Exodus 15:10 - সান্তালী বাইবেল

¹⁰ Menkhan am dom oṅketʼte hoeyem ạgukeda, ar jalapuri hõ onkoe loṭomketʼkoa. Onko do khạndri dakʼre sisạ lekako tạpukʼena.

Exodus 15:10 Referans Kwoze

Jesaea 11:15

Probhu Isor do jalapuri reakʼ locoṅe marao utạra; uni do lolo hoete phurạt gaḍa cetanre acʼakʼ daṛeye uduga. Uni do onae hạṭińa ar eae goṭecʼ nalae benaoa, jemon hoṛko do panahe horokʼkateko parom daṛeakʼ.

Dosar Biboron 11:4

Misorren palṭonko, onkoren sadomko ar gạḍiko cetanre Probhu Isor okae cekaletʼ ar onko tinre apeko khudạuletʼpere cetʼleka arakʼ doreão reakʼ dakʼreye unum ocoketʼko ar cetʼlekae maraoketʼko ona hõ bako ńelakada.

Exodus 15:5

Onko do khạndri dakʼreko loṭomena dhiri leka jalapurireko tạpukʼena.

Exodus 14:21

Tayomte Mose do jalapuri cetanre acʼakʼ tiye tiyạrketʼtaea; ar Probhu Isor do goṭa ńindạ mitʼṭecʼ purub reakʼ maraṅ hoeye ạguketʼte dakʼ doe bar hạṭiń ocokeda. Uni do dakʼe bar hạṭińketʼ khan jalapuri talate mitʼṭecʼ kuṭhạ̃ṛ hore tearkeda.

Mathae 8:27

Noa ńelte celako do hahaṛayenteko menkeda, “Nui doe okalekan hoṛ kante, hoe hõ hoe ar doreão hõ doreãokin bataoetʼtaea!”

Amos 4:13

Disạipe, okoe buru boṭkocʼkoe benao akatʼ, ar hoeye sirjạu akatʼ ar manwa ṭhen acʼakʼ ganḍon joṅakʼkoe sodor ocoy, okoe do marsale ńut ocoy ar dhạrti reakʼ buru boṭkocʼko cetanteye daṛan kan uniyakʼ ńutum do phạdkoren Probhu Isorge.

Jirimiạ 10:13

Uniyakʼ hukumte serma reakʼ dakʼ do chilkibilkikʼ kana; uni do dhạrti reakʼ ses simạna khon rimile rakapʼ ạguyetʼkana. Uni do dakʼ lạgitʼe bijli ocoyeda ar acʼakʼ murại khon hoe koe oḍok ạguiyeda.

Sereńko 147:18

Acʼakʼ kathae koletʼte uni do arele leyeda; ar acʼakʼ hoeye hoe ocoyre dakʼe ạtu ocoyeda.

Sereńko 135:7

Unige pirthimi reakʼ mucạtʼ khon rimile rakapʼ ocoyeda; unige dakʼ lạgitʼ bijliye tear ocoyeda.

Genesis 8:1

Jahajre Noha ar uni sãote tinạkʼ ạsul ar bir janwarko tahẽkan Isor do onkoakʼ katha bae hiṛińleda. Uni do dhạrti cetanre hoeye ạgukeda, ar onate dakʼ do ańjedokʼ ehopʼen.

Kạhtukko 30:4

Okoe sermate doe rakapʼakana are pheḍ hecʼakana? Okoe do tire hoeye cuputʼ akada? Okoe apnarakʼ kicricʼre sanam dakʼe jarwa dohoakada? Dhạrti reakʼ simạnako do okoeye bandhao akada? Uniyakʼ ńutum ar uniren hoponakʼ ńutum do cetʼ? Amem baḍae khan lạiyạńme baṛe.

Jirimiạ 46:17

Onḍenko hoṛko meneda, ‘Misorren Pharao raj do murukte rukʼkan mitʼṭecʼ ghonṭa kanae; uni do acʼakʼ ạte atʼ akatʼtaea.’ ”

2 Samuel 18:8

Unre lạṛhại do goṭa ṭoṭha pasnao idiyena ar lạṛhạite tinạkʼ hoṛ bako gocʼlen ona khon ḍher do bir iạteko gocʼena.

Nehemiạ 9:11

Amge onko samaṅre jalapurim bar hạṭiń ocoleda, onate kuṭhạ̃ṛgeko paromlena; menkhan okoe onkoko khudạuletʼko onko do athantar dakʼre dhiri giḍikakʼ lekam khadlekatʼkoa.