Exodus 15:14 - সান্তালী বাইবেল

¹⁴ Ona katha ańjomkate eṭakʼ jạtrenko do botorteko thar tharaokʼa, ar Philisṭiko do monreko dhak dhakaokʼa.

Exodus 15:14 Referans Kwoze

Dosar Biboron 2:25

Teheń khon dhạrtiren sanam jạtrenko talare ape reaṅ mitʼṭecʼ botoriń caṛhao ocoytakoa. Onko do apeakʼ kathako ańjomle khan botorteko thar tharaokʼa ar ape iạte ạḍiko cintạkʼa.’

Jesaea 14:31

E phaṭok duạr, homor halaṅ joṅme. E nagraha, rakʼ joṅme. E Philisṭiko, ape do sanamakʼpe juriyeda. Utạr secʼ khon dhũạ reakʼ rimil do hijukʼ kana, ar uniren lạṛhại phạdko khon celehõ bako pạcokʼ kana.

Sereńko 48:6

Botorte onko do onḍeko thar tharaoena ar bedonte gidrại janamede kan maejiu lekako hoyena.

Josuạ 9:24

Onko do Josuạko roṛ ruạṛadea, “Niạ goṭa disạmge ape emape lạgitʼ ar ape samaṅ khon niạ disạmren sanamko marao giḍiko lạgitʼ okaṭakʼ hukum amren Probhu Isor acʼren guti Moseye emade tahẽkan ona do pusṭạutege ale amren golamko ṭhen roṛ akan tahẽkana. Ar onate ale do ape reaṅ sanamakʼko ańjomkate botorte niạ kạmile kạmi akada.

Numeri 14:14

Unre Misorrenko do ona katha niạ disạmren hoṛko lạiyakoa. Ar E Probhu Isor, niạ disạmren hoṛko ańjomakada, am do Israelrenko sãotem tahenkana, ar E Probhu Isor, am do samna sạmnim sodorakana. Onkoko ańjom akada, amakʼ rimil khunṭi do onko cetanre menakʼa ar siń do rimil khunṭire ar ńindạ do seṅgel khunṭire onko laha lahatem calakʼkana.

Jesaea 14:29

E Philisṭiko, apeye ńẽtʼetʼpe tahẽkan ṭheṅga do rạputʼ akante alope rạskạkʼa. Ente bińakʼ bõs khonge ayaṅ bińe hijukʼa, ar uni biń khon do uḍạukʼicʼ bińgeye oḍok hijukʼa.

Josuạ 10:2

Onate uni ar uniren hoṛko do botor caṛhaoatʼkoa, ente Gibeon do raj nagraha lekan nagrahage tahẽkana. Noa do Ae nagraha khon hõ maraṅ nagraha tahẽkana ar onaren sanam herel hoṛ do daṛeangeko tahẽkana

1 Samuel 4:7

Noa kathako ańjomketʼ khan onko do botorenteko menkeda, “Isor do onkoakʼ ḍerateye hecʼakana.” Onko do arhõko menkeda, “Hae! Noa lahare tisge nonka do baṅ hoyakana.

1 Bõsbudạ 14:17

Nonkate Dạudakʼ ńutum do goṭa disạm pasnao idiyentaea, ar Probhu Isor do sanam jạtrenko talare uni reaṅ mitʼṭecʼ botore rakapʼ ocoketʼtakoa.

Jesaea 23:5

Misorre niạ khobor seṭerlen khan Misorrenko do Tur reakʼ sombat iạte monre ạḍi kosṭoko ńama.

Jeheskel 32:9

“ ‘Jạt jạtrenko talare, amakʼ bin baḍaeyakʼ eṭakʼ disạmko talare tinre amakʼ ḍahao maraokʼ reakʼ sombatiń emakoa unre onko do monre dukko ńama.

Habakkuk 3:7

Kusanren hoṛ do nindhạn dosareń ńelketʼkoa, ar Midiạnren hoṛ doko thar tharaokʼkana.

Josuạ 2:11

Ar noako ańjomkate aleakʼ joto as do caba akantalea ar ape botorte aleakʼ dilko hõ ses akan talea. Aperen Probhu Isorge sermaren ar dhạrtiren Isor kanae.

Josuạ 9:9

Onkoko roṛ ruạṛkeda, “Amren Probhu Isorakʼ ńutum ańjomkate amren golamko do ạḍi sạṅgiń khonle hecʼ akana. Misor disạmre uni okae cekaletʼ ona reakʼ sombat hõle baḍae akada.

1 Samuel 4:8

Hae, hae, uni daṛean Isorakʼ ti khon do okoeye rukhiyạ bona? Hahaṅkarre ạḍi lekan moṛokte nui Isorge hahaṅkarre Misri hoṛkoe gocʼletʼkoa.

Sereńko 48:7

Purub reakʼ kajak hoete cetʼleka uni do maraṅ maraṅ Tạrsis jahajkoe rạputʼletʼ, onkage onkoe marao giḍikatʼkoa.

Habakkuk 3:6

Uni do teṅgokate dhạrtiye daldalaoeda; ar beṅgetʼte jạt jạtrenkoe thar tharao ocoyetʼkoa. Sedae reakʼ buru-ḍuṅgriko do rạpudokʼkana ar sedae jug reakʼ buruko do rạputʼ ńurokʼkana. Jug hilokʼ khon uniyakʼ hor reakʼ jãhãn bodolge bạnukʼtaea.