Exodus 16:12 - সান্তালী বাইবেল

¹² “Israelko iń upạrte okako kathako roṛakatʼ ona doń ańjom akada. Onko do noa katha lạiyakome, ạyupʼ jokhecʼ onko do jelko joma ar setakʼ do lacʼ bikʼ piṭhạko joma. Ar nonkateko baḍae daṛeakʼa, onkoren Probhu Isor doń ińkangea mente.”

Exodus 16:12 Referans Kwoze

Joel 3:17

Probhu Isore meneda, “Unrepe baḍaea daṛeakʼa, ińkangeạń aperen Probhu Isor do; ińge Sionre, ińakʼ sonot burureń girobasokʼ kana. Jerusalem do sonotokʼa; ar bidisiạko hõ onḍe do tishõ bako calakʼa.

Jeheskel 39:22

Enhilokʼ khon Israelko doko baḍae daṛeakʼa, ińkangeạń onkoren Probhu Isor do.

Exodus 6:7

Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Jeheskel 34:30

Unre onko doko baḍae daṛeakʼa, ińkangeạń onkoren Probhu Isor do ar ińge onko são sãote minạńa ar onko do metakʼme, Israelko do ińren hoṛ kanako.

Jirimiạ 31:24

Onko hoṛ do Jihudạ ar ona reakʼ sanam nagrahareko girobasokʼa ar cacasko ar okoe do akoren ạsul janwarko anteko ạcur baṛaekan onko hõ onḍeko tahena.

Exodus 7:17

Ona iạte Probhu Isore meneda, acʼkangeae Probhu do, ar am do noa cinhạ ńeltem bujhạu daṛeakʼa.’ Unrem mena, ‘iń do ńitokʼ ińakʼ ti reakʼ ṭheṅgate nil gaḍa dakʼ iń dala ar onate gaḍa dakʼ do mãyãmokʼa.

Exodus 4:5

Ona tayom Probhu Isore menkeda, “Noam onkaea jemon onkoko pạtiạukʼ, onkoren hapṛam Abraham, Isahak ar Jakobren Probhu Isor do sạrige am ṭhene ńel ocoakana.”

Exodus 12:6

Ar niạ cando reakʼ pongel tạrik hạbicʼ uni do dohoye hoyokʼa. Ona tayom enhilokʼ cando hạsur tayom goṭa Israel somaj reakʼ mimitʼ gharońjrenko do apan ạpin bheḍa hoponko gurkoa.

Exodus 16:11

Unre Probhu Isor do Moseye metadea,

Levitikus 11:44

Iń do aperen Probhu Isor kạnạń. Onate ape do iń ńutumte begar akae tahenpe ar sonotko hoyokʼpe, ente iń doń sonotgea. Ot cetanre ạcur baṛae kạṭicʼ jãhãn janwarte hõ alope besapha ocokʼa,

Numeri 14:27

“Noko bạṛicʼ jạtrenko do ar tinạkʼ din iń upạrteko karacʼ kurujokʼa? Iń do onkoakʼ karacʼ kurujokʼ iń ańjomakada.”

1 Rapajko 20:28

Unre Isorren mitʼ hoṛ do hecʼkate Israelren raje metadea, “Probhu Isor do niạ kathae meneda, ‘Aramrenko doko hudiseda Probhu Isor doe bururen Isor kana, bilạn ṭạnḍiren doe baṅkana; ona iạte iń do onko maraṅ lạṛhại phạdko amakʼ tireń jimạkoa, ar nonkatepe baḍae daṛeakʼa je, iń kangeạń Probhu Isor do.’ ”

Sereńko 105:40

Onko do jomakʼko khojletʼte uni do gunḍri cẽṛẽkoe kolketʼkoa; ar serma khon piṭhại ematʼkoteye bi ocoketʼkoa.

Numeri 11:4

Israelko sãote eṭakʼ eṭakʼ jạtren okoeko hoṛko tahẽkan onko do eṭakʼ lekan jomakʼ lạgitʼ laloc hecʼatʼkoa. Onko ńelte Israelko do rakʼate memenko ehopʼena, “Hae, jel baṛele jom ńamle khan!

Jeheskel 35:13

Am do iń upạrte bạḍạikate ḍher katham roṛ akada. Ar ona doń ańjomakada.