Exodus 15:15 - সান্তালী বাইবেল

^15-16 Edomren sordarko do botorteko keklesedokʼa; ar Moabren mukhiyạko doko thar tharaokʼa, ar botoranakʼ samaṅreko paṛaokʼte Kananrenko do dilko adtakoa. E Probhu Isor, amren hoṛkoakʼ sen joṅakʼ ạuri mucạdokʼ hạbicʼ, amren chaḍao akan hoṛkoakʼ sen joṅakʼ ạuri mucạdokʼ hạbicʼ amakʼ maraṅ daṛe samaṅre onko jạtrenko do dhiri lekako ńur tahena.

Exodus 15:15 Referans Kwoze

Josuạ 5:1

Jordan gaḍa pạchim secʼren Amorikoren sanam rajko ar doreão aṛe reakʼ sanam Kanani rajko tinreko ańjomkeda, abo bon parom hijukʼre Probhu Isor cetʼleka jordan gaḍa reakʼ dakʼ, metakʼme Israelko samaṅ khone ańjetʼ ocoletʼ un khon onkoakʼ as do chuṭạuentakoa; Israelko samaṅre teṅgokʼ reakʼ dil ar do baṅ hoylentakoa.

Josuạ 2:11

Ar noako ańjomkate aleakʼ joto as do caba akantalea ar ape botorte aleakʼ dilko hõ ses akan talea. Aperen Probhu Isorge sermaren ar dhạrtiren Isor kanae.

Dosar Biboron 2:4

Ona tayom uni do apeko metape lạgitʼe metadińạ, ‘ńitokʼ do aperen Seyirren boeha Esao bõsrenkoakʼ rajosṭi talate calakʼ hoyokʼtapea. Ape ńelte onko do botor caṛhaoakoa menkhan sontor akae tahenpe.

Genesis 36:40

Esauakʼ okako bõsren hoṛkoakʼ eṭakʼ eṭakʼ gusṭi ar ṭoṭharen sordarko tahẽkan onkoakʼ ńutum do hoyokʼ kana Timna, Alwa, Jethet,

Habakkuk 3:7

Kusanren hoṛ do nindhạn dosareń ńelketʼkoa, ar Midiạnren hoṛ doko thar tharaokʼkana.

Nạhum 2:10

Uni doe luṭ ocokʼkana, are eken ti ocokʼkana are marao ocokʼkana. Uniren hoṛkoakʼ ontor do norom akana, ar gunṭhi do lakaṛ lukuṛokʼkantakoa; onkoakʼ ḍanḍare daṛe do bạnukʼa, onko mimitʼkoakʼ mẽtʼãhã do mulin akantakoa.

Jeheskel 21:7

Onko do tinre amko kulimea, ‘cedakʼem kũhrạukʼ kana?’ Am dom mena, ‘okaṭakʼ sombat hijukʼkan ona lạgitʼ iń kũhrạukʼ kana. Unre sanamkoakʼ mon do udạsokʼa ar ti do lạbṛujokʼtakoa; onkoakʼ mon do latwagokʼa ar gunṭhi do nijor cabakʼtakoa. Probhu Isore menetʼ kana, ona do hijukʼkana; ar hoyokʼte hõ hoyokʼgea.’ ”

Jesaea 19:1

Misor disạm babotre Probhu Isorakʼ katha do nonka kana: Ńelpe, Probhu Isor do mitʼṭecʼ coṭkar rimilte Misor disạmteye hijukʼkana. Uni samaṅre Misorren boṅga murhutʼko doko thar tharaokʼa, ar Misorren hoṛ doko hae nisạsokʼa.

Jesaea 13:7

Ona iạte hoṛkoakʼ ti do lạbṛugokʼa ar sanam hoṛ do dilko adtakoa.

Sereńko 68:2

Dhũạ leka onko do oṭaṅ idikom; ar seṅgel samaṅre cherokʼkan mom leka bedhoromko do Isor samaṅ khonko mohor meṭaokʼma.

2 Samuel 17:10

Unre joto khon daṛean ar dhạcri kul leka dilan lạṛhại phạd hõ botorte disạ adokʼtaea, ente Israelren sanam hoṛkogeko baḍaea, ạpum do mitʼṭen lạṛhại bir kanae ar uni sãote okoe menakʼko onko hõko daṛeangea.

1 Samuel 14:16

Benjamin ṭoṭha reakʼ Gibeare Sạulren paharadar lạṛhại phạdkoko ńelkeda, Philisṭi lạṛhại phạdko doko chirchạtur akana.

Josuạ 14:8

menkhan okoe boehako iń sãoteko senlen onko do hoṛkoko as chuṭạuletʼkoa. Menkhan iń do ińren Probhu Isorakʼ katha purạteń manao ạguakada.

Josuạ 2:24

Unkin do Josuạkin metadea, “Noa katha do sạri kana je, Probhu Isor do goṭa disạmge aboakʼ tireye jimạ akada. Abo botorte onḍenko hoṛ do jiwi oṭaṅ akantakoa.”

Dosar Biboron 20:8

Naekeko do arhõko mena, ‘ape talare jãhãeko botorokʼkan khan se dil bako ạikạuetʼ khan, enḍekhan ona ńelte eṭakʼ Israel boehakoakʼ mon alo bhiṅgṛạukʼ onate uni do acʼakʼ oṛakʼteye ruạṛ calakʼma.’

Genesis 36:15

Esauren hoponko modre adom hoṛ do sordarko hoylena. Esauren maraṅicʼ hopon Eliphasren okoeko hopon do sordarko tahẽkan onko doko hoyokʼ kana, Teman, Omar, Sepho, Kenas,

Sereńko 48:5

ar ona nagraha ńelte onko doko comkao gotʼena ar ạḍi bạṛicʼko botorenteko dạṛkeda.

Jirimiạ 49:23

Damesek babotre Probhu Isore meneda, “Hamat ar Arpad dokin andmandao akana, ente unkin do bạṛicʼ khoborkin ańjomakada. Unkin dokin as chuṭạu akana, ar haḍak ḍabakokʼkan doreão lekakin hoyakana.

Genesis 36:16

Korah, Gatam ar Amalek. Edomre noko do Adaren hopon Eliphasren bõsko tahẽkana.

Habakkuk 3:6

Uni do teṅgokate dhạrtiye daldalaoeda; ar beṅgetʼte jạt jạtrenkoe thar tharao ocoyetʼkoa. Sedae reakʼ buru-ḍuṅgriko do rạpudokʼkana ar sedae jug reakʼ buruko do rạputʼ ńurokʼkana. Jug hilokʼ khon uniyakʼ hor reakʼ jãhãn bodolge bạnukʼtaea.