Exodus 16:25 - সান্তালী বাইবেল

²⁵ Mose do unreye menkeda, “Teheń do onakoge jompe ente teheń do Probhu Isore niṭakatʼ jirạukʼ mãhã kana. Teheń ape do onako ṭạnḍire bape ńel ńama.

Exodus 16:25 Referans Kwoze

Exodus 16:23

Unre Mose do onkoe metatʼkoa, “Noa do Probhu Isorakʼ katha kangea. Gapa do jirạukʼ mãhã kana, ar Probhu Isor kangeae sonot jirạukʼ mãhã do. Onate tinạkʼpe rapakʼ daṛeakʼ ar tinạkʼpe teke daṛeakʼ ona do onkaepe; ar sarecʼakʼ do dosar hilokʼ lạgitʼ dohokakʼpe.”

Nehemiạ 9:14

Amge amakʼ sonot jirạukʼ mãhã reaṅem baḍae ocoletʼkoa ar amren guti Mose hotete hukum ar ạn-ạrikom ematʼkoa.

Exodus 16:29

Ńelpe, ape lạgitʼ jirạukʼ mãhã reakʼ noa bondobos do Probhu Isorgeye dohoakada. Onate turui mãhã hilokʼ uni do bar din reakʼ jomakʼe jogao ape kana. Ar eae mãhã hilokʼ do okoe hõ oṛakʼ bahrete alope oḍokokʼa, bhitrirege tahenpe.”

Exodus 16:24

Moseyakʼ hukum lekage onko do setakʼ lạgitʼ sarecʼakʼ hạṭiń doko dohokada. Ar enhilokʼ ona do baṅ so lena, ar tejo hõ bako tejoleda.

Exodus 16:26

Ape do hapta reakʼ turui din onape halaṅa menkhan eaeyakʼ dinre do bape ńama, ente ona din do jirạukʼ din kana.”