenko jordan gaḍa paromkate cedakʼ maraoko lạgitʼ Amorikoakʼ tirem jimạketʼkoa? Hae ale do jordan hanasa regele bhagele tahẽkana!

2 Korinthiko 11:1

Ińakʼ kạticʼ talaṅ bebuj baṛe sahaokạtińpe. Hẽ sahao hõpe sahaoetʼkangea.

Aposkạmi 26:29

Pạule menkeda, “Thoṛare hõ se ḍherre hõ, iń do Isor ṭheniń koejoṅ kana, eken am eskar do baṅ bickom teheń tinạkʼ do ińakʼ kathako ańjometʼkan onko sanamko jemon iń lekako hoyokʼ, eken noa sikṛi chaḍa.”

Jobakʼ 3:20

“Okoe dukre menakʼko, onko do cetʼ iạte marsalko ńameda ar cetʼ iạte haṛhatʼ jion hõ jiwiko ńameda?

Jobakʼ 3:10

ente eṅgạńakʼ kukhi reakʼ silpiń do bae bondleda, ar harkhet khon sạṅgińre hõ bae doholedińa.

Jobakʼ 3:1

Ona tayom Job do kathae roṛkeda ar acʼakʼ janam dine sarapatʼteye menkeda,

2 Samuel 18:33

Niạ katha ańjomkate rajakʼ mon do dukte perecʼentaea. Uni do phaṭok-duạr cetan reakʼ kandhate senkate rarakʼe ehopʼena. Uni do niạ katha men menteye rakapʼ calaoena, “Hae, ińren hopon Absalom, hae ińren hopontiń, hae ińren hopontiń do!”

Dosar Biboron 8:3

Uni doe nindhạn ocoketʼpea, reṅgecʼ ocoketʼpea ar Mannae jom ocoketʼpea one ona reakʼ katha ape ar aperen hapṛamkoakʼ baḍae baṅ tahẽkan. Onate niạ sikhnạte emapekana, manwa do eken piṭhạ motote jiwetʼ bako tahena, menkhan Probhu Isorakʼ moca khon oḍokokʼkan mitʼke mitʼ kathatege jiwetʼko tahena.

Numeri 16:41

Inạ dosar hilokʼ Israel somajren sanamkoge Mose ar Aron upạrte karacʼ kurujokʼko ehopʼena arko menkeda, “Probhu Isorren hoṛ do abenge ben gocʼketʼkoa.”

Numeri 16:13

Niạ hahaṅkarre gocʼ ocole lạgitʼge nonkan disạm khonem oḍok ạguakatʼlea onḍe do toa ar dumur rasa reakʼ jãhãn okulạnge baṅ tahẽkana. Ar niạge cetʼ baṅ ḍhera? Arhõ aleren mạlik hoyokʼem monejoṅkana.

Numeri 11:15

Iń cetanrem nonkae khan nonḍe ńitge baṛe gojeńme. Ar amakʼ dayań ńamakatʼ khan ińakʼ mẽtʼte nonkan bạṛicʼ dosa do alom ńel ocoyińạ.”

Exodus 5:21

Cakʼlaoko do unkinko metatʼkinạ, “Probhu Isor do aben baṛe sạjạiye emaben ma, ente Pharao ar uniren kạmiyạko ṭhen mitʼṭecʼ hirkhạwakʼ ben kạmi akada, ar aben do gocʼ ocole lạgitʼ onkoakʼ tire tarwaṛe ben cal akawatʼkoa.”

Exodus 2:23

Ḍher din tayom Misorren raj doe gocʼena. Ar Israelko do golam khaṭao iạte ạḍi ala jhalareko paṛao akan tahẽkana. Noa khon chaḍao ńam lạgitʼ onkoakʼ rakʼ do Isor ṭhen seṭerena.

Numeri 14:3

Probhu Isor do cedakʼ lạṛhạire gujukʼ lạgitʼ ona disạmteye idiyetʼlea? Onḍenko hoṛ do aleren bạhuko ar gidrạkoko recʼlea. Ona khon Misorte ruạṛ calakʼge cetʼ bhage baṅ tahẽkantalea?”

Sereńko 78:19

Onko do Isor upạrte noa kathako menkeda, “Hahaṅkarre Isorakʼ do cetʼ jomakʼte ṭebile sajao daṛeakʼa?

Sereńko 78:25

Serma goḍetkoakʼ jomakʼ do manwako jomkeda; ar tinạkʼko jom daṛeakʼ unạkʼge onkoe kolatʼkoa.

Jirimiạ 42:14

arpe men, ‘ale do Misorte senkatele girobasokʼa; onḍe do lạṛhại hõ bale ńela, siṅgạ reakʼ saḍe hõ bale ańjoma, ar jomakʼte hõ bale ṭonṭakʼa,’

Jirimiạ 44:17

Ale okale roṛakatʼ ona do khạṭigele kạmiya. Cetʼ leka aleren hapṛamko, rapajko ar rajkạmiyạko do Jihudạ nagrahakore ar Jerusalem reakʼ ḍaharkore sermaren rạni ńutumte dhupko jeretʼetʼ tahẽkan arko coḍoretʼ tahẽkan onkage ale hõle kạmiya. Ona jokhecʼ aleakʼ do aḍhela jomakʼ tahẽkana ar ale hõ ạḍi bhagele tahẽkana ar jãhãn kosṭoge bale ńamleda.

Exodus 14:11

Onko do Moseko metadea, “Misorre do cetʼ topakʼ lạgitʼ jaega baṅ tahẽkante gocʼ giḍikale lạgitʼ noa hahaṅkar jaegatem ạgu akatʼlea? Misor khon oḍok ạgukate ale sãote noa do cetʼem cekakeda?

Numeri 11:20

menkhan goṭa candoge mũ moca khon hirkhạge ạuri oḍokokʼ hạbicʼpe joma. Noako hoyokʼa ente okoe ape talare menae uni Probhu Isorpe nihạ̃t akadea ar uni samaṅre rakʼatepe menakada, Misor disạm bạgiyakʼ do ṭhikakʼ baṅ hoylentalea.’ ”

Sereńko 107:5

Onko do reṅgecʼ ar tetaṅteko kosṭoyena, ar onate onkoakʼ jiwi do jale thaleyena.