Exodus 16:22 - সান্তালী বাইবেল

²² Hapta reakʼ turui din hilokʼ onko do dobṛakate, metakʼme bar Omorkate mimitʼko lạgitʼko halaṅkeda, ar Israelkoren mukhiyạko do ona katha Moseko lạiyadea.

Exodus 16:22 Referans Kwoze

Exodus 16:5

Hapta reakʼ turuiyakʼ dinre jemon din hilokʼ reakʼ dobṛa halaṅkate jomakʼko benaojoṅ.”

Levitikus 25:22

Onate irạlakʼ bochor itạ erokʼ jokhecʼ hõ mareakʼ phosol khonpe joma ar areyakʼ bochor phosol ạuripe rakab hạbicʼ onepe doho jarwa akatʼ phosol khonakʼpe joma.

Levitikus 25:12

Noa do hulạsokʼ bochor hoyokʼtapea ar ona do sonot mentepe manaoa. Ar jumi khon oka ńamokʼ onagepe joma.

Exodus 34:31

Menkhan onkoe hohoatʼko khan Aron ar Israel mukhiyạko do uni ṭhenko hecʼena. Ar Mose do onko sãoteye galmaraokeda.

Exodus 16:16

Probhu Isor do noa hukume emakatʼpea, mimitʼko jemon gharońj reakʼ jạruṛokʼ lekako halaṅ joṅ. Tạmburen mimitʼko lạgitʼ mitʼ Omor kate (bar liṭar gan) jemonko halaṅ joṅ.”

Exodus 16:21

Ar hoṛko do din hilokʼ setakʼre gharońj reakʼ jạruṛokʼ lekako halaṅ joṅkan tahẽkana. Menkhan setoṅ sạrdi idikʼ sãote onako do lekʼkan tahẽkana.