Exodus 16:15 - সান্তালী বাইবেল

¹⁵ Ona ńelte Israelko do ako akoreko mepenena, “Onako do cetʼ kana?” Ar cetʼkana mente ona do bako baḍae daṛeada. Unre Mose do onkoe metatʼkoa, “Noa do ona piṭhạ kana oka do Probhu Isor jom lạgitʼe emakatʼpe.

Exodus 16:15 Referans Kwoze

Exodus 16:4

Unre Probhu Isor do Moseye metadea, “Iń do serma khon jạṛi dakʼ leka jomakʼ iń ńur ocoya. Ar hoṛko do dinạm hilokʼ bahrete senkate enhilokʼ reakʼ jomakʼko halaṅ joṅa. Ar ińakʼ hukum lekako senokʼa se baṅ ona reaṅ iń biḍạukoa.

Johan 6:58

Noage serma khon pheḍ hecʼakan piṭhạ do. Aperen hapṛamko okaṭakʼ piṭhạ jomkateko gocʼen onkan piṭhạ noa do baṅkana. Noa okoeye joma uni do jaejug hạbicʼ jiwetʼe tahena.

Exodus 16:31

Israelkoakʼ ona jomakʼ do Mannako metakʼkan tahẽkana (metakʼme “Onako do cetʼ kana?”). Noako do ńelokʼte dhạniạ jaṅ leka ponḍge tahẽkana; ar ona reakʼ sebel do dumur rasa piṭhạ leka.

Dosar Biboron 8:3

Uni doe nindhạn ocoketʼpea, reṅgecʼ ocoketʼpea ar Mannae jom ocoketʼpea one ona reakʼ katha ape ar aperen hapṛamkoakʼ baḍae baṅ tahẽkan. Onate niạ sikhnạte emapekana, manwa do eken piṭhạ motote jiwetʼ bako tahena, menkhan Probhu Isorakʼ moca khon oḍokokʼkan mitʼke mitʼ kathatege jiwetʼko tahena.

1 Korinthiko 10:3

Isor emakʼ ona mitʼ jiuanakʼ jomakʼgeko jomleda; ar ona mitʼ jiuanakʼ ńũńũakʼgeko ńũleda. Isor emakʼ okaṭakʼ dhiri onko são sãote calakʼkan tahẽkan ona khonge ńũi lạgitʼ dakʼko ńametʼkan tahẽkana; ar Mạsige ona dhiri doe tahẽkana.

Nehemiạ 9:20

Ar onko cetʼako lạgitʼ do amren bhạlạiyicʼ atmam danatʼko tahẽkana. Am do onko jom ocoko lạgitʼ serma khon Mannam emalena ar ona do bam bondleda; ar onkoakʼ tetaṅ maraotako lạgitʼ do dakʼem ematʼkoa.

Nehemiạ 9:15

Lacʼ bi ocoytako lạgitʼ amge serma khon jomakʼem ematʼko tahẽkana ar tetaṅ marao ocoytako lạgitʼ do dhiri khon dakʼem oḍok ocoleda. Ar okaṭakʼ disạm emako reakʼem gokʼletʼ tahẽkan onḍe senkate am do ona ạidạri lạgitʼem hukumatʼko tahẽkana.

Josuạ 5:12

Onko do oka hilokʼ ona disạm reakʼ jomakʼko jomketʼ ona dosar hilokʼ khonge Manna ńurokʼ do thirena. Ar inạ tayom Israelko do Manna ar bako ńamleda. Ona bochor khon onko do Kanan disạm reakʼ phosol jojomko ehopʼena.

Johan 6:49

Aperen hapṛamko do hahaṅkarre Mannako jomleda ar enhõko gocʼena.

Dosar Biboron 8:16

Uni do hahaṅkarre Mannae jom ocoketʼpea, ona reakʼ katha aperen hapṛamko do bako baḍaekan tahẽkana. Ape biḍạu aṭkarpe ar apeakʼ bạḍại rạpudtape lạgitʼ uni do onae ematʼpe tahẽkana jemon mucạtʼ hạbicʼ apeakʼ bhạlại hoyokʼtapea.

Exodus 16:33

Mose do Arone metadea, “Am do mitʼṭecʼ dohowakʼre mitʼ Omorkate Manna hataokate Probhu Isor samaṅre dohoyme jemon piṛhike piṛhi hạbicʼ ona do tahen.”

Johan sodor 2:17

Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana. Ar okoeye jitạukʼ uni do okoakatʼ Manna khon thoṛa Manna ar mitʼṭecʼ ponḍ dhiriń emaea. Ona dhiri cetanre mitʼṭecʼ nãwã ńutum ol tahena one okoehõ ona do bako baḍaekan, eken okoe onae ńam unigeye baḍae daṛeakʼa.

Ibriko 9:4

Noa hạṭińre dhup jered lạgitʼ sona reakʼ pinḍ ar bondobos reakʼ sunduk tahẽkana. Ona sunduk do beṛhaete sonate tolakatʼ tahẽkana. Ar ona cetanre sona reakʼ bhajanre dohoakatʼ Manna, ar Aronakʼ oka ṭheṅgare baha bhoṭokʼlen ona ṭheṅga, ar bondobos olakʼ dhiri reakʼ barea paṭa.

Luk 12:30

Ente dhạrtiren eṭakʼ jạtrenkoge onako reaṅ doko ńam baṛakana; ona chaḍa aperen Baba doe baḍaegea, noako sanamakʼ reakʼ jạruṛ menakʼtapea mente.

Kạhtukko 9:5

“Dela hijukʼte, ińakʼ jomakʼ jompe, ińakʼ mosola mesal akatʼ darkha rasa ńũipe;

Sereńko 78:24

Hoṛkoakʼ jomakʼ lạgitʼ uni do dakʼ leka Mannae jạṛiyatʼkoa. Ar serma reakʼ phosolgeye ematʼkoa.

Sereńko 105:40

Onko do jomakʼko khojletʼte uni do gunḍri cẽṛẽkoe kolketʼkoa; ar serma khon piṭhại ematʼkoteye bi ocoketʼkoa.