Exodus 16:2 - সান্তালী বাইবেল

² Sin hahaṅkar ṭoṭhare Israelkoren goṭa dolrenkoge Mose ar Aron upạrteko karacʼ kurucʼena ar aema kathako roṛkeda.

Exodus 16:2 Referans Kwoze

1 Korinthiko 10:10

Onko modre ạḍi hoṛgeko karacʼ kurucʼlente cetʼleka nonosṭoyicʼ goḍet hoteteko marao ocolen, ape do onaka alope karacʼ kurujokʼa.

Exodus 15:24

Ar hoṛko do Mose upạrte karacʼ kurucʼenteko menkeda, “Ńitokʼ ńũi reakʼ dakʼ do okarele ńama?”

Sereńko 106:25

Onko do tạmbukore bokbokaokʼko ehopʼena; ar Probhu Isorakʼ katha hõ bako luturada.

Sereńko 106:7

Misorre tahen jokhecʼ aleren hapṛamko do amakʼ hahaṛa kạmi ńelte cetʼge bako bujhạuleda; onko do amakʼ asambheṛ dulạṛ reakʼ katha hõ bako disạ doholeda; onko do jalapuri aṛere, arakʼ jalapuri ṭhenko ṭhokkeda.

Sereńko 106:13

Menkhan uniyakʼ kạmi reakʼ katha do ạḍi usạrako hiṛińkeda; onko do uniyakʼ sopolha bako tạṅgileda.

Exodus 14:11

Onko do Moseko metadea, “Misorre do cetʼ topakʼ lạgitʼ jaega baṅ tahẽkante gocʼ giḍikale lạgitʼ noa hahaṅkar jaegatem ạgu akatʼlea? Misor khon oḍok ạgukate ale sãote noa do cetʼem cekakeda?

Genesis 19:4

Menkhan unkin ạurikin gitijokʼrege Sodomren sanam juạn ar haṛam hoṛko do hecʼkate oṛakʼko esetʼ ạcurkeda.

Exodus 5:21

Cakʼlaoko do unkinko metatʼkinạ, “Probhu Isor do aben baṛe sạjạiye emaben ma, ente Pharao ar uniren kạmiyạko ṭhen mitʼṭecʼ hirkhạwakʼ ben kạmi akada, ar aben do gocʼ ocole lạgitʼ onkoakʼ tire tarwaṛe ben cal akawatʼkoa.”

Exodus 17:3

Menkhan hoṛko do dakʼ tetaṅ iạte Mose upạrteko karacʼ kurucʼena arko menkeda, “Dakʼ reakʼ ṭonṭate jemon nonḍele gujukʼ ona lạgitʼge cetʼ ale ar aleren hoponko ar hoponerako ar aleren ạsul janwarko Misor khonem ạguakatʼlea?”

Numeri 14:22

noko hoṛren mitʼ hoṛhõ ona disạm do bako ńela, one okaṭakʼ disạm lạgitʼ onkoren hapṛamko ṭheniń kiriạlen. Ente noko hoṛ do Misorre ar hahaṅkarre ńelakʼ ińakʼ hahaṛa kạmi ar cinhạ kạmiko ńelkate hõ ińko nihạ̃t akadińạ ar gel dhaoko biḍạu aṭkar akadińạ. Okoe ińko nihạ̃t akadiń onko do okoehõ ona disạm bako ńel tioga.