Exodus 14:7 - সান্তালী বাইবেল

⁷ Uni do turui sae rãt gạḍikoe bachaoana, ar ona chaḍa misrikoakʼ eṭakʼ rãt gạḍiko hõe soṅge torakeda. Ar mimitʼ goṭecʼ rãt gạḍire mimitʼ goṭen senapotikoe dohoketʼkoa.

Exodus 14:7 Referans Kwoze

Exodus 15:4

Pharaoakʼ rãt gạḍiko ar palṭonko do unige jalapuri reakʼ dakʼreye giḍikatʼkoa; Pharaoren bachao akan palṭonko do arakʼ jalapurireko unum gocʼena.

Jesaea 37:24

Amren golamko hotete Probhu Isor dom landa-dhutʼae kana, amakʼ sanam rãt gạḍikoante bururem decʼakana, Lebanon reakʼ usul utạrakʼ cuṛạrem rakapʼ akana, ar ona reakʼ usul usul debdạru ar bhage bhage saro dareko dom makʼ giḍiakada, ar ona reakʼ bir bhitrikorem boloakana,

Sereńko 68:17

Isorakʼ rãt gạḍi do hajar hajar, lakh lakh; Probhu Isor do onako talare sonot ṭhạ̃ire menaea, cetʼleka uni do Sinại burureye tahẽkan.

Sereńko 20:7

Ḍher hoṛge akoakʼ rãt gạḍi iạteko bạḍạiyokʼa ar adomko do akoren sadomko iạte, menkhan abo do aboren Probhu Isor iạtege.

Bikʼcạrko 4:15

Barak do tinre onko cetanre jhãpe emkeda unre uni samaṅre Probhu Isor do Sisera ar uniyakʼ sanam rãt gạḍi ar lạṛhại phạdkoe andmandao ocoketʼkoa. Unre Sisera do acʼakʼ rãt bạgikateye dạṛkeda.

Bikʼcạrko 4:3

Jabinakʼ do irạl sae mẽṛhẽtʼ reakʼ rãt gạḍiko tahẽkantaea ar uni do bargel bochor hạbicʼ Israelko cetanre ạḍi bạṛicʼ jor julume caloetʼ tahẽkana. Onate Israelko do Probhu ṭhen goṛo ńam lạgitʼko rakʼkeda.

Exodus 14:23

Noa ńelte misriko do tayom khon Israelkoko khudạu idiketʼkoa. Ar Pharaoren sadomko, rãt gạḍiko ar aswariko hõ onko tayom tayomte jalapuriteko boloyena.

Exodus 14:6

Noa menkate Pharao do acʼakʼ rãt gạḍiko sapṛao lạgitʼe hukumkeda ar acʼren palṭonko jarwaketʼkote soṅgeteye idiketʼkoa.

Exodus 14:8

Probhu do Misorren raj Pharaoakʼ mone keṭecʼ ocoketʼtaea. Ar Israelko dilkate samaṅ secʼko sen idikʼkan tahẽkanre uni do onkoe khudạu idiketʼkoa.

Genesis 50:9

Ạḍi utạr rãt gạḍiko ar aswarikoante onko do mitʼṭecʼ maraṅ phạdge Joseph sãoteko calaoena.