Exodus 15:17 - সান্তালী বাইবেল

¹⁷ Amge amren hoṛko ạgukate poha leka amakʼ bururem rohoekoa. E Probhu Isor, am apnar tite benaoakʼ onage amakʼ tahen oṛakʼ do; E Probhu Isor, amakʼ tite benaoakʼ onage amakʼ tahen ṭhạ̃i do;

Exodus 15:17 Referans Kwoze

Sereńko 44:2

Am do amakʼ tite eṭakʼ jạtrenkom laga ńirketʼkote ona jaegare aleren hapṛamkom doholetʼkoa; am do onko hoṛko cetanre nosṭoakʼem ạguleda ar aleren hapṛamkom teṅgo keṭecʼ ocoletʼkoa.

Sereńko 80:8

Am do mitʼṭen darkha nạ̃ṛĩ leka Misor disạm khonem uṭhạu ạguakatʼlea; ar am do eṭakʼ jạtrenkom laga ńirketʼkote onḍem rohoeketʼlea.

Jirimiạ 32:41

Iń do kusi monte onkoń bhạlạikoa ar ińakʼ goṭa mon ar ontorte niạ disạmre khạṭige onko do cara lekań rohoekoa.

Jirimiạ 31:23

Israelren Isor phạdkoren Probhui meneda, “Bondi dosa khon tinre hoṛkoń ruạṛ ạgukoa unre Jihudạ disạm ar ona nagraharen hoṛ do arhõko mena, ‘E dhoromte perecʼ tahen ṭhạ̃i, E sonot buru, Probhu Isor do ame bhoramma.’

Jirimiạ 2:21

Iń do bachao akatʼ itạ khon janamakʼ bhage darkha reakʼ cara lekań rohoeketʼmea; enḍekhan cekate am do bạṛicʼ bir darkha nạ̃ṛĩ dom hoyena?

Exodus 15:13

Amakʼ asambheṛ dulạṛtem chaḍao ạguketʼkoa ar amge onko dom ạyurkoa. Apnarakʼ daṛete amakʼ sonot oṛakʼre amgem ạyur ạgukoa.

Exodus 23:20

“Okaṭakʼ ṭhạ̃i iń ṭhik dohoakatʼ onḍe idipe lạgitʼ ar horre rukhiyạpe lạgitʼ ape laha lahate iń do mitʼṭen goḍet iń kolekana.

Exodus 32:34

Ańjomme, iń okaṭakʼ jaega reakʼ kathań roṛakatʼ ńitokʼ am do senkate hoṛko onḍe idikom. Ińren goḍet do hore udukʼ idiapea. Ar tinre sạjại reakʼ okte hijukʼa unre onkoń sạjạikoa.”

Dosar Biboron 33:19

Unkin do jạt jạtrenko burutekin rakapʼkoa; ar onḍe do lekren dãṛẽkin samaṅkoa. Unkin do jalapuri reakʼ sareṛokʼakʼ kin cepeja, ar gitilre do danaṅakʼ acelkoge.”

2 Samuel 7:10

Ińren hoṛ Israelko lạgitʼ mitʼṭecʼ jaegań ṭhik dohoyte onḍege cara lekań rohoekoa, jemon onko do akoakʼ jaegare sulukteko girobas daṛeakʼ ar ińren hoṛ Israelko cetanre cakʼlaoyicʼ iń bahale tayom onko cetanre bạṛicʼ hoṛkoakʼ okako santao hecʼlen onka do ar bako daṛeakʼa. Iń do sanam bạirikoakʼ ti khon amiń rukhiyạmea. “ ‘Iń Probhu Isor do arhõń meneda, iń apnarge amren bõskoń teṅgo rakapʼkoa.

1 Rapajko 8:13

Ńitokʼ do am lạgitʼ napae okocʼ mitʼṭecʼ oṛakʼ iń benao akada; ar noa do jaejug lạgitʼ amakʼ tahen oṛakʼge hoyokʼa.”

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

Sereńko 68:16

E aema cuṛạ reakʼ buru, Isor oka burure acʼakʼ tahen reakʼ jaegae bachao akawan am do cedakʼ hiskạte ona secʼem beṅgetʼ akada? Probhu Isorakʼ jaejug reakʼ tahen ṭhạ̃i ma ona kange coṅ.

Sereńko 76:2

Salemre uniyakʼ tạmbu menakʼtaea ar Sionre hõ uniyakʼ tahen oṛakʼ menakʼa.

Sereńko 80:15

Okako poha do amakʼ titem rohoe akatʼ, ar okaṭakʼ reakʼ ḍạr do am lạgitʼem daṛe ocoakatʼ;

Sereńko 114:2

unre Jihudạ do Isorakʼ sonot ṭhạ̃i hoyena, ar Israel do ona reakʼ rajosṭige.

Exodus 25:8

Israelko hotete iń tahen lạgitʼ mitʼṭecʼ sonot ṭhạ̃irem benaoa. Onate iń do onko talareń girobasokʼa.

Josuạ 22:19

Okaṭakʼ disạm apeakʼ ạidạrire hoyakan ona chut akan khan ape do parom hecʼkate Probhu Isorakʼ disạmte hijukʼpe. Nonḍe do Probhu Isorakʼ ḍera tạmbu menakʼa. Ar ale sãotege girobasokʼpe. Menkhan aboren Probhu Isorakʼ pinḍ chaḍa ar eṭakʼ jãhãn pinḍ benaokate Probhu Isor ar ale upạrte alope hula.

Jeheskel 37:26

Onko lạgitʼ mitʼṭecʼ bhạlạiyanakʼ bondobosiń dohoya; ar ona do jaejug lạgitʼ mitʼṭecʼ bondobosge hoyokʼa. Onko do daṛeankoń hoyocokoa ar onkoakʼ lekhań baḍhao ocoytakoa ar ińakʼ oṛakʼ do jaejug lạgitʼ onko talareń bạisạutińạ.

Jeheskel 37:28

Ińakʼ oṛakʼ do tinre jaejug lạgitʼ onko talare hoyokʼa unre jạtren sanamko baḍaea daṛeakʼa, iń Probhu Isorge iń ńutumte Israel doń begar dohoakadea.’ ”