Exodus 14:21 - সান্তালী বাইবেল

²¹ Tayomte Mose do jalapuri cetanre acʼakʼ tiye tiyạrketʼtaea; ar Probhu Isor do goṭa ńindạ mitʼṭecʼ purub reakʼ maraṅ hoeye ạguketʼte dakʼ doe bar hạṭiń ocokeda. Uni do dakʼe bar hạṭińketʼ khan jalapuri talate mitʼṭecʼ kuṭhạ̃ṛ hore tearkeda.

Exodus 14:21 Referans Kwoze

Jesaea 63:12

Okoe do Mose goṛowae lạgitʼ acʼakʼ ṭhonokanakʼ daṛeye ematʼko tahẽkan, okoe do acʼakʼ ńutum jaejug hạrjoṅ lạgitʼ onko samaṅre dakʼe bar hạṭiń ocoletʼ,

Exodus 15:8

Amakʼ sãhetʼte dakʼ do jarwayena. Ar ḍheokote perecʼ dakʼ do ḍhipi leka teṅgoyena, ar athantar dakʼ do jalapurire jomaṭ badhaoena.

Sereńko 66:6

Uni do jalapuriye rohoṛ ocoleda; ar onko do taṛamte gaḍako paromlena. Dela bon, abo do disạmre uni iạte bon rạskạkʼma.

Jesaea 51:10

Amge cetʼ khạndri jalapuri reakʼ dakʼ do bam ańjetʼ ocoleda? Amge cetʼ jalapuri bhitrite hor do bam tearleda one amren chaḍao akan hoṛko taṛam paromlen?

Sereńko 78:13

Uni do jalapuriye bar hạṭińletʼte ona talate onkoe parom idiletʼkoa; uni do dakʼko ḍhipi lekae teṅgo ocoleda.

Sereńko 74:13

Amakʼ daṛetege am do jalapurim bar hạṭiń akada; amge jalapurire dakʼ maṅgaṛkoakʼ bohokʼem gejer akatʼtakoa.

Nehemiạ 9:11

Amge onko samaṅre jalapurim bar hạṭiń ocoleda, onate kuṭhạ̃ṛgeko paromlena; menkhan okoe onkoko khudạuletʼko onko do athantar dakʼre dhiri giḍikakʼ lekam khadlekatʼkoa.

Josuạ 4:23

Ar arakʼ jalapuri ạurile parom hijukʼ hạbicʼ aperen Probhu Isor do cetʼleka doreãoe ańjetʼ ocoletʼ onkage jordan gaḍa hõe ańjetʼ ocokeda. Ar gaḍa ạuripe parom hijukʼ hạbicʼ aperen Probhu Isor do ale samaṅre jordan gaḍae ańjetʼ ocoletʼ tahẽkana.

Sereńko 136:13

Okoe do Arakʼ doreãoe bar hạṭińletʼ tahẽkan uni gun manao joharaepe; ente uniyakʼ dulạṛ do jaejuggetaea.

Exodus 14:16

Ar amakʼ ṭheṅga sabme ar jalapuri cetanre amakʼ ti tiạrtam ar jalapuri bar hạṭiń ocoyme. Ar onate Israelko do jalapuri talate rohoṛgeko taṛam parom daṛeakʼa.

Jesaea 51:15

Ińge Probhu, aperen Isor do. One jalapuriń leoḍalere ona do ḍheokote hud hudạukʼkan. Ińakʼ ńutum do phạdkoren Probhuge.

Jobakʼ 26:12

Uni do acʼakʼ daṛete jalapuriye ạulạ ạuli ocoyeda; acʼakʼ budte uni do Rahabe chaka chunekana.

Aposkạmi 7:36

Ar nui Mosege Misor disạm khon Israelkoe oḍok ạguletʼkoa ar Misor disạmre, arakʼ doreãore ar pongel bochor hạbicʼ hahaṅkarre ạḍi utạr hahaṛa kạmi ar cinhạkoe kạmileda.

Genesis 8:1

Jahajre Noha ar uni sãote tinạkʼ ạsul ar bir janwarko tahẽkan Isor do onkoakʼ katha bae hiṛińleda. Uni do dhạrti cetanre hoeye ạgukeda, ar onate dakʼ do ańjedokʼ ehopʼen.

Exodus 7:19

Tayomte Probhu Isor do Moseye metadea, “Aron acʼakʼ ṭheṅga hataokate Misor reakʼ sanam gaḍa, nala, pukhri ar jarwa akan dakʼko cetan secʼ ti tiạrkate ạcurem metaea. Onate sanam dakʼ do mãyãmokʼa. Misor disạm reakʼ sanam jaegare mãyãm ńelokʼa; ar dhiri ar kaṭre dohoakatʼ dakʼ hõ mãyãmokʼa.”

Josuạ 2:10

Misor disạm khon oḍok hecʼen tayom Probhu Isor cetʼleka arakʼ doreão reakʼ dakʼ ape samaṅ khone ańjetʼ ocoletʼ ona hõle ańjomakada. Sihon ar Og ńutuman jordan gaḍa purub secʼren Amorikoren barea rajakʼ oka dosape hoyoco akatʼ tạkin ona hõle ańjom akatʼa.

Josuạ 3:17

Ar tin hạbicʼ sanam Israelko jordan gaḍa ạuriko parom cabakʼ un hạbicʼ Probhu Isorakʼ goha-sinduk gokʼ idiyetʼkan naekeko do jordan gaḍare kuṭhạ̃ṛ otreko teṅgo tahẽyena; ar sanam hoṛ do kuṭhạ̃ṛgekoge parom calaoena.

2 Rapajko 2:8

Eliạ do acʼakʼ hoṛmo reakʼ oyonakʼe lạṭumkeda ar onate jordan gaḍa dakʼe dalkeda. Onate dakʼ do bar hạṭińena ar unkin do rukhạṛge kin paromena.

Jesaea 23:11

Probhu Isor do jalapuri cetanre acʼakʼ tiye tiyạr akatʼtaea ar rajosṭikoe daldalao akada. Uni do Kanan disạm babotre mitʼṭecʼe hukum akada jemon ona reakʼ gaṛkoe marao giḍikakʼ.

Jesaea 43:16

Probhu Isor do jalapuri talate hore benaoleda, ona khạndri dakʼ talate suṛucʼ horgeye benaoleda.

Jesaea 50:2

Ińiń hecʼlenre onḍe do cedakʼ okoege bako tahẽkana? Ińiń hoholetʼre goṅeń lạgitʼ do cedakʼ bako tahẽkana. Ape chaḍaope lạgitʼ ińakʼ ti do cetʼ ḍher khaṭogetińa? Ape bańcaope lạgitʼ cetʼ daṛe hõ komaogetińa? Ńelpe dhomoktege jalapuriń ańjetʼ ocoyeda ar gaḍakoń khaṅkhor ocoyeda; onaren hakoko do dakʼ begorteko seakʼ kana ar tetaṅteko gujukʼ kana.

Jesaea 63:13

okoe do jalapuri talate onkoe ạyur idiletʼko uni do okare menaea? Ar onatege onko do hahaṅkarre taṛametʼkan sadom leka bako tohotʼlena.

Habakkuk 3:8

E Probhu Isor, gaḍako cetanre amakʼ edre do cetʼ caṛhao akana? Amakʼ edre do cetʼ gaḍako cetanrege paṛao akana? Am do cetʼ jalapuri cetanrem ạṛis akana? Ona iạte cetʼ am do amren sadomko ar amakʼ jit reakʼ rãt gạḍikorem decʼ baṛaekana?

Jobakʼ 38:24

Oka ṭhạ̃i khon marsal bamberokʼ, se oka khon pirthimire purub reakʼ hoe hijukʼ ona ṭhạ̃i do okare menakʼa?

Sereńko 148:8

E bijli ar arel, him ar kuṛhạ ar uniyakʼ hukum senakʼ birbão uni sarhaoepe.

Jesaea 44:27

Athantar dakʼ doń metakʼa, ‘rohoṛokʼme; iń do amakʼ gaḍakoń ańjetʼ ocoya.’