Exodus 15:11 - সান্তালী বাইবেল

¹¹ “E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

Exodus 15:11 Referans Kwoze

1 Rapajko 8:23

Uni doe menkeda, “E Probhu Israelkoren Isor, coṭ sermare se latar otre am lekan cele Isorge bạnukʼkoa. Amren gutiko okoe do mon ar ontorte amakʼ horteko calakʼkan onko do amakʼ asambheṛ dulạṛem udukʼako kana ar bondobosem bandhao akada.

1 Samuel 2:2

Probhu Isor leka sonoticʼ do okoe hõ bạnugicʼan, ente am chaḍa ar cele Isorge bạnukʼkoa; aboren Isor leka asrae buru do ar cetʼge bạnukʼa.

2 Samuel 7:22

E Probhu Isor, am dom maraṅgea! Am leka do ar celege bạnukʼkoa ar am chaḍa eṭakʼ jãhãn Isor hõ bạnukʼkoa; noa katha do aleakʼ luturtegele ańjomakada.

Johan sodor 4:8

Noko ponea jiwiyanko do hoṛo hoṛo turui goṭecʼkate phạ̃kṛạ̃kʼ ar sanam jaegakore mẽtʼkote perecʼ tahẽkantakoa. Onko do siń ńindạ mitʼ kathageko roṛetʼ tahẽkana, “Sanam daṛeanicʼ Probhu Isor, okoe doe tahẽkan, okoe do menaege, okoe doe hijukʼkan uni doe sonot, sonot, sonotgea.”

Jesaea 6:3

Onko do hohowateko menjoṅ kan tahẽkana, “Phạdkoren Probhu Isor doe sonot, sonot, sonotgea; Goṭa dhạrti do uniyakʼ ṭhonokte perecʼgea.

Dosar Biboron 3:24

‘E Probhu Isor, am do maraṅ arem daṛeangea ar amren guti onam udukʼae kana. Serma ar dhạrtire okoe debota menakʼkoa, amem kạmikanakʼkoe kạmi daṛeke ar amem udukʼ akatʼ daṛekoe udukʼ daṛeke?

Sereńko 86:8

E Probhu Isor, debotako modre am lekan do cele hõ bạnukʼkoa; amakʼ kạmi sãote eṭakʼ jãhãn kạmi reakʼ hõ ohoge jurikokʼa.

Sereńko 77:14

Amge uni Isor do one hahaṛawakʼkom kạmikan; ar sanam jạtrenko talare amge amakʼ daṛeyem sodor akatʼtama.

Johan sodor 15:4

E Probhu Isor okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”

Jesaea 40:25

Uni sonoticʼe meneda, “Okoe tulucʼpe juriyińa? Ar okoe iń soman doe hoyokʼa?”

Dosar Biboron 33:26

Uni doe menkeda, “E Jisurun Isor leka do celege bạnukʼkoa. Amren gokʼṛoyicʼ hoyokʼ lạgitʼ uni do rimil reakʼ gạḍite, acʼakʼ mạhimawante rimilteye decʼ hijukʼkana.

Sereńko 77:19

Am do jalapuri talatem horleda, ar athantar dakʼ talatem ḍaharleda, menkhan amakʼ jaṅga reakʼ cinhạ do baṅ ńellena.

Jesaea 40:18

Enḍekhan okoe tulucʼ Isor dope jurikea? Ar cetʼ sãotepe jurikea?

Sereńko 35:10

Unre ińakʼ sanam hoṛmoe mena, “E Probhu Isor, am leka do ar okoe menaea? Amge dukokʼkanko do onkoren bạirikoakʼ ti khonem bańcaoetʼkoa ar okoe onko khonko daṛege; ar okoe doko luluṭko kan onkoakʼ ti khon am do dukokʼko ar ṭonṭakʼkan kom bańcaoetʼkoa.”

Exodus 8:10

Pharaoe roṛ ruạṛadea, “Enḍekhan ona do gapage hoyokʼma.” Moseye menkeda, “Onkage hoyokʼa. Ar onatem bujhạu daṛeakʼa, aleren Probhu leka do ar cele Isorge bạnukʼkoa.

Sereńko 66:5

Ape do dela hijukʼte Isorakʼ kạmi ńel idipe; manwa lạgitʼ uni okaṭakʼe kạmi akatʼ ona do monre botore rakapʼ ocoyeda.

Jirimiạ 49:19

“Jordan reakʼ bir khon cetʼleka dhạcri kul do sikạr lạgitʼe oḍokʼ hijukʼ onkage mitʼ ripitʼre Edom do acʼakʼ disạm khoniń laga ńirea. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Sereńko 145:17

Probhu Isor do acʼakʼ sanam horreye dhoromgea, ar sanam kạmireye pạtiạrgea.

Jirimiạ 10:16

Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Sereńko 119:120

Am botorte hoṛmo do caṭokʼkantińạ; ar amakʼ ạn ạriko iạte iń doń botorokʼ kana.

Luk 12:5

Menkhan ińiń udukʼapea okoeṭakʼpe botoraea mente. Ape gocʼpe tayom okoe do norokre khadlepe reakʼ ektiạri menakʼtae unige botoraepe. Hẽ ińiń metapekana, ape do unige botoraepe.

Sereńko 90:11

Amakʼ edre reakʼ daṛe do okoeye bujhạu daṛeakʼa? Tinạkʼ hoṛakʼ ontorre bhoti menakʼte, amakʼ raṅgaoko bujhạu daṛeakʼa?

Jesaea 30:11

Hor khon sahaṛokʼpe, ar suṛucʼ hor khon ghańjeṛokʼpe. Israelren uni sonoticʼakʼ katha do ar alope ańjomalea.”

Sereńko 89:18

Aboren raj do Israelren uni sonoticʼe bahal akadea; aboakʼ ona ḍhal do Probhu Isorgeye bahal akadea.

Johan sodor 13:4

Biń do uni janwar ektiạriye emade tahẽkante hoṛko do uni biń Isor lekako sewawadea ar janwar hõ onkage sewawadeteko menkeda, “Nũi janwar leka cele menakʼkoa? Ar okoe baṅ uni sãoteye lạṛhại daṛeke?”

Exodus 3:20

Onate iń do unire ińakʼ daṛeń uduga ar hahaṛa kạmiko hotete Misoriń ńẽda ar onate Pharao doe sen ocoapea.

Exodus 9:14

ente noa tayom am ar amren kạmiyạko ar hoṛko cetanre iń do sanam lekan duk iń kola. Ar unrem bujhạu daṛeakʼa, goṭa dhạrtire iń leka ar celege bạnukʼkoa.

Exodus 18:11

Onate ńit iń bujhạ daṛeakʼ kana, joto debotako khon Probhu Isorgeye maraṅa, ente debotako okako reaṅ Israelko upạrteko gorobokʼkan tahẽkan onako babotre Probhu Isorgeye maraṅa.”

Exodus 20:3

“Iń samaṅre eṭakʼ Isorko aloko tahentam ma.

2 Bõsbudạ 2:5

“Okaṭakʼ oṛakʼ benao iń menjoṅkan ona do maraṅakʼ hoyokʼa, ente aboren Isor do sanam debotako khon hõe maraṅgea.

2 Bõsbudạ 6:14

“E Probhu Isor, Israelkoren Isor, coṭ sermare se latar otre am lekan do ar cele Isorge bạnukʼkoa. Amren gutiko okoe do mon ar ontorte amakʼ horteko calakʼ onko secʼ amakʼ asambheṛ dulạṛ reakʼ bondobos baṛe rukhiyại me.

Sereńko 22:23

Ape okoe do Probhu Isorpe botorae kan ape do uni sarhaoepe. Jakobren bõsrenko, ape do uni manotepe. Israelren sanam bõsko, ape hõ uni botoraepe.

Sereńko 113:5

Aboren Probhu Isor leka do okoe menaea? Uni do serma khon hõ coṭreye tahẽnkana

Sereńko 136:4

Okoe do eskarge maraṅ ar hahaṛawakʼkoe kạmikan uni gun manao joharaepe; ente uniyakʼ dulạṛ do jaejuggetaea.

Mikạ 7:18

Am lekan Isor do ar celehõ bạnuiya okoe do jiwetʼ tahen hoṛkoakʼ kại ar behokakʼe ikạyetʼtako. Am do jaejug edre bam sapʼ dohoya bickom amakʼ asambheṛ dulạṛem udugte rạskạm bujhạueda.

Exodus 8:6

Unre Aron do Misor reakʼ sanam dakʼ cetanre acʼakʼ tiye tiạrkeda. Ar onate roṭeko rakapʼ hecʼente disạmko perecʼ cabakeda.

Dosar Biboron 1:30

Aperen Isor Probhu Isorge ape laha lahateye calakʼa. Uni do ape mẽtʼãhã samaṅre Misor disạm ar hahaṅkarre cetʼleka ape secʼ hoykateye lạṛhạilen ńitokʼ hõ onkageye kạmiya. Arpe ńeletʼkangea, apat jemon hopon ghõṛakateye idiye onkage noa jaegare ạuripe seṭerokʼ hạbicʼ aperen Probhu Isor do goṭa hore ghõṛa ạgu akatʼpea.’

Dosar Biboron 4:34

Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.

1 Bõsbudạ 16:25

Probhu Isorgeye maraṅa ar sanamko cetanre unige sarhaoanicʼ lek kanae; sanam debotako khon hõ uni doe botorangea.

Sereńko 60:2

Am do dhạrtim daldalao ocoyeda, arem paṛakʼ ocoyeda; am do ona paṛakʼko bondme, ente disạm do ḍikạ ḍakekʼ kana.

Sereńko 77:11

Probhu Isorakʼ sanam kạmiko reakʼ kathań disạ dohoya; hẽ, sedae reakʼ amakʼ hahaṛa kạmi reakʼ kathakoń disạya.

Sereńko 86:10

Am dom maraṅgea ar hahaṛawakʼkom kạmikana; eken amkagem Isor do.

Jesaea 46:9

Sedae reakʼ kathako disạipe. Iń kangeạń Isor do, iń chaḍa eṭakʼ jãhãe ar celege bạnukʼkoa; Iń kangeạń Isor do, Iń leka do ar celege bạnuiya.